ប្រធានសាលាដំបូងខេត្តបន្ទាយមានជ័យថ្មី ចូលកាន់តំណែង
- បន្ទាយមានជ័យ
ខេត្តបន្ទាយមានជ័យ ៖ ប្រកាសចូលកាន់តំណែងប្រធានសាលាដំបូងខេត្តបន្ទាយមានជ័យថ្មីដោយ
ខេត្តបន្ទាយមានជ័យ ៖ ប្រកាសចូលកាន់តំណែងប្រធានសាលាដំបូងខេត្តបន្ទាយមានជ័យថ្មីដោយប្រធានចាស់ផ្ទេរភារកិច្ចប្រធានសាលាដំបូងរាជធានីភ្នំពេញដែលត្រូវបានធ្វើឡើងកាលពីថ្ងៃទី១៩ ខែតុលា ឆ្នាំ២០២៣ នៅសាលាដំបូងខេត្តបន្ទាយមានជ័យ។
ក្នុងពិធីប្រកាសតែងតាំងលោក សេង លាង ជាប្រធានសាលាដំបូងខេត្តបន្ទាយមានជ័យ ជំនួសលោក ងួន ណារ៉ា ផ្ទេភារកិច្ចទៅជាប្រធានសាលាដំបូងរាជធានីភ្នំពេញ។
លោក ងួន ណារ៉ា ប្រធានសាលាដំបូងខេត្តបន្ទាយមានជ័យចាស់បានមានប្រសាសន៍ថា សាលាដំបូងខេត្តបន្ទាយមានជ័យរយៈពេលកន្លងមកបានសហការគ្នាល្អក្នុងស្ថាប័នសាលាដំបូងបានផ្តល់សេវាយុត្តិធម៌ចំណាត់ការដោះស្រាយសំណុំរឿងនិងយកយុត្តិធម៌ជូនប្រជាពលរដ្ឋបានឆាប់រហ័សហើយអគុណចំពោះស្ថាប័នពាក់ព័ន្ធក្នុងខេត្តបន្ទាយមានជ័យបានសហការល្អការយុត្តិធម៌។
លោក សេង លាង ប្រធានសាលាដំបូងខេត្តបន្ទាយមានជ័យថ្មីបានមានប្រសាសន៍ផ្តេជ្ញាចិត្តពង្រឹងសាមគ្គីភាពផ្ទៃក្នុងសាលាដំបូងនិងអយ្យការអមសាលាដំបូងខេត្តបន្ទាយមានជ័យនិងត្រៀមលក្ខណៈសម្បត្តិអោយបានគ្រប់គ្រាន់ដើម្បីបម្រើប្រជាពលរដ្ឋទទួលបានភាពយុត្តិធម៌និងប្រយុទ្ធប្រឆាំងអំពើឈ្លានពានដោយអយុត្តិធម៌ក្នុងសង្គម។
ឯកឧត្តម អ៊ុំ រាត្រី អភិបាលខេត្តបន្ទាយមានជ័យបានកោតសសើរចំពោះប្រព័ន្ធតុលាការខេត្តបន្ទាយមានជ័យរយៈពេលកន្លងមកនៅខេត្តបន្ទាយមានជ័យបានអនុវត្តការងារប្រព័ន្ធយុត្តិធម៌ជូនប្រជាពលរដ្ឋបានល្អនិងឆាប់រហ័ស ដោយឡែកបន្ទាយមានជ័យមានរឿងទំនាស់ដីធ្លីដែលត្រូវបានដោះស្រាយក្រៅប្រព័ន្ធតុលាការដោយឯកឧត្តម ប៉ាន់ ខែមប៊ុនថន នាយរងខុទ្ធកាល័យសម្តេចនាយករដ្ឋមន្ត្រីនៃព្រៈរាជាណាចក្រកម្ពុជាមានប្រសិទ្ធភាពទទួលបានយុត្តិធម៌ជូនប្រជាពលរដ្ឋ។
ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌បានមានប្រសាសន៍ផ្តាំផ្ញើដល់ប្រធានសាលាដំបូងខេត្តបន្ទាយមានជ័យថ្មីដូចជាមន្ត្រីក្រោមឱវាធត្រូវចេះសហការពង្រឹងសាមគ្គីភាពផ្ទៃក្នុងសាលាដំបូងនិងអយ្យការអមសាលាដំបូងខេត្តដើម្បីបម្រើវិស័យយុត្តិធម៌ជូនប្រជាពលរដ្ឋទទួលបានភាពយុត្តិធម៌ពង្រឹងនិងការលើកកម្ពស់សមត្ថភាពស្ថាប័នតុលាការផ្តល់សេវាយុត្តិធម៌ចំណាត់ការដោះស្រាយសំណុំរឿងមានភាពម៉ឺងម៉ាត់ស្របតាមនីតិវិធីច្បាប់ជាធរមានពន្លឿនការរកយុត្តិធម៌ជូនប្រជាពលរដ្ឋ ៕
ចែករំលែកព័តមាននេះ