មនុស្សម្នាក់ៗសុទ្ធតែមានក្តីសុបិន ខ្លះចង់ក្លាយជាគ្រូបង្រៀន ខ្លះទៀតចង់ក្លាយជាគ្រូពេទ្យ និងខ្លះក៏ចង់ក្លាយជាអ្នកសិល្បៈ ក្នុងវិស័យចម្រៀង ឬភាពយន្តផងដែរ។ បងប្អូនខ្លះទៀត ទម្រាំសម្រេចបាននូវក្តីសុបិននៃអាជីពដែលខ្លួនស្រលាញ់ សុទ្ធតែ
រាជធានីភ្នំពេញ ៖ មនុស្សម្នាក់ៗសុទ្ធតែមានក្តីសុបិន ខ្លះចង់ក្លាយជាគ្រូបង្រៀន ខ្លះទៀតចង់ក្លាយជាគ្រូពេទ្យ និងខ្លះក៏ចង់ក្លាយជាអ្នកសិល្បៈ ក្នុងវិស័យចម្រៀង ឬភាពយន្តផងដែរ។ បងប្អូនខ្លះទៀត ទម្រាំសម្រេចបាននូវក្តីសុបិននៃអាជីពដែលខ្លួនស្រលាញ់ សុទ្ធតែហែលឆ្លងនូវការលំបាក ហើយបងប្អូនខ្លះទៀត ក៏រងនូវការប្រមា.ថ ដោយសារតែកត្តារូបរាងជាដើម។
ជាក់ស្តែង លោក លី ឧត្តម ដែលត្រូវបានគេស្គាល់ថា គឺជាតារាសម្តែងមួយដួងនោះ បានទម្លាយប្រាប់ឱ្យដឹងថា «រូបលោកក៏ធ្លាប់រងនូវការមាក់ងា.យច្រើនដែរ តែលោកបានតស៊ូរហូតលោកសម្រេចបាននូវក្តីប្រាថ្នាក្នុងវិស័យសិល្បៈ»។
លោក លី ឧត្តម ដែលធ្លាប់ជាតារាសម្តែង និងអ្នកចម្រៀងកាលពីពេលមុននោះ បានងាកមកប្រឡូកក្នុងវិស័យលក់ដូរអនឡាញ ហើយលោកបានឈប់សម្រាកពីវិស័យសិល្បៈនាពេលនោះ។ ស្រាប់តែស្ងាត់ៗ លោក លី ឧត្តម បង្ហើបថា «លោកចង់ប្រឡូកក្នុងវិស័យសិល្បៈម្តងទៀត»។
តែហេតុផលអ្វី? ទើបលោកចង់ប្រឡូកក្នុងវិស័យសម្តែងឡើងវិញ បើទោះបីជាធ្លាប់រងការប្រមា.ថមើលងា.យ ជាពិសេសលើរូបរាងកាយរបស់លោកនោះ។ លោក លី ឧត្តម បានថ្លែងថា «លោកត្រៀមចេញច្រៀងក្នុងឱកាសបុណ្យភ្ជុំបិណ្ឌ តែមិនជ្រកក្រោមផលិតកម្មណាមួយទេ ពោលគឺលោកនឹងធ្វើជាអ្នកចម្រៀងឯករាជ្យ ព្រោះអាជីពមួយនេះ ជាក្តីស្រម៉ៃរបស់លោកតាំងពីកុមារភាព ពោលគឺធ្វើជាតារាចម្រៀងមួយរូបក្នុងដួងចិត្តមហាជន»។
ប្រាកដណាស់ ក្រៅពីការច្រៀង លោក លី ឧត្តម ក៏ជាអតីតតារាសម្តែងផងដែរ កាលពីមុន។ តែអតីតកាលជាអ្នកសម្តែងរបស់លោក ហាក់មិនសូវល្អនោះទេ ព្រោះលោករងការប្រមា.ថជាច្រើន សឹងតែធ្វើឱ្យលោកបា.ក់ទឹកចិត្តម្តងៗ។ លោក លី ឧត្តម បានរម្លឹកនូវពាក្យសម្តីដែលរងការប្រមា.ថថា «តេស្តជិត១លានដង ទៅលើការសម្តែងតែមិនជាប់ គេថា យើងទាប តឿ អាក្រក់ បែបនេះ បែបនោះ»។ លោកបញ្ជាក់ថា «ពាក្យសម្តីនេះ បានធ្វើឱ្យលោកអស់សង្ឃឹម និងចាប់យកអាជីពថ្មី គឺអ្នកលក់អនឡាញ តែលោកក៏ពុំភ្លេចក្តីស្រម៉ៃតាំងពីក្មេង គឺចង់ធ្វើជាអ្នកចម្រៀង»។
តាមរយៈបទសម្ភាសន៍ជាមួយសារព័ត៌មានកោះសន្តិភាព លោក លី ឧត្តម បានបញ្ជាក់ថា «មូលហេតុដែលលោកវិលត្រឡប់ចាប់យកអាជីពជាតារាចម្រៀងជាថ្មីម្តងទៀត អាចថា លោកចង់សម្រេចក្តីស្រម៉ៃខ្លួនឯង ពោលគឺបើទោះបីធ្លាប់បរាជ័យកាលពីកន្លងទៅ និងធ្លាប់រងពាក្យម៉ាកងាយក៏ដោយនោះ»។
លោក លី ឧត្តម បានបន្តថា «លោកធ្លាប់តេស្តសមត្ថភាពសម្តែងរឿង ពោលគឺតេស្តសម្តែងរឿងរាប់ភ្លេចនៅតែមិនជាប់ ដោយមានតែម៉ាកងាយថា ខ្លួនលោកបែបនេះ បែបនោះទៅវិញ ដូច្នេះម្ល៉េះហើយទើបបានជាលោកចង់ធ្វើជាតារាចម្រៀងឯករាជ្យ ទាំងសម្តែង និងច្រៀងដោយលោកផ្ទាល់ ពោលគឺចំណាយទាំងពេលវេលា ថវិកា កម្លាំងកាយកម្លាំងចិត្ត ដើម្បីឱ្យមហាជនបានទស្សនាពីសមត្ថភាពរបស់លោក ដោយលោកធ្លាប់បានឆ្លងកាត់ពីសាលាភូមិន្ទវិចិត្រសិល្បៈ ផ្នែកចម្រៀង រាំង សម្តែង មុនពេលលោកចាប់យកអាជីពជាអ្នកលក់អនឡាញទៅទៀត»។
បើងាកមកចម្រៀងវិញ លោក លី ឧត្តម បានធ្វើការជម្រាបជូនថា «កាលពីពេលថ្មីៗកន្លងទៅ នេះ លោកបាន Cover ចម្រៀងជាច្រើនបទ និងក្នុងឱកាសភ្ជុំបិណ្ឌនាពេលខាងមុខនេះ លោកក៏មានចម្រៀងមួយបទដែរ ជាលំនាំបទរបស់លោកតា ស៊ីន ស៊ីសាមុត ផងដែរនោះ»។ លោក លី ឧត្តម បានបន្តថា «ហេតុមួយទៀត ដែលលោកចង់បន្ថែមអាជីពជាតារាចម្រៀងនោះ គឺដោយសារលោកមើលឃើញទីផ្សារចម្រៀងនាពេលបច្ចុប្បន្ន មានសន្ទុះការគាំទ្រខ្លាំង ដូច្នេះលោកពុំចង់កប់សមត្ថភាពរបស់លោកដែលមាន និងធ្លាប់បានសិក្សាទាក់ទងផ្នែកចម្រៀង រាំ និងសម្តែងនោះ»។
ជាចុងក្រោយ លោកពិតជាអរគុណខ្លាំងណាស់ ចំពោះការគាំទ្រលោកកាលពីកន្លងទៅ ដោយមានការគាំទ្រពីសំណាក់បងប្អូនមហាជនច្រើននេះហើយ ទើបបានជាលោកបន្ថែមអាជីពជា តារាចម្រៀងឯករាជ្យដូច្នេះ៕ ដោយ ៖ លីហួ គីមឆាយ
ចែករំលែកព័តមាននេះ