ព្រះអង្គម្ចាស់ Mateen កំណត់ពេលរៀបអភិសេកហើយ
ព្រុយណេ ៖ ព្រះអង្គម្ចាស់ Abdul Mateen ដែលជាបុត្រាទី៤ របស់ស្តេចស៊ុលតង់ Hassanal Bolkiah
ព្រុយណេ ៖ ព្រះអង្គម្ចាស់ Abdul Mateen ដែលជាបុត្រាទី៤ របស់ស្តេចស៊ុលតង់ Hassanal Bolkiah
ព្រុយណេ ៖ ព្រះអង្គម្ចាស់ Abdul Mateen ដែលជាបុត្រាទី៤ របស់ស្តេចស៊ុលតង់ Hassanal Bolkiah ប្រទេសព្រុយណេ នឹងរៀបអភិសេកនៅដើមឆ្នាំក្រោយ។ នេះបើយោងតាមប្រព័ន្ធផ្សព្វផ្សាយរបស់ព្រុយណេចេញផ្សាយកាលពីពេលថ្មីៗនេះ។
របាយការណ៍ដែលចេញផ្សាយ កាលពីថ្ងៃទី៧ ខែតុលា កន្លងទៅថ្មីៗនេះ បានឱ្យដឹងថា ព្រះអង្គម្ចាស់ស្រស់សង្ហា Abdul Mateen ព្រះជន្ម៣២ព្រះវស្សា ដែលបានឆក់យកបេះដូងនារីៗជាច្រើន និងមានអ្នកតាមដានប្រមាណ ២,៤លាននាក់លើបណ្តាញ Instagram នឹងរៀបអភិសេកជាមួយកូនក្រមុំនាម Anisha Rosnah Adam ដែលជាចៅស្រីរបស់ទីប្រឹក្សាពិសេសរបស់ស្តេចស៊ុលតង់ Hassanal Bolkiah តាមប្រពៃណីទំនៀមទំលាប់ព្រះរាជពិធីអភិសេក នៃរាជវង្សស៊ុលតង់។
ព្រះរាជពិធីមង្គលដ៏អស្ចារ្យនេះ នឹងប្រព្រឹត្តទៅរយៈពេលរហូតដល់១០ថ្ងៃឯណោះ គឺចាប់ពីថ្ងៃទី៧ ខែមករា ឆ្នាំ ២០២៤ តទៅ ខណៈព្រះរាជពិធីសំខាន់តាមបែបសាសនាឥស្លាម នឹងប្រព្រឹត្តទៅនៅថ្ងៃទី១១ រួមនឹងព្រឹត្តិការណ៍ដ៏ពិសេសៗជាច្រើនផ្សេងទៀត រួមទាំងក្បួនដង្ហែជុំវិញរដ្ឋធានី Bandar Seri Begawan នៃប្រទេសព្រុយណេ នៅថ្ងៃទី១៤ ផងដែរ។
ព្រះអង្គម្ចាស់ Abdul Mateen ប្រសូតនៅថ្ងៃទី១០ ខែសីហា ឆ្នាំ១៩៩១ នៅរដ្ឋធានី Bandar Seri Begawan។ ទ្រង់ជាបុត្រទី១០ និងជាបុត្រាទី៤ របស់ស្តេចស៊ុលតង់ Hassanal Bolkiah និងអតីតមហេសី Datin Paduka Seri Hajah Mariam Hj Abdul Aziz ។ ព្រះអង្គម្ចាស់ Abdul Mateen ជាអ្នកបើកឧទ្ធម្ភាគចក្រដ៏ចំណាន និងកំពុងបម្រើការជាសេនាធិការនៅក្នុងកងទ័ពអាកាសព្រុយណេ (Royal Brunei Air Force) ហើយទ្រង់តែងតែបំពេញភារកិច្ចការទូតជាមួយព្រះបិតា និងបង្ហាញព្រះវត្តមានជាញឹកញាប់លើប្រព័ន្ធផ្សព្វផ្សាយបរទេស ជាមួយភាពទាក់ទាញ នៃរូបរាងដ៏ស្រស់សង្ហារបស់ទ្រង់។
ព្រះអង្គម្ចាស់ Abdul Mateen ទទួលការអប់រំផ្នែកយោធានៅសាលារាជបណ្ឌិត្យសភាយោធា Royal Military Academy Sandhurst ចក្រភពអង់គ្លេស នៅព្រះជន្ម១៨ព្រះវស្សា។
ព្រះអង្គក៏ទទួលបានការសិក្សានយោបាយអន្តរជាតិ នៃសកលវិទ្យាល័យ King’s College London ចក្រភពអង់គ្លេស ហើយបានទទួលសញ្ញាបត្របរិញ្ញាបត្រសិល្បៈក្នុងឆ្នាំ ២០១៤ ផងដែរ៕ (ប្រភពពី The Straits Times និង Scrilpost)
ចែករំលែកព័តមាននេះ