ADផ្ទាំងផ្សព្វផ្សាយពាណិជ្ជកម្ម

Picture

«ពពិល​» គឺជា​វត្ថុ​ដ៏សំខាន់​មួយ​ដែល​មាន​តួនាទី​ច្រើន​យ៉ាង ​ក្នុង​ទំនៀម​វប្ប​ធម៌​​ខ្មែរ

8 ខែ មុន
  • ភ្នំពេញ

«​ពពិល​» គឺ​ជា​វត្ថុ​សំខាន់​មួយ​ដែល​ខ្មែរ​និយម​ប្រើប្រាស់​ក្នុង​កិច្ច​ពិធី​ផ្សេង​ៗ រួម​មាន​ ៖ ពិធីការ ឆ្លង​វ័យ កាត់សក់ បង្កក់ឆ្មប កោរ​ជុក ចូល​ម្លប់ បួស​នាគ មង្គលការ និង​បុណ្យស.ព​ជា​ដើម

រាជធានី​ភ្នំពេញ ៖ «​ពពិល​» គឺ​ជា​វត្ថុ​សំខាន់​មួយ​ដែល​ខ្មែរ​និយម​ប្រើប្រាស់​ក្នុង​កិច្ច​ពិធី​ផ្សេង​ៗ រួម​មាន​ ៖ ពិធីការ ឆ្លង​វ័យ កាត់សក់ បង្កក់ឆ្មប កោរ​ជុក ចូល​ម្លប់ បួស​នាគ មង្គលការ និង​បុណ្យស.ព​ជា​ដើម។

ពាក្យថា «​ពពិល​» ប្រទះ​ឃើញ​ប្រើប្រាស់​នៅ​ក្នុង​សិលាចារឹក​សម័យ​មុន​អង្គរ និង​បន្ត​ប្រើ​ឥត​ដាច់​ដល់​សម័យ​កណ្តាល ។

បើ​តាម​ឯកសារ​សារមន្ទីរ​ជាតិ «ពពិល» ភាគច្រើន​ធ្វើ​អំពី​សំរឹទ្ធិ ស្ពាន់ ឬ​លោហៈ​ផ្សេង​ៗ ហើយ​វា​មាន​សណ្ឋាន​​ស្រ​ដៀង​ស្លឹកពោធិ៍ ស្លឹកម្លូ ឬ​រាង​មូល និង​មាន​បន្តុប​លម្អ​ជា​ក្បាច់​សន្លឹក ។ ផ្ទៃ​ពពិល មាន​ឆ្លាក់​​ក្បាច់លម្អ និង​រូប​ច្រើន​បែប​រួម​មាន ៖ រូប​នាង​គ​ង្ហី​ង​ច្បូតសក់, រូប​តាបស, តា​ឥសី, ហនុមាន, ដើម​​ចេក, រូប​ពិស្ណុការ, រូប​ព្រះ​នារាយណ៍, រូប​សីមា, រូប​ព្រះព្រហ្ម និង​រូប​ព្រះឥន្ទ្រ​… ។ ពេល​ខ្លះ «ពពិល​» មាន​លំអ​ជា​អក្សរ រូប​គ្រុឌ​ចាប់​នាគ, រូប​ព្រះ​ចន្ទ, ទេពប្រណម្យ ហៅ​ថា «​នារីផល​» ពោល​គឺ​ស្រី​ដែល​មាន​​តែ​ខ្លួន​ផុស​ចេញ ពី​រុក្ខជាតិ​មាន​ទង​ជា​នាគ ហើយ​មាន​មតិ​ខ្លះ​ថា បកស្រាយ​ថា ​ជា​នាងនាគ ជាដើម ។

ជា​ទូទៅ​ការ​ប្រើប្រាស់​ «ពពិល​» នៅ​ក្នុង​កិច្ច​ពិធី គឺ​ពុំ​សូវ​មាន​ភាព​ខុស​ប្លែក​គ្នា​ប៉ុន្មាន​ទេ ព្រោះ​អត្ថ​ន័យ​​ចម្បង ​គឺ​ការ​ឱ្យ​ពរ​ជ័យ​សិរី​មង្គល ការ​រីក​ដុះដាល ការ​ចម្រុងចម្រើន​ទៅ​ថ្ងៃ​អនាគត ឬ​ការ​ង្កើ​ត​ភោគផល​ថ្មី ។

បច្ចុប្បន្ន សារមន្ទីរ​ជាតិ​កម្ពុជា មាន​សមុច្ច័យ ពពិល ធ្វើ​ពី​លោហៈ​សរុប​ចំនួន​៤០​វត្ថុ​៕ ដោយ ៖ ស​.​ភ​.​រ

អត្ថបទសរសេរ ដោយ

កែសម្រួលដោយ