ADផ្ទាំងផ្សព្វផ្សាយពាណិជ្ជកម្ម

Picture

តារាសម្ដែង បញ្ញា សិទ្ធ ធ្វើ​រឿង​មួយ​តាម​ការ​ណែ​នាំ​​សម្តេច​តេ​ជោ ក្រោយ​ជួប​ព្យុះ​ភ្លៀង

9 ខែ មុន
  • ភ្នំពេញ

នៅ​ពេល​ដែល​និយាយ​ដល់​តារា​ពហុ​ជំនាញ លោក បញ្ញា សិទ្ធ បងប្អូន​មហាជន​ពិតជា​បាន​ជ្រាប​ហើយ ដោយ​កាលពី​កន្លង​ទៅ តារា​សម្តែង​រូប​នេះ​សុខចិត្ត​លះបង់​គ្រប់យ៉ាង ដើម្បី​ជួយ​ដល់​ម្តាយ​ដែល​ជា​អ្នក​មានគុណ និង​ជួយ​ជ្រោមជ្រែង​ដល់​គ្រួសារ​ទាំង

រាជធានី​ភ្នំពេញ ៖ នៅ​ពេល​ដែល​និយាយ​ដល់​តារា​ពហុ​ជំនាញ លោក បញ្ញា សិទ្ធ បងប្អូន​មហាជន​ពិតជា​បាន​ជ្រាប​ហើយ ដោយ​កាលពី​កន្លង​ទៅ តារា​សម្តែង​រូប​នេះ​សុខចិត្ត​លះបង់​គ្រប់យ៉ាង ដើម្បី​ជួយ​ដល់​ម្តាយ​ដែល​ជា​អ្នក​មានគុណ និង​ជួយ​ជ្រោមជ្រែង​ដល់​គ្រួសារ​ទាំងមូល​ផង​ដែរ​។

ប្រាកដ​ណាស់ ពេល​ភ្លៀង​រួច មេឃ​នឹង​ស្រឡះ ដោយ​តារា​សម្តែង​លោក បញ្ញា សិទ្ធ ក្រោយ​ពេល​ម្តាយ​លោក​បាន​ធូរស្បើយ​ច្រើន​នោះ លោក​ក៏​ទទួល​បានការ​ងារ​សិល្បៈ​ជា​ច្រើន ស្ទើរតែ​មិន​ដាច់​សូរ ដូច​ជា​សម្តែង​រឿង តំណាង​ផលិតផល​ឱ្យ​គេ​។ ហើយ​អ្វី​ដែល​នឹក​ស្មាន​ពុំ​ដល់​នោះ កាលពី​ពេល​ថ្មី​ៗ​នេះ លោក បញ្ញា សិទ្ធ ថែម​ទាំង​បើកហាង​តូច​មួយ​ថែម​ទៀត​ផង ដើម្បី​បន្ថែម​ពីលើ​ការងារ​សិល្បៈ​នេះ​។

គួរ​រ​ម្លឹ​ង​ផង​ដែរ​ថា កាលពី​កន្លង​ទៅ ម្តាយ​របស់​តារា​សម្តែង បញ្ញា សិទ្ធ បាន​ពើបប្រទះ​នៅ​ជំងឺ​ជា​ច្រើន តែ​ដោយ​ភ័ព្វសំណាង​បាន​សម្តេច​តេ​ជោ ឬ​សម្តេច​ពុក ជួយ​ប្រោស​ព្រហ្ម​ដល់​ម្តាយ​លោក បាន​ធូរស្បើយ​ច្រើន​នា​ពេល​បច្ចុប្បន្ន​នេះ​។

តាម​រយៈ​បទ​សម្ភាសន៍​ជាមួយ​សារព័ត៌មាន​កោះសន្តិភាព តារា​សម្ដែង​លោក បញ្ញា សិទ្ធ បាន​ជម្រាប​ជូន​ថា «​នា​ពេល​បច្ចុប្បន្ន​នេះ លោក​មាន​សុខទុក្ខ​ធម្មតា​នោះ​ទេ ដោយ​ក្រោយ​ពេល​លោក​បាន​វិល​មក​ចូល​សិល្បៈ​វិញ​នេះ លោក​មាន​ការងារ​សិល្បៈ​ជា​ច្រើន​ដែល​កំពុង​រង់ចាំ​លោក​។ ក្នុង​នោះ​មាន​ទាំង​ការ​សម្តែង​រឿង​ភាគ ការ​ប្រគំ​តន្ត្រី ការ​តំណាង​ផលិតផល​នានា ជា​ពិសេស​កាលពី​ពេល​ថ្មី​ៗ​នេះ លោក​ក៏​បាន​បើកហាង​គ្រឿង​សមុទ្រ​មួយ​តូច​ល្មម ដើម្បី​បន្ថែម​ពីលើ​ការងារ​សិល្បៈ​របស់​លោក​ផង​ដែរ​»​។

តារា​សម្ដែង​​លោក បញ្ញា​សិទ្ធ បាន​បន្ត​ថា «​មូលហេតុ​ដែល​លោក​បើកហាង​នេះ ដោយ​កាលពី​កន្លង​ទៅ សម្តេច​បាន​ជួយ​ដល់​លោក និង​ម្តាយ​របស់​លោក ដូច្នេះ​ថវិកា​ដែល​នៅ​សេសសល់ លោក​ក៏​ស​ម្រ​ច​ចិត្ត​បើកហាង​តូច​ល្មម​មួយ​កន្លែង​។ ព្រោះ​ដោយ​កាលនោះ សម្តេច​បាន​មាន​ប្រសាសន៍​ប្រាប់​លោក​ថា «​កូន​សិទ្ធ ត្រូវ​ចេះ​យក​លុយ​បង្កើត​លុយ​»​។ ដូច្នេះ​ហើយ ទើប​បានជា​លោក​ខិតខំ​ទាំង​ការ​សម្តែង និង​ការងារ​សិល្បៈ​សព្វបែបយ៉ាង ដើម្បី​ជួយ​ដល់​ឪពុក​ម្តាយ​ដែល​ជា​ព្រះ​រស់​ដូច្នេះ​»​។

គួរ​រំលឹក​ផង​ដែរ​ថា កាលពី​កន្លង​ទៅ ដែល​លោក​បាន​បាត់​មុខ​ពី​សិល្បៈ​នោះ គឺ​លោក​ទៅ​ធ្វើការ​ឱ្យ​គេ​នៅ​ក្នុង​ហាង​មួយ​កន្លែង នា​ប្រទេស​ថៃ​ជា​ច្រើន​ខែ​ឆ្នាំ ដោយ​ធ្វើ​ជា​អ្នកលក់​ខោអាវ ហើយ​ការ​ដែល​លោក​បាត់​មុខ​ពី​រង្វង់​សិល្បៈ​នេះ ដោយសារ​តែ​ម្តាយ​ឈឺ ដូច្នេះ​ត្រូវ​បង្ខំចិត្ត​ធ្វើការ​ឱ្យ​ច្រើន ដើម្បី​យក​លុយ​ព្យាបាល​ម្តាយ​។

ជា​ចុង​ក្រោយ លោក​ពិតជា​អរគុណ​ខ្លាំង​ណាស់​ចំពោះ​ការ​គាំទ្រ និង​ការ​ជួយ​ដល់​ម្តាយ​លោក ដោយ​លោក​នឹង​ខិតខំ​សម្តែង​ឱ្យ​ល្អ ដើម្បី​បម្រើ​អារម្មណ៍​បងប្អូន​មហាជន​៕ ដោយ ៖ លី​ហួ គី​ម​ឆាយ