ក្រុមការងារនាយកដ្ឋានបុរាណវិទ្យា និងបុរេប្រវត្ដិវិទ្យា បានសហការជាមួយសាកលវិទ្យាល័យហ្ល្វីនដឺ នៃប្រទេសអូស្ត្រាលី វិទ្យាស្ថានស្រាវជ្រាវជាតិណារ៉ា ដើម្បីសម្បត្តិវប្បធម៌នៃប្រទេសជប៉ុន និងក្រុមការងារមន្ទីរវប្បធម៌
ខេត្តកណ្ដាល ៖ ក្រុមការងារនាយកដ្ឋានបុរាណវិទ្យា និងបុរេប្រវត្ដិវិទ្យា បានសហការជាមួយសាកលវិទ្យាល័យហ្ល្វីនដឺ នៃប្រទេសអូស្ត្រាលី វិទ្យាស្ថានស្រាវជ្រាវជាតិណារ៉ា ដើម្បីសម្បត្តិវប្បធម៌នៃប្រទេសជប៉ុន និងក្រុមការងារមន្ទីរវប្បធម៌ និងវិចិត្រសិល្បៈខេត្តកណ្ដាល បានសិក្សាស្រាវជ្រាវ និងអង្កេតបុរាណដ្ឋាន ដែលស្ថិតនៅឃុំស្វាយរមៀត ឃុំកោះចូរ៉ាម ឃុំជ័យធំ ឃុំរកាជន្លឹង ឃុំព្រះប្រសប់ និងឃុំពុកឫស្សី ស្ថិតក្នុងភូមិសាស្ដ្រស្រុកខ្សាច់កណ្ដាល ខេត្តកណ្ដាល ។
បើតាមក្រសួងវប្បធម៌ និងវិចិត្រសិល្បៈ ថា គិតចាប់ពីថ្ងៃទី៣០ ខែសីហា រហូតមកដល់ពេលនេះ ក្រុមការងារសិក្សាស្រាវជ្រាវ ចំនួន៦៣បុរាណដ្ឋាន ដោយទទួលបានទិន្នន័យថ្មីៗ ទាក់ទងនឹងការគោរពបូជា សកម្មភាពរបស់មនុស្ស តាមរយៈសំណល់ឧបករណ៍ប្រើប្រាស់របស់មនុស្សនាសម័យនោះ ។
ចំពោះទិន្នន័យដែលទទួលបាននាពេលនេះ មានសារសំខាន់សម្រាប់អ្នកស្រាវជ្រាវ ក្រោយៗទៀត ហើយក៏ជាផ្នែកមួយជួយសម្រួលដល់ការសិក្សាស្រាវជ្រាវ និងចុះចូលបញ្ជីស្ថានីយបុរាណដែលត្រូវការពាររបស់ក្រសួងវប្បធម៌ និងវិចិត្រសិល្បៈនាពេលខាងមុខ ៕
ចែករំលែកព័តមាននេះ