គេបានរកឃើញព័ត៌មានក្លែងក្លាយមួយចំនួន ដែលនិយាយមិនពិតទៅកាន់តារាសម្ដែងប្រុសថៃ គឺលោក Mario Maurer។ ដោយបានផុសប្រឌិតថា «តារាប្រុសរូបនេះ លោកត្រូវបានចាប់ខ្លួនហើយ នៅចំពោះមុខហ្វូងមនុស្សជាច្រើន» រហូតធ្វើឱ្យរឿងមួយនេះ កាន់តែរីករាលដាលខ្លាំងឡើងៗនៅលើបណ្ដាញសង្គម
ប្រទេសថៃ ៖ បើយោងទៅតាមរយៈសារព័ត៌មានដ៏ល្បីរបស់ថៃ «Nine Entertainment» ក៏ដូចជាបណ្ដាសារព័ត៌មានជាច្រើនទៀត បានផ្សព្វផ្សាយប្រាប់ឱ្យដឹងថា នៅថ្ងៃទី១០ ខែកញ្ញា ឆ្នាំ២០២៣ គេបានរកឃើញព័ត៌មានក្លែងក្លាយមួយចំនួន ដែលនិយាយមិនពិតទៅកាន់តារាសម្ដែងប្រុសថៃ គឺលោក Mario Maurer។ ដោយបានផុសប្រឌិតថា «តារាប្រុសរូបនេះ លោកត្រូវបានចាប់ខ្លួនហើយ នៅចំពោះមុខហ្វូងមនុស្សជាច្រើន» រហូតធ្វើឱ្យរឿងមួយនេះ កាន់តែរីករាលដាលខ្លាំងឡើងៗនៅលើបណ្ដាញសង្គម Internet តែម្ដង។
នៅពេលឃើញដូចនេះភ្លាម មិននៅស្ងៀមតទៅទៀត អ្នកគ្រប់គ្រងផ្ទាល់ខ្លួនរបស់លោក Mario maurer ក៏បាននិយាយប្រាប់ថា «ចំពោះព័ត៌មានដែលបានចេញផ្សាយនេះ គឺមិនពិតដូចដែលគ្រប់គ្នាបានឃើញនោះទេ សូមកុំយល់ច្រឡំអី»។
បន្ទាប់ពីផ្ទុះរឿងខាងលើនេះកាន់តែខ្លាំង គេក៏បានរកឃើញមានគណនីរបស់មនុស្សម្នាក់ បានព្យាយាមបង្កើតខ្លឹមសារបំផុសនិយាយផ្សព្វផ្សាយនូវព័ត៌មានក្លែងក្លាយ ដើម្បីបង្កើតឱ្យមានភាពវឹកវរទៅដល់តារាប្រុសថៃរូបនេះជាខ្លាំង ហើយវាក៏ក្លាយទៅជាប្រធានបទមួយដ៏ក្ដៅគគុកទៀតផងសម្រាប់អ្នកគាំទ្រ។
ក្រោយធ្លាយចេញនូវរូបភាព១សន្លឹកបង្ហោះចែករំលែកនៅលើបណ្ដាញទំនាក់ទំនងសង្គម Internet ដោយក្នុងរូបភាពនោះ មានរូបលោក Mario ឈរក្បែរជាមួយនឹងប៉ូលិស ថែមទាំងភ្ជាប់ជាមួយសារបែបនេះថា «លោកត្រូវបានគេចាប់ខ្លួនហើយ»។
យ៉ាងណាមិញ នេះបើតាមរយៈរូបភាព១សន្លឹកដែលបានលេចចេញនេះដែរ វាស្រដៀងទៅនឹងរូបថតព័ត៌មានដែលបញ្ជាក់ថា «រឿងអាស្រូវដែលធ្វើឲ្យផ្អើលពាសពេញប្រទេសថៃ លោកMario Maurer ដោយតារាថៃរូបនេះ ត្រូវបានចាប់ខ្លួននៅចំពោះមុខហ្វូងមនុស្ស»។ ហើយគេក៏សង្កេតថា «ចំពោះរឿងនេះ បញ្ហាគឺមកពីតារាសម្ដែងប្រុសលោក Mario Maurer បាននិយាយនៅក្នុងកម្មវិធីទូរទស្សន៍មួយ»។
ហើយសម្រាប់វីរបុរសថ្ពាល់ខួច លោក Mario Maurer បន្ទាប់ពីផ្អើលកក្រើកនៅក្នុងពិភពប្រព័ន្ធផ្សព្វផ្សាយសង្គម ដោយមានការចែករំលែករូបថត គេឃើញ Mario ត្រូវបានប្រឈមមុខដោយប៉ូលិសរុំជិត រួមជាមួយនឹងការសរសេរសារអមនឹងរូបភាពដ៏គួរឱ្យភ្ញាក់ផ្អើលថា «រឿងអាស្រូវដែលធ្វើឲ្យផ្អើលពេញប្រទេសថៃ។ Mario Maurer តារាថៃ ត្រូវចាប់ខ្លួននៅចំពោះមុខមហាជន»។
ពាក់ព័ន្ធនឹងរឿងរ៉ាវខាងលើនេះ ដោយមិនឱ្យមានការសង្ស័យ និងយល់ច្រឡំតទៅទៀត ស្រាប់តែថ្មីៗនេះ អ្នកគ្រប់គ្រងផ្ទាល់ខ្លួនរបស់លោក Mario Maurer ក៏បានចេញមុខមកបកស្រាយនិយាយខ្ទេចគ្មានសល់នៅចំពោះមុខមហាជន ក៏ដូចជាអ្នកគាំទ្រឱ្យបានដឹងគ្រប់ៗគ្នាថា «ចំពោះរូបថតនោះ វាគឺជាព័ត៌មានក្លែងក្លាយតែប៉ុណ្ណោះ។ វាមិនពិតដូចដែលគ្រប់គ្នាបានឃើញនោះទេ សូមឈប់យល់ច្រឡំតទៅទៀតទៅ»។
ស្របពេលដែលអ្នកគ្រប់គ្រងរបស់ខ្លួនចេញមុខមកបញ្ជាក់ហើយ តារាសម្ដែងប្រុសដ៏មានស្នាដៃ ទេពកោសល្យពេញខ្លួន គឺលោក Mario Maurer ក៏បានចែករំលែកនូវអ្វីដែលអ្នកគ្រប់គ្រងផ្ទាល់របស់លោកបានបំភ្លឺផងដែរ តាមរយៈនៅក្នុងគណនី Instagram ផ្ទាល់ខ្លួនរបស់លោកតែម្ដង។
ហើយបន្ថែមពីការត្រួតពិនិត្យ គេក៏បានរកឃើញថា រូបភាពព័ត៌មានក្លែងក្លាយនោះ គឺជាការផ្សាយពាណិជ្ជកម្មតាមរយៈ Facebook។ ដោយជនល្មើសមានបំណងប្រើប្រាស់ព័ត៌មានក្លែងក្លាយដ៏គួរឱ្យភ្ញាក់ផ្អើលមួយនេះ គឺដើម្បីទាក់ទាញចំណាប់អារម្មណ៍ឱ្យមនុស្សជាច្រើននាំគ្នាចុច Like ខមិន ក៏ដូចជា Follow ផងដែរ ទៅលើគណនីរបស់ខ្លួន។ ហើយវាក៏ជាល្បិ.ចមួយទៀត ដែលឧក្រិ.ដ្ឋជនធ្វើ ដើម្បីកេងចំណេញសម្រាប់ផលប្រយោជន៍ផ្ទាល់ខ្លួន៕ ដោយ ៖ សុភា ដានេត
ចែករំលែកព័តមាននេះ