ប៉ុន្មានថ្ងៃមកនេះ អ្នកគាំទ្រកំពុងតែព្រួយបារម្ភយ៉ាងខ្លាំងចំពោះស្ថានភាពផ្លូវចិត្តរបស់កំពូលតារាសម្ដែងស្រី Vill Wannarot បន្ទាប់ពីតារាប្រុសរូបរាងស្រស់សង្ហា គឺលោក
ប្រទេសថៃ ៖ ប៉ុន្មានថ្ងៃមកនេះ អ្នកគាំទ្រកំពុងតែព្រួយបារម្ភយ៉ាងខ្លាំងចំពោះស្ថានភាពផ្លូវចិត្តរបស់កំពូលតារាសម្ដែងស្រី Vill Wannarot បន្ទាប់ពីតារាប្រុសរូបរាងស្រស់សង្ហា គឺលោក Jes pipat ដែលត្រូវជាគូស្នេហ៍របស់នាង បានចេញមុខមកប្រកាសបែកបាក់គ្នាកាលពីពេលថ្មីៗកន្លងទៅនេះ។
ក្រោយពីអតីតគូស្នេហ៍និយាយនៅក្នុងបទសម្ភាស៍ថា បែកបាក់គ្នារួចមក មិនទាន់បានប៉ុន្មានផង ភ្លាមៗនោះ តារាស្រី Vill Wannarot ក៏ចេញមុខមកបង្ហោះចម្រៀងដ៏កំសត់មួយបទទាក់ទងទៅនឹងចំណងស្នេហ៍រយៈពេល៤ឆ្នាំជាមួយតារាប្រុស Jes pipat ដែលបានបញ្ចប់ទៅដោយប្រើពាក្យថា «រស់នៅមិនចុះសម្រុងគ្នា» ហើយលោកក៏និយាយថា «លោកនៅតែស្រលាញ់នាង»។ ហើយតារាស្រីរូបនេះ ក៏បានបង្ហោះសារដ៏សោកសៅផងដែរ នៅក្នុងគណនី Instagram របស់នាងជាបន្តបន្ទាប់ មិនដែលដាច់ ឬលួសមួយថ្ងៃណាទេ។
យ៉ាងណាមិញ បើយើងនាំគ្នាក្រឡេកមកមើលឃើញថា សម្រាប់តួឯកស្រីវ័យក្មេង មានសមត្ថភាព ទេពកោសល្យពេញខ្លួន កញ្ញា Vill Wannarot ដែលទើបតែបញ្ចប់ទំនាក់ទំនងស្នេហារយៈពេល៤ឆ្នាំជាមួយតារាសម្ដែងប្រុសវ័យក្មេងប្រចាំប៉ុស្តិ៍ One HD គឺលោក Jes Jetpipat ក្រោយពីមានជម្លោះជាមួយគ្នាជាយូរណាស់មកហើយ។
នៅក្នុងបទសម្ភាស៍មួយនោះ តារាប្រុសលោក Jes ក៏បានបង្ហើបថា «វាដល់ចំណុចមួយដែលខ្ញុំមានអារម្មណ៍ថា បើខ្ញុំកែខ្លួនលើសពីនេះ វានឹងទាញយកប្រយោជន៍ពីភាគីម្ខាងទៀត។ បញ្ជាក់ថា មិនមានបញ្ហាភាគីទី៣នោះទេ ដោយទទួលស្គាល់ថា ជារឿងមិនចុះសម្រុងគ្នា រហូតឈានដល់ដំណាក់កាលដែលត្រូវបែកគ្នា ទោះបីជានៅស្រលាញ់គ្នាយ៉ាងណាក៏ដោយ។ ប៉ុន្តែបញ្ហាពិតជា ធ្វើឱ្យវាមិនអាចបន្តទៅមុខបាន គ្មានអ្នកណាត្រូវ ឬខុសនោះទេ ប៉ុន្តែពួកយើងមិនអាចរកឃើញចំណុចកណ្តាលនោះទេ។ ខ្ញុំសូមទោសអ្នកគាំទ្រដែលធ្វើឱ្យគ្រប់គ្នាមកត្រូវខកចិត្ត»។
ក្រោយពីឃើញតារាប្រុស លោក Jes Pipat បើកចិត្តទទួលស្គាល់ថា ពួកគេពិតជាបែកគ្នាមែននិងមើលឃើញអំពីការផ្លាស់ប្ដូរតាមរយៈរឿងរ៉ាវមួយចំនួននៅក្នុងគណនី Instagram ដោយបង្ហោះស្លៀកឈុតហាត់ប្រាណ អមដោយពាក្យថា «DONE FOR TODAY» (សម្រាប់ថ្ងៃនេះ វាគ្រប់គ្រាន់ហើយ / អ្វីគ្រប់យ៉ាងគឺគ្រប់គ្រាន់ / អ្វីៗត្រូវបានបញ្ចប់) អមដោយរូប Emoji លើកមេដៃពីរ និងនិមិត្តសញ្ញា តំណាងឱ្យអារម្មណ៍ញញឹម។
ហើយថ្មីៗនេះ តារាស្រី Vill Wannarot ក៏បានផ្លាស់ប្តូរតាមរយៈគណនី Instagram Stories របស់ខ្លួនម្តងទៀត ដោយការចែករំលែកបទចម្រៀងមួយដ៏កំសត់បំផុត មានន័យជាភាសាខ្មែរថា «មនុស្សដែលមានអារម្មណ៍ជាមួយគ្នារួចហើយ ពិបាកធ្វើចិត្តណាស់» «វាឈឺណាស់ក្នុងការដកថយ។ ទោះបងនៅតែស្រលាញ់អូន វាឈឺចាប់ណាស់ដែលដឹងថា ខ្ញុំមិនដែលសំខាន់។ មនុស្សដែលគាត់មានអារម្មណ៍រួចហើយ» (ច្រៀងដោយ Sarah Salola) ដែលជាអ្នកច្រៀងនៅក្នុងបទចម្រៀងមួយនេះ រួមជាមួយនឹងសញ្ញាអារម្មណ៍បេះដូងពណ៌ក្រហម។
ខ្លឹមសារនៃវគ្គនេះ ស្រដៀងទៅនឹងរឿងរ៉ាវស្នេហារបស់ខ្លួន ដែលប្រៀបធៀបដូចទៅបទចម្រៀងបែបនេះថា «ពេលនេះលោកនៅតែរំភើបចិត្តខ្លាំង ចំពោះស្នេហា៤ឆ្នាំដែលត្រូវបានបញ្ចប់ បើទោះបីជាពេលនេះ ពួកគេនៅតែស្រលាញ់គ្នាខ្លាំងយ៉ាងណាក៏ដោយ»៕ ដោយ ៖ សុភា ដានេត
ចែករំលែកព័តមាននេះ