កំពូលតារាសម្តែង Mario ត្រូវប៉ូលិសកោះហៅពាក់ព័ន្ធក្រុមបង្កើតផ្លាកលេខឡានក្លែងក្លាយ
ថៃ ៖ មន្ត្រីការិយាល័យស៊ើបអង្កេតឧក្រិ.ដ្ឋកម្មតាមអ៊ីនធឺណិតរបស់ប្រទេសថៃ ដែលហៅកាត់ថា
ថៃ ៖ មន្ត្រីការិយាល័យស៊ើបអង្កេតឧក្រិ.ដ្ឋកម្មតាមអ៊ីនធឺណិតរបស់ប្រទេសថៃ ដែលហៅកាត់ថា
ថៃ ៖ មន្ត្រីការិយាល័យស៊ើបអង្កេតឧក្រិ.ដ្ឋកម្មតាមអ៊ីនធឺណិតរបស់ប្រទេសថៃ ដែលហៅកាត់ថា CCIB បានកោះហៅកំពូលតារាសម្តែង Mario Maurer ជុំវិញការចោទប្រកាន់ថា កំពូលតារាសម្តែងរូបនេះ ជាប់ពាក់ព័ន្ធក្នុងក្រុមក្មេងទំនើងបង្កើតផ្លាកលេខរថយន្តក្លែងក្លាយ ខណៈដែលតារាសម្តែងវ័យ៣៤ឆ្នាំរូបនេះ បានបដិសេធការចោទប្រកាន់នេះ ដោយអះអាងថា រូបគេគឺជាជនរងគ្រោះនៃសកម្ម ភាពឧក្រិដ្ឋកម្មនេះ។ នេះបើយោងតាមប្រភពពីសារព័ត៌មានថៃ The Thaiger ចេញផ្សាយកាលពីថ្ងៃទី០៧ ខែសីហា ឆ្នាំ ២០២៣ កន្លងទៅ។
កាលពីពេលថ្មីៗនេះ មន្ត្រី CCIB បានចាប់ខ្លួនមេខ្លោង២នាក់ ពាក់ព័ន្ធនឹងសហគ្រាសចុះបញ្ជីផ្លាកលេខរថយន្តក្លែងក្លាយ។ ពួកគេបានទទួលបានឈ្មោះអ្នកប្រើប្រាស់ និងលេខសម្ងាត់របស់មន្ត្រី នៅក្នុងនាយកដ្ឋានដឹកជញ្ជូនផ្លូវគោក ដែលអនុញ្ញាតឱ្យពួកគេអាចចូលប្រើប្រាស់ប្រព័ន្ធដោយគ្មានការអនុញ្ញាត និងបង្កើតស្លាកលេខរថយន្តក្លែងក្លាយ។ មន្ត្រី CCIB បានរឹបអូសរថយន្តចំនួន ៦៥គ្រឿងមានតម្លៃជាង៧៧លានបាត ស្មើនឹងជាង ២,២លានដុល្លារ។ រថយន្តទាំងនោះ ត្រូវបានគេរៀបចំលក់ទៅឱ្យអ្នកប្រមូលទិញ ដែលភាគច្រើនគឺជាតារាល្បីរបស់ថៃ។
បណ្តាសារព័ត៌មានថៃបានរាយការណ៍ថា តារាសម្តែងដ៏មានប្រជាប្រិយម្នាក់ ឈ្មោះ M ក៏ជាប់ពាក់ព័ន្ធនឹងក្រុមក្មេងទំនើងផងដែរ ដែលក្រោយមក Mario បានសារភាពប្រាប់អ្នកសារព័ត៌មានថា តារាសម្តែងឈ្មោះ M នោះ គឺជារូបគេ។ លោកបានអះអាងថា លោកបាននិយាយជាមួយប៉ូលិសរួចហើយតាមទូរស័ព្ទ ហើយនឹងគ្រោងជួបមន្ត្រីប៉ូលិសនៅប៉ុន្មានថ្ងៃទៀត នៅពេលកាលវិភាគណាត់ជួបច្បាស់លាស់។
Mario បានទទូចលើភាពគ្មានកំហុសដោយបញ្ជាក់ថា រូបគេ និងភ្នាក់ងារដែលទុកចិត្តរបស់គេ បានក្លាយជាជនរងគ្រោះក្នុងក្រុមឧក្រិដ្ឋជន ហើយពួកគេមិនបានជាប់ពាក់ព័ន្ធនឹងក្រុមក្មេងទំនើងនោះទេ។ Mario បានបញ្ជាក់ថា ភ្នាក់ងាររបស់គេបានទិញឡាននេះពីក្រុមក្មេងទំនើង ហើយលក់បន្តឱ្យគេ ទាំងដែលរូបគេមិនទាន់បានទទួលនៅឡើយទេ។ ក្រោយពីឃាត់ខ្លួន ភ្នាក់ងាររបស់ Mario ត្រូវបានប្រាប់ឱ្យដឹងពីសកម្មភាពឧក្រិដ្ឋជន ដែលនៅពីក្រោយការទិញលក់ ហើយបានប្រគល់ប្រាក់ឱ្យគាត់វិញ ប៉ុន្តែទោះយ៉ាងណាក៏ដោយ ការចុះបញ្ជីរថយន្តនៅតែជាប់ឈ្មោះរបស់គាត់ ដោយសារតែដំណើរការផ្ទេរកម្មសិទ្ធិបានបញ្ចប់។
Mario បាននិយាយថា «ខ្ញុំមិនបារម្ភអំពីបញ្ហានេះទេ។ ខ្ញុំជាអ្នកទិញឡានសាមញ្ញម្នាក់ដែលបានទិញឡានដោយស្មោះត្រង់ និងត្រឹមត្រូវ។ ខ្ញុំមិនដឹងថា ឡាននីមួយៗឆ្លងកាត់អ្វីខ្លះទេ ព្រោះខ្ញុំឃើញឡានមានឯកសារចាំបាច់ទាំងអស់ ប៉ុន្តែខ្ញុំមិនដឹងថា គឺជាផ្លាកលេខក្លែងក្លាយ ឬអត់នោះទេ។ ភ្នាក់ងារបានប្រាប់ខ្ញុំថា គាត់ក៏ត្រូវបានបោកបញ្ឆោតដែរ។ ខ្ញុំបានបង្ហាញភាពគ្មានកំហុសរបស់ខ្ញុំ ចំពោះប៉ូលិសរួចរាល់»។
លោក Amnart Traipoj មេបញ្ជាការរងនៃ CCIB បានរាយការណ៍ថា ប៉ូលិសមិនមានការជឿជាក់ចំពោះចម្លើយសារភាពនោះទេ ដោយពួកគេនឹងសាកសួរ Mario និងភ្នាក់ងាររបស់គេបន្តទៀត ដើម្បីបញ្ជាក់ថា តើពួកគេបានទិញឡានដោយដឹងថា ផ្លាកលេខក្លែងក្លាយឬក៏អត់?
លោក Amnart បានបន្ថែមថា មន្ត្រីរបស់លោកបានរកឃើញឡានស៊េរីចាស់ចំនួន ៥០គ្រឿងផ្សេងទៀត ដែលប្រើប្រាស់ផ្លាកលេខក្លែងក្លាយ។ ម្ចាស់ឡានទាំងអស់នឹងត្រូវកោះហៅ ដើម្បីតាមចាប់ជនសង្ស័យផ្សេងទៀតក្នុងក្រុមក្មេងទំនើង៕
ចែករំលែកព័តមាននេះ