កំពូលតារាចម្រៀងប្រុស សំឡេងមុតស្រួច និងមានឈ្មោះល្បីល្បាញមិនដែលថមថយ រហូតមកដល់នាពេលបច្ចុប្បន្ននេះ គឺលោក កែវ វាសនា ម្ចាស់បទ «ខ្លាចគេឈឺ មិនខ្លាចបងទឹកភ្នែក» រូបនេះ ស្ងាត់ៗក៏បញ្ចេញនៅរូបភាពរបស់ខ្លួនមួយសន្លឹក ធ្វើអោយអ្នកគាំទ្រជាច្រើន
រាជធានីភ្នំពេញ ៖ នៅថ្ងៃទី២៦ ខែកក្កដា ឆ្នាំ២០២៣នេះ កំពូលតារាចម្រៀងប្រុស សំឡេងមុតស្រួច និងមានឈ្មោះល្បីល្បាញមិនដែលថមថយ រហូតមកដល់នាពេលបច្ចុប្បន្ននេះ គឺលោក កែវ វាសនា ម្ចាស់បទ «ខ្លាចគេឈឺ មិនខ្លាចបងទឹកភ្នែក» រូបនេះ ស្ងាត់ៗក៏បញ្ចេញនៅរូបភាពរបស់ខ្លួនមួយសន្លឹក ធ្វើអោយអ្នកគាំទ្រជាច្រើនមានការភ្ញាក់ផ្អើល និងស្រឡាំងកាំង ព្រមទាំងអស់សំណើចសើចចុកពោះស្ទើរតែគ្រប់ៗគ្នាតែម្ដង។
ដោយតារាប្រុសមានមន្តស្នេហ៍សម្ដីផ្អែមស្រទន់ប្រចាំផលិតកម្មសាន់ដេ លោក កែវ វាសនា រូបនេះ បានបង្ហោះរូបសក់វែងរបស់ខ្លួនវែកមកមួយចំហៀង ជំនាន់គេពេញនិយមលេងខ្លួនស្ទាវៗកាលពីជាង១០ឆ្នាំមុន អោយអ្នកគាំទ្ររបស់លោកនាំគ្នាទាយថា តើម៉ូតសក់ខ្លួននៅក្នុងបទចម្រៀងអ្វី?។ ក្នុងនោះផងដែរ លោកក៏បានសរសេរសារប៉ុន្មានម៉ាត់ទៅកាន់អ្នកគាំទ្របែបនេះថា «សក់ដែលពេញនិយមកាលពីជាង១០ឆ្នាំមុន តើរូបនេះនៅក្នុងបទអ្វីបងប្អូន?»។
ភ្លាមៗនោះផងដែរ បន្ទាប់ពីតារាប្រុសរូបនេះ បង្ហោះរូបអោយហ្វេនៗធ្វើការទាយរួចមក ពួកគេក៏បាននាំគ្នាចូលទៅខមិនបញ្ចេញមតិម្នាក់មួយៗយ៉ាងដូច្នេះថា «បទរាហ៊ូចាប់ច័ន្ទ បងណប់»។ ខ្លះទៀតក៏បានទាយថា «បើខ្ញុំនិយាយមិនខុសទេនោះ គឺបទ អង្គរក្សបេះដូង»។ ចំណែកហ្វេនឯទៀតក៏និយាយដែរថា «នឹកអូនឡើងគ្រុន ធីមខ្ញុំពេញលេងកាល១០ឆ្នាំមុន Idol»។ «បងឈប់ធ្វើព្រា.ននារីយូរណាស់មកហើយ អាលដល»។
យ៉ាងណាមិញ ក្រោយពីធ្វើការទាយបទចម្រៀងរួចហើយ ក៏មានហ្វេនមួយចំនួនទៀតនាំគ្នាលើកឡើងចំៗថា «ខ្ញុំចេះច្រៀងបទចម្រៀងរបស់បងគ្រប់បទម៉ង កាលពីជាង១០ឆ្នាំមុន»។ «ម៉ូតសក់នឹងល្បីអស់មួយស្រុកខ្មែរ កានុងទុកសក់តាមបង»។ «សក់ម៉ូតនឹងហើយ ដែលធ្វើឲ្យខ្ញុំស្គាល់ថា ជាបង កែវ វាសនា នឹងចាប់ផ្ដើមស្ដាប់បទបងឡើងមួយព្រឹកទាល់ល្ងាចលឺតែបទ កែវ វាសនា»។
ហើយអ្វីដែលធ្វើអោយគ្រប់គ្នានឹកស្មានមិនដល់នោះ តារាចម្រៀងប្រុស លោក កែវ វាសនា មិនត្រឹមតែជាតារាចម្រៀងដ៏មានទេពកោសល្យនោះទេ រាល់បទចម្រៀងរបស់លោកជាច្រើនតែងតែទទួលបាននូវការគាំទ្រ និងមានជាប្រិយភាពយ៉ាងពេញទំហឹង មិនថាបទចេញមកបែបញាក់ បទមនោសញ្ចេតនា បទបែបកន្ត្រឹម ឬមួយក៏បទចេញមកអ្វីនោះទេ សុទ្ធសឹងតែជាពេញនិយមសម្រាប់យុវវ័យធ្វើតាម ជាពិសេសម៉ូដសក់របស់លោកកាលពីជាង១០មុនតែម្ដង។
ហើយរាល់បទរបស់លោកនីមួយៗគ្រាន់តែចេញមិនទាន់បានប៉ុន្មានម៉ោងផង ក៏ផ្ទុះនៅការសរសើរមិនដាច់ពីមាត់ ព្រោះតែសំឡេងដ៏ពីរោះរណ្ដំរបស់លោក ព្រោះថា ចេញមកម្ដងណា គឺមិនដែលធ្វើអោយអ្នកគាំទ្រខកចិត្តសូម្បីតែម្ដង។
មិនតែប៉ុណ្ណោះ ក៏ឃើញថា ពីមួយថ្ងៃទៅមួយថ្ងៃ លោកកាន់តែស្រស់សង្ហាឡើងៗទ្វេដង រក្សារូបរាងបាន មិនខុសគ្នាប៉ុន្មានកាលពីលោកនៅកំលោះនោះទេ និយាយរួម មិនឃើញចាស់ទៅណាសោះ បើទោះបីជាលោកបានរៀបការបញ្ចប់ភាពនៅលីវ មានប្រពន្ធកូនរស់នៅយ៉ាងមានក្ដីសុខ សុភមង្គល ជាមួយនឹងកូនប្រុសរបស់ខ្លួនម្នាក់ និងស្រីម្នាក់ ដែលមានរូបរាង និងសម្រស់ស្រស់ស្អាតទៅហើយក្ដី។ ហើយបើនិយាយអំពីសម្រស់ដ៏ស្រស់ផូរផង់របស់ភរិយាលោកវិញ គឺពិតជាស្រស់ស្អាតមិនធម្មតា អាចនិយាយបានថា មិនចាញ់អ្នកសិល្បៈនោះឡើយ៕ ដោយ ៖ សុភា ដានេត
ចែករំលែកព័តមាននេះ