រាជធានីភ្នំពេញ ៖ កម្លាំងប៉ុស្តិ៍នគរបាលរដ្ឋបាលទន្លេបាសាក់ បានឃាត់ខ្លួនជនសង្ស័យចំនួន០២នាក់ ពាក់ព័ន្ធករណីឆក់កាបូបជនបរទេស ប៉ុន្តែមិនបានសម្រេច នេះបើយោងតាមហ្វេសប៊ុកផេករបស់ស្នងការដ្ឋាននគរបាលរាជធានីភ្នំពេញ ។
កម្លាំងប៉ុស្តិ៍នគរបាលរដ្ឋបាលទន្លេបាសាក់ បានឃាត់ខ្លួនជនសង្ស័យទាំង០២នាក់នេះ ខណៈកម្លាំងកំពុងល្បាតក្នុងមូលដ្ឋាន នៅវេលាម៉ោង២៤និង១៥នាទី អាធ្រាត្រឈានចូលថ្ងៃទី១៣ ខែកក្កដា ឆ្នាំ២០២៣ នៅចំណុចមុខក្លិប EDM3 ផ្លូវចៃកា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ជនសង្ស័យដែលត្រូវឃាត់ខ្លួនចំនួន០២នាក់ រួមមាន ៖
១-ឈ្មោះស្រ៊ុន ប៊ុនលាភ ភេទប្រុស ជនជាតិ ខ្មែរ ស្នាក់នៅផ្ទះ៣១០ ផ្លូវ៣៥៧ ភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ មុខរបសិស្ស (ជាអ្នកបើកម៉ូតូ)។
២-ឈ្មោះញឹប តុលា ហៅពៅ ភេទប្រុស ជនជាតិ ខ្មែរ ស្នាក់នៅផ្ទះជួល ផ្លូវច្រាំងទន្លេ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ មុខរបរគ្មាន (ជាអ្នកធ្វើសកម្មភាពឆក់កាបូប)។
វត្ថុតាងចាប់យក រួមមាន ៖ ម៉ូតូម៉ាកហុងដា សេ១២៥ ពណ៌ខ្មៅសេរី២០០៤ ទ្បើងតែម២០១៤ ពាក់ស្លាកលេខពោធិសាត់1B.1329 ។
បច្ចុប្បន្នជនសង្ស័យទាំង០២នាក់ ត្រូវបានបញ្ជូនខ្លួនមកកាន់អធិការដ្ឋាននគរបាលខណ្ឌចំការមន ដើម្បីចាត់ការបន្តតាមនិតីវិធី៕
ចែករំលែកព័តមាននេះ