គិតមកត្រឹមព្រឹកថ្ងៃទី០២ ខែកក្កដា ឆ្នាំ២០២៣ វេលាម៉ោង៨និង៣០នាទីនេះ សមត្ថកិច្ចបានរកឃើញជនរងគ្រោះដែលបាត់ជីវិតនៅក្នុងគ្រោះអគ្គិភ័យឆាបឆេះអតីតក្លិបកម្សាន្ត ស្ថិតនៅក្នុងសង្កាត់ផ្សារដេប៉ូ១ បានកើនឡើងរហូតដល់
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា គិតមកត្រឹមព្រឹកថ្ងៃទី០២ ខែកក្កដា ឆ្នាំ២០២៣ វេលាម៉ោង៨និង៣០នាទីនេះ សមត្ថកិច្ចបានរកឃើញជនរងគ្រោះដែលបាត់ជីវិតនៅក្នុងគ្រោះអគ្គិភ័យឆាបឆេះអតីតក្លិបកម្សាន្ត ស្ថិតនៅក្នុងសង្កាត់ផ្សារដេប៉ូ១ បានកើនឡើងរហូតដល់៨នាក់ហើយ ក្នុងនោះមានប្រុសចំនួន៥នាក់ ក្នុងស្រីចំនួន៣នាក់ សុទ្ធសឹងតែជនជាតិចិន និងមានជនជាតិខ្មែរម្នាក់ជាអ្នកបកប្រែផងដែរ។
សេចក្តីរាយការណ៍បន្តថា ទីតាំងក្លិបកម្សាន្តខាងលើនេះ គេនៅមិនទាន់ដឹងច្បាស់លាស់ថា តើជាទីតាំងអ្វីពិតប្រាកដនោះទេ? ព្រោះថា ដំបូងឡើយទីតាំងនេះ គឺជាអតីតខារ៉ាអូខេ ហើយបច្ចុប្បនេះ គេនៅមិនទាន់ដឹងថា តើទីតាំងនេះបើកអ្វីឱ្យពិតប្រាកដ? ព្រោះតែទីតាំងកើតហេតុមួយនេះ គឺលាបពណ៌ខ្មៅតែម្តង។ ប៉ុន្តែនាពេលកន្លងមក ទីតាំងកើតហេតុនេះ ធ្លាប់ត្រូវបានសមត្ថកិច្ចបង្ក្រាបជនជាតិចិនជាបន្តបន្ទាប់ផងដែរ។
សេចក្តីរាយការណ៍បន្តទៀតថា ដោយចំពោះមូលហេតុដែលបណ្ដាលឱ្យឆាបឆេះទីតាំងកើតហេតុ បណ្ដាលឱ្យមនុស្សមនុស្ស៨នាក់បាត់បង់ជីវិតយ៉ាងអាណោចអាធ័មនេះ នៅមិនទាន់ដឹងអំពីមូលហេតុនៅឡើយទេ ខណៈសមត្ថកិច្ចកំពុងតែធ្វើការស្រាវជ្រាវនៅឡើយ។ ហើយបច្ចុប្បន្ន ស.ពជនរងគ្រោះ សមត្ថកិច្ចកំពុងតែធ្វើការត្រួតពិនិត្យស្រាវជ្រាវ ដើម្បីស្វែងរកមូលហេតុបន្តទៀត។
គួររំលឹកថា អតីតក្លិបកម្សាន្តមួយ នៅតាមបណ្ដោយផ្លូវលេខ២០៦ កែងផ្លូវលេខ២១៥ ស្ថិតក្នុងសង្កាត់ផ្សារដេប៉ូទី១ ខណ្ឌទួលគោក ត្រូវអណ្ដាតភ្លើងឆាបឆេះអស់រយៈពេលជាច្រើនម៉ោង បណ្តាលអោយមនុស្សប្រុសស្រីជាច្រើននាក់បាត់បង់ជីវិត ។
អគ្គិភ័យខាងលើនេះ ត្រូវសមត្ថកិច្ចអោយដឹងថា បានកើតឡើងកាលពីវេលាម៉ោងប្រមាណ៥ល្ងាច ថ្ងៃទី០១ ខែកក្កដា ឆ្នាំ២០២៣ ហើយសមត្ថកិច្ច និងអាជ្ញាធរមូលដ្ឋានក៏បានចុះទៅអន្តរាគមន៍ រហូតមកដល់ម៉ោងប្រមាណជិត៩យប់ក៏នៅមិនទាន់ចប់ឡើយ ។
ទាក់ទិននឹងគ្រោះអគ្គិភ័យខាងលើនេះ គេនៅពុំទាន់ដឹងពីមូលហេតុអ្វីឡើយ។ ប៉ុន្តែតាមព័ត៌មានឱ្យដឹងថា នៅមុនពេលកើតហេតុ គេបានឃើញអណ្ដាតភ្លើងឆាបឆេះយ៉ាងខ្មួលខ្មា.ញ់ពីជាន់ខាងលើ ហើយភ្លាមៗនោះនគរបាលក៏បានចេញរថយន្តទៅអន្តរាគមន៍ភ្លាមៗផងដែរ ប៉ុន្តែដោយសារទីតាំងអគារខ្ពស់ ហើយពុំអាចទប់ស្កាត់ឡើយ ជាហេតុបណ្តាលអោយមនុស្សជា.ប់គាំងនៅក្នុងនោះអគារនោះតែម្តង។
គួររំលឹកទៀតថា ៖ ឆេះអតីតក្លឹបកម្សាន្តមួយកន្លែង នៅសង្កាត់ផ្សារដេប៉ូទី១ បណ្ដាលឲ្យបាត់បង់ជីវិតមនុស្ស០៦នាក់ ។
ចែករំលែកព័តមាននេះ