មានការសោកស្តាយយ៉ាងខ្លាំង ដោយសារតែបវរកញ្ញាដ៏មានសមត្ថភាព ម្នាក់ដែរនោះ បានអស់ចិត្តនឹងអាជីពប្រកួតប្រជែងដណ្ដើមមកុដមួយនេះទៀតហើយ ចំពេលវិស័យបង្អួតសម្រស់នេះកាន់តែ
រាជធានីភ្នំពេញ ៖ មានការសោកស្តាយយ៉ាងខ្លាំង ដោយសារតែបវរកញ្ញាដ៏មានសមត្ថភាព ម្នាក់ដែរនោះ បានអស់ចិត្តនឹងអាជីពប្រកួតប្រជែងដណ្ដើមមកុដមួយនេះទៀតហើយ ចំពេលវិស័យបង្អួតសម្រស់នេះកាន់តែពេញនិយមឡើង។
កញ្ញា អែម គុនថង បានយល់ព្រមមិនបន្តដំណើរមួយនេះ ដូចជាបវរកញ្ញាផ្សេង ហើយប្រហែលអាចមានមូលហេតុដែលនាងធ្លាប់ជួបច្រើននៅពេលប្រកួត ទើបយល់ថា សមល្មម ជម្រាបលា។ មិនត្រឹមតែប៉ុណ្ណោះ ហ្វេនៗមួយចំនួនពិតជាចង់ឃើញគាត់ប្រកួតម្ដងទៀតណាស់ ដោយខ្លះរង់ចាំគាត់ត្រឡប់មកវិញជានិច្ច ហើយសង្ឃឹមថា គាត់នឹងវិលមកវិញនៅឆ្នាំណាមួយម្ដងទៀតជាក់ជាមិនខានឡើយ។
ស្រីស្អាត អែម គុនថង អាចនិយាយបានថា ជាបវរកញ្ញាម្នាក់ដែលមានភាពទាក់ទាញ និងយល់ការងារច្រើនលើវិស័យបវរកញ្ញា។ នាងបានឆ្លងកាត់ការងារលើវិស័យប្រឡងបវរកញ្ញាច្រើនដង និងជាតារាបង្ហាញម៉ូដដែលឆ្លងកាត់ច្រើនដងផងដែរ។ និយាយរួមស្រីស្អាត គុនថង ខ្លាំងមិនចាញ់មិត្តរួមអាជីព ដូចជា ប៉ូគីមថេង សុតធីតា ពេជ្រ វត្តីសារ៉ាវឌ្ឍីនោះទេ។ ហើយអ្វីដែលអ្នកគាំទ្រស្តាយ គឺនាងមិនវិលមកប្រកួតទៀតនោះទេ ក្រោយពេលនាងយល់ថា មានភារៈជាច្រើន និងទុកឱកាសអោយរលកក្រោយអុកឡុកម្តង។
នាងថា អាយុកាន់តែច្រើន សម្ពាធកាន់តែធំ គ្រួសារកាន់តែត្រូវការយើងជាបង្អែក តែក្តីស្រមៃរបស់យើងនៅវិលវល់ចាប់មិនជាប់ ពេលខ្លះមានតែទ្រាំដើរទៅមុខទាំងវង្វេង ហើយផ្លូវចិត្តនេះកាន់តែដុនដាបទៅៗ។
ហើយចំពោះអ្នកគាំទ្រមានតែពាក្យជូនពរអោយស្រីស្អាត គុនថង បន្តជោគជ័យជីវិត ហើយកាន់តែសម្បូរការងារជួយដល់គ្រួសារ និងរំពឹងថា បងប្អូនទស្សនិកជនមិនបំភ្លេចនាងចោលឡើយ។ នាងនៅតែលើកទឹកចិត្តដល់បវរកញ្ញាជំនាន់ក្រោយឱ្យខិតខំតស៊ូ និងលើកស្ទួយវិស័យបវរកញ្ញាអោយកាន់តែល្អឆ្ពោះទៅកាន់ឆាកអន្តរជាតិរឹតតែធ្វើអោយពូកែ ដើម្បីមុខមាត់ប្រទេសជាតិ។
ចែករំលែកព័តមាននេះ