ADផ្ទាំងផ្សព្វផ្សាយពាណិជ្ជកម្ម

Picture

លើក​ដំបូង​! តារាចម្រៀង ព្រាប សុវត្ថិ ឆ្លើយ​តប​ទៅ​កាន់​អ្នក​រិះគន់​មួយ​ចំនួន​លើ​បណ្តាញ​សង្គម​(​វី​ដែ​អូ​)

9 ខែ មុន
  • ភ្នំពេញ

នេះ​ចាត់​ទុក​ថា ជា​លើក​ដំបូង​ហើយ​សម្រាប់​តារាចម្រៀង លោក​ឧកញ៉ា ព្រាប សុវត្ថិ ចេញ​មុខ​ឆ្លើយ​តប​ទៅ​កាន់​មហាជន​មួយ​ចំនួន​ដែល​ចូល​ចិត្ត​ធ្វើការ​រិះគន់ ដោយ​ប្រើប្រាស់​ពាក្យពេចន៍​មិនល្អ​តាម​រយៈ​ការ​ខំ​មិន​លើ​បណ្តាញ​សង្គម ខណៈ​ពេល​ដែល​លោក

រាជធានី​ភ្នំពេញ ៖ នេះ​ចាត់​ទុក​ថា ជា​លើក​ដំបូង​ហើយ​សម្រាប់​តារាចម្រៀង លោក​ឧកញ៉ា ព្រាប សុវត្ថិ ចេញ​មុខ​ឆ្លើយ​តប​ទៅ​កាន់​មហាជន​មួយ​ចំនួន​ដែល​ចូល​ចិត្ត​ធ្វើការ​រិះគន់ ដោយ​ប្រើប្រាស់​ពាក្យពេចន៍​មិនល្អ​តាម​រយៈ​ការ​ខំ​មិន​លើ​បណ្តាញ​សង្គម ខណៈ​ពេល​ដែល​លោក​បាន​សម្តែង​ការ​ហួសចិត្ត​នៅ​ពេល​ឃើញ​មានរឿង​មួយ​នេះ កើតឡើង​ចំពោះ​រូប​លោក​ផង​ដែរ​។

បើ​ទោះបីជា​ការ​ខំ​មិន​បែប​រិះគន់ និង​ប្រើ​ពាក្យ​មិនល្អ​មក​លើ​រូប​លោក​មាន​ចំនួន​តិចតួច​ក្តី ប៉ុន្តែ​តារាចម្រៀង​រូប​នេះ ហាក់​សម្តែង​ការ​ស្ងើច​ចិត្ត​ចំពោះ​ជន​ទាំងនោះ ដែល​មើលឃើញ​តែ​ពី​ចំណុច​អវិជ្ជមាន ហើយ​ប្រើប្រាស់​ពាក្យពេចន៍​មិន​សមរម្យ​មក​កាន់​រូប​លោក​។

តាម​រយៈ​វី​ដែ​អូ​ឃ្លី​ប​ដែល​បង្ហោះ​តាម​បណ្តាញ​សង្គម លោក​ឧកញ៉ា ព្រាប សុវត្ថិ បាន​លើក​ឡើង​ថា «រយៈពេល​កន្លង​មក លោក​បានឃើញ​ពី​ការ​ខំ​មិន​របស់​បងប្អូន ទាំង​ការ​សរសើរ​លើកទឹកចិត្ត និង​ការ​រិះគន់​បន្ទោស​បង្អាប់​នូវ​ផ្លូវចិត្ត​ណាមួយ​មក​លើ​រូប​លោក​»​។ លោក​បញ្ជាក់​ថា «​មាន​បងប្អូន​ខ្លះ​គាត់​ខំ​មិន​ជេរ​យ៉ាង​អាក្រក់ ហើយ​ខ្ញុំ​ក៏​ស្ងើច​ពី​ពួក​គាត់​ដែរ​ថា​តើ​ហេតុ​អី​បានជា​គាត់​មាន​អារម្មណ៍​បែប​នឹង​កើតឡើង​ចំពោះ​រូប​លោក?​»​។

លោក​បន្ត​ថា «​យើង​បាន​រៀន​តាំងពី​តូច ដោយ​មាន​គ្រូ​ត្រឹមត្រូវ​ដែរ គេ​បង្រៀន​ពី​ការ​សរសេរ​ពាក្យ​ល្អ​ៗ ហើយ​ក៏​មាន​ពាក្យ​អាក្រក់​នៅ​ក្នុង​នោះ​ដែរ ប៉ុន្តែ​គេ​អោយ​យើង​ពេល​ណា​ដែល​យើង​មិន​គួរ​ប្រើ​ពាក្យ មិនល្អ​នោះ​»​។ លោក​ថា »​ការ​ចូល​ទៅ​សរសេរ​ខំ​មិន​អ្វីមួយ​ហើយ​នោះ គឺ​ប្រាកដ​ណាស់​មាន​មនុស្ស​ជា​ច្រើន​បាន​មើល ហើយ​គេ​គិត​ថា ការ​ខំ​មិន​របស់​យើង​នោះ​ស​.​បញ្ជាក់​ថា យើង​មាន​កម្រិត​ចេះ​ដឹង​ប៉ុណ្ណា ហេតុ​ដូច្នេះ​ប្រសិនបើ​យើង​ខឹង​ពេក ក៏​អូស​រំលង​ចោល​ទៅ​»​។

លោក​បន្ថែម​ថា «​ជា​ធម្មតា​ពាក្យ​អាក្រក់​អ្នក​ណា​ក៏​ចេះ​ប្រើ​ដែរ ប៉ុន្តែ​យើង​មិន​អាច​បញ្ចេញ​បាន​ទេ ហើយ​បើ​យើង​បញ្ចេញ​វា​នោះ​អាច​នឹង​ឲ្យ​ចិត្ត​របស់​យើង​ក៏​អាក្រក់​តាម​ពាក្យ​សម្តី​របស់​យើង​ដែរ »​។

យ៉ាងណា បើ​តាម​លោក​ឧកញ៉ា ព្រាប សុវត្ថិ ថា «​សម្រាប់​រូប​លោក​មុន​នឹង​ក្លាយជា​តារាចម្រៀងរ​ហូ​មក​ទល់​នា​ពេល​នេះ គឺ​លោក​បាន​ជួប​នូវ​ការ​លំបាក​ជា​ច្រើន ហើយ​ភាព​លំបាក​នោះ វា​នៅ​តែ​ជា​ស្រមោល​អ​ន្ទ​រ​តាម​ប្រាណ ហើយ​ការ​លំបាក​ទាំង​អស់នេះ យើង​នៅ​អាច​ធ្វើ​បាន​តាម​រយៈ​ទ​ង្វើ​ល្អ សុជីវធម៌ និង​ពាក្យ​សម្តី​ល្អ ដែល​សង្គម​ទទួលស្គាល់​»​។

លោក​បញ្ជាក់​ថា «​បច្ចុប្បន្ន​នេះ សង្គម​គឺ​មាន​ភាព​ជឿនលឿន​ណាស់ ហើយ​សម្រាប់​លោក​គឺ​យល់​ថា យើង​ម្នាក់​ៗ​គួរ​សរសេរ​ពាក្យពេចន៍​ណា​ដែល​ល្អ សមរម្យ ទោះបីជា​យើង​ខឹង​អ្នក​ណាមួយ​ក៏​ដោយ មិន​គួរ​បញ្ចេញ​មក​ឡើយ​»​។ លោក​ថា «​ពេល​ខ្លះ​យើង​ខំ​មិន​ជេរ​គេ​ទាំង​គេ​មិន​បានដឹង​ខ្លួន​ផង គេ​រស់​ដោយ​ការ​ខិតខំ​ប្រឹងប្រែង​របស់​គេ ហើយ​ធ្វើ​ឲ្យ​សង្គម​ទទួលស្គាល់​ទាំង​ក្នុង និង​ក្រៅប្រទេស​ថែម​ទៀត​។ ទោះជា​យ៉ាងណា លោក​ក៏​សូម​អគុណ​ដល់​បណ្តា​អ្នកគាំទ្រ​រូប​លោក​ជា​រៀង​រហូត​មក ហើយ​លោក​សន្យា​នឹង​ខិតខំ​បន្ថែម​ទៀត​ធ្វើ​យ៉ាងណា​រិះរក​អ្វី​ដែល​ថ្មី ប្លែក ដើម្បី​បម្រើ​អារម្មណ៍​ទស្ស​និក​ជា​បន្តបន្ទាប់​ទៀត​»៕

អត្ថបទសរសេរ ដោយ

កែសម្រួលដោយ