រាជធានីភ្នំពេញ ៖ សកម្មភាពនិងមុខមាត់របស់ចោរគាស់ផ្ទះមួយកន្លែង ត្រូវបានថតជាប់យ៉ាងច្បាស់ៗ ខណៈកំពុងគាស់ចំរឹងបង្អួចទ្វារក្រោយផ្ទះរបស់ប្រជាពលរដ្ឋយ៉ាងគគ្លើនតែម្តង ។ យោងតាមគណនីអាក់ខោនមួយឈ្មោះ «Keng Bunsai»បានបង្ហោះរូបភាពជាច្រើនសន្លឹកនូវសកម្ម ភាពចោរ…
រាជធានីភ្នំពេញ ៖ សកម្មភាពនិងមុខមាត់របស់ចោរគាស់ផ្ទះមួយកន្លែង ត្រូវបានថតជាប់យ៉ាងច្បាស់ៗ ខណៈកំពុងគាស់ចំរឹងបង្អួចទ្វារក្រោយផ្ទះរបស់ប្រជាពលរដ្ឋយ៉ាងគគ្លើនតែម្តង ។
យោងតាមគណនីអាក់ខោនមួយឈ្មោះ «Keng Bunsai»បានបង្ហោះរូបភាពជាច្រើនសន្លឹកនូវសកម្ម ភាពចោរ និងសរសេរ កាលពីថ្ងៃទី២១ ឧសភា ថា «មុខក្រុមចោរគាស់ផ្ទះរបស់ខ្ញុំនៅកំបូល សូមបងប្អូនប្រុងប្រយ័ត្ន» ។ ក្នុងរូបភាពនីមួយៗ គឺឃើញចោរទាំងនោះព្រហើនខ្លាំង ហាក់ដូចមិនខ្លាចញញើតសមត្ថកិច្ច ឬម្ចាស់ផ្ទះនោះទេ ដោយមានបក្សប្រហែល២នាក់ ម្នាក់ដោះអាវចេញនិងទាញចំរឹងដែកបង្អួចឱ្យខ្ពស់រុលខ្លួនចូលមកក្នុងផ្ទះ ឯម្នាក់ទៀតចាំនៅខាងក្រៅ ។ រូបភាពខ្លះទៀត គឺចោរបានរើកកាយអីវ៉ាន់នៅក្នុងបន្ទប់ ដូចជាខោអាវ និងរបស់របររញ៉រញ៉ៃពេញក្នុងបន្ទប់ សង្ស័យវាកាយរករបស់ដែលមានតម្លៃ ។
ទោះបីជាយ៉ាងណា ម្ចាស់អាក់ខោនខាងលើនេះ ក៏មិនបានបញ្ជាក់ថា កើតហេតុនៅម៉ោងប៉ុន្មាន និងថ្ងៃណានោះទេ ហើយក្រុមចោរបានយកអ្វីខ្លះទៅ ឬបានទៅដាក់ពាក្យបណ្តឹងហើយឬនៅក៏មិនទាន់ដឹង ដឹងត្រឹមម្ចាស់ផ្ទះបញ្ជាក់ទៀតថា «យកអីវ៉ាន់ហើយបំផ្លាញរបស់របរយើងទៀត» ។
ពាក់ព័ន្ធករណីខាងលើ សូមសមត្ថកិច្ចតាមមូលដ្ឋានចុះស្រាវជ្រាវតើកើតមានដូចការបង្ហោះនេះដែរទេ? ហើយបើថតបានមុខច្បាស់ដូច្នេះ សង្ឃឹមសមត្ថកិច្ចនឹងធ្វើការបានយ៉ាងស្រួលតាមស្រាវជ្រាវអត្តសញ្ញាណចោរទាំងនេះ បានឆាប់រហ័ស ។ បើមិនដូច្នេះទេ នឹងធ្វើឱ្យប្រជាពលរដ្ឋកើតក្តីព្រួយបារម្ភកាន់តែខ្លាំងអំពីសុវត្ថិភាពរស់នៅ និងបញ្ហាអសន្តិសុខ ក្រោយពីមានចោរធ្វើសកម្មភាពគាស់ផ្ទះបែបនេះ មិនថានៅទីណាកន្លែងណានោះទេ ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ