អាសូរ! ក្មេ.ងម្នាក់ឈប់កង់ចាំមិត្តភក្តិសុខៗ ស្រាប់តែជួបគ្រោះអកុសលត្រឹមមួយប៉ប្រិចភ្នែក
- ភ្នំពេញ
រាជធានីភ្នំពេញ ៖ បុរសម្នាក់បានបើករថយន្តស៊េរីទំនើបមួយគ្រឿង ក្នុងស្ថានភាពស្រវឹងជ្រុលទៅ
រាជធានីភ្នំពេញ ៖ បុរសម្នាក់បានបើករថយន្តស៊េរីទំនើបមួយគ្រឿង ក្នុងស្ថានភាពស្រវឹងជ្រុលទៅ
រាជធានីភ្នំពេញ ៖ បុរសម្នាក់បានបើករថយន្តស៊េរីទំនើបមួយគ្រឿង ក្នុងស្ថានភាពស្រវឹងជ្រុលទៅបុ.កពីក្រោយកង់ក្មេងប្រុសវ័យ១០ឆ្នាំម្នាក់ដែលកំពុងឈប់ បណ្ដាលឲ្យក្មេងប្រុសរូបនោះស្លា.ប់ពេលបញ្ជូនទៅសង្គ្រោះនិងគ្លីនិកឯកជន ។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង៧និង៣០នាទីយប់ថ្ងៃទី១៦ ខែឧសភា ឆ្នាំ២០២៣ ទល់មុខរោងម៉ាស៊ីនកិនស្រូវ ផ្លូវ២១៧ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។
ក្មេងរងគ្រោះឈ្មោះ ភាព ទិទិ ភេទប្រុស អាយុ១០ឆ្នាំ ជាសិស្ស ស្នាក់នៅជាមួយឪពុកម្ដាយម្តុំសំបុកចាប ក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។
អ្នកបើកបររថយន្តបង្កឈ្មោះ គុយ ឡេង ភេទប្រុស អាយុ៣៦ឆ្នាំ មុខរបរធ្វើស្លាកយីហោ មានទីលំនៅផ្ទះលេខ៥៥ ផ្លូវ៤៨០ ភូមិ២ សង្កាត់ទួលទំពូង២ ខណ្ឌចំការមន (ត្រូវឃាត់ខ្លួនប្រគល់ទៅអោយការិយាល័យចរាចរណ៍ផ្លូវគោករាជធានីភ្នំពេញ)។
តាមប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុ គេឃើញក្មេងរងគ្រោះបានជិះកង់លេងតាមផ្លូវ២១៧ ក្នុងទិសដៅពីត្បូងទៅជើង លុះមកដល់ចំនុចកើតហេតុ ក៍ស្រាប់តែឈប់កង់រង់ចាំគ្នីគ្នាផ្សេងទៀត គាប់ជួនពេលនោះដែរ ក៍ស្រាប់តែបុរសម្នាក់បានបើករថយន្តស៊េរីទំនើបមួយគ្រឿង ពណ៌ខ្មៅ ពាក់ស្លាកលេខ ភ្នំពេញ 2BI-7943 ធ្វើដំណើរតាមបណ្ដោយផ្លូវ២១៧ ក្នុងទិសដៅស្របគ្នា ហើយវ៉ាជែងខាងស្ដាំ ក៍ជ្រុលទៅបុ.កនឹងកង់របស់ក្មេងប្រុស បណ្តាលឲ្យអូសខ្ទាតជាច្រើនម៉ែត្របោកក្បាលក្មេងប្រុសហូរឈា.មសន្លប់បាត់ស្មារតី ។ ភ្លាមៗនោះដែរក្មេងរងគ្រោះ ត្រូវបានរថយន្តគ្លីនិកឯកជន បានមកដឹកយកទៅសង្គ្រោះដែរ តែពេលទៅដល់គ្លីនិក ក្មេងរងគ្រោះបានស្លា.ប់បាត់ទៅហើយ ។
ដោយឡែកខាងរថយន្តវិញ រងការខូចខាតផែ្នកខាងមុខចំហៀងខាងស្តាំបន្តិច ហើយអ្នកបើកបរមិនព្រមឈប់រថយន្តនោះទេ គឺបើកទៅមុខជិតដល់ស្តុបស្ពានដែកចំការដូង ក៍ត្រូវប្រជាពលរដ្ឋដែលឃើញហេតុការណ៍ជួយដេញតាមកាក់ជាប់ ហើយឃាត់រថយន្ដនិងអ្នកបើកបរប្រគល់អោយសមត្ថកិច្ចយកទៅរក្សាទុកនិងសួរនាំនៅអធិការដ្ឋាននគរបាលខណ្ឌដង្កោផងដែរ ។
ពេលសមត្ថកិច្ចសាកសួរអ្នកបើកបរ និយាយទាំងស្ថានភាពស្រវឹងថា ខ្លួនមិនដឹងថាបុ.កកង់របស់ក្មេងប្រុសរងគ្រោះនោះទេ ។
ក្រោយពេលកើតហេតុ ដោយសារសមត្ថកិច្ចមូលដ្ឋានបានទាក់ខាងជំនាញចរាចរណ៍ក្រុងអោយចុះទៅធ្វើការវាស់វែងយកមធ្យោបាយទាំង២គ្រឿង រួមទាំងអ្នកបើកបរទៅរក្សាទុកនិងការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីដើម្បីចាត់ការតាមនិតិវិធី ចំនែកស.ពក្មេងប្រុសរងគ្រោះវិញ សមត្ថកិច្ចធ្វើលិខិតប្រគល់ស.ពអោយចាត់ចែងធ្វើបុណ្យតាមប្រពៃណី នៅផ្ទះជនរងគ្រោះផ្ទាល់តែម្តង ៕
ចែករំលែកព័តមាននេះ