រាជធានីភ្នំពេញ ៖ ជុំវិញរឿងរ៉ាវមួយបានកើតឡើង ធ្វើឱ្យអ្នកទិញហួសចិត្តបានសរសេរបង្ហោះនិយាយពីអ្នកលក់ម្ជូរម្នាក់នៅក្នុងផ្សារធំថ្មី គ្រាន់តែទិញម្ជូរ២ថង់ និងផ្លែម្នាស់២ផ្លែមានតម្លៃរហូតដល់៥ម៉ឺនរៀលឯណោះ ក្រោយពីកីឡាករវៀតណាមម្នាក់បានទិញឱ្យមិត្តរួមការងារញ៉ាំ ។ នេះបើយោងតាមគណនីហ្វេសបុកឈ្មោះMarie Crilyn…
រាជធានីភ្នំពេញ ៖ ជុំវិញរឿងរ៉ាវមួយបានកើតឡើង ធ្វើឱ្យអ្នកទិញហួសចិត្តបានសរសេរបង្ហោះនិយាយពីអ្នកលក់ម្ជូរម្នាក់នៅក្នុងផ្សារធំថ្មី គ្រាន់តែទិញម្ជូរ២ថង់ និងផ្លែម្នាស់២ផ្លែមានតម្លៃរហូតដល់៥ម៉ឺនរៀលឯណោះ ក្រោយពីកីឡាករវៀតណាមម្នាក់បានទិញឱ្យមិត្តរួមការងារញ៉ាំ ។ នេះបើយោងតាមគណនីហ្វេសបុកឈ្មោះMarie Crilyn បានបង្ហោះ កាលពីថ្ងៃទី១៤ ឧសភា ម្សិលមិញ ។
មិនថាអ្នកណាឡើយ គ្រាន់តែដឹងតម្លៃនេះ ប្រាកដជាស្រែកវ៉ាសទៅហើយ ព្រោះគិតថា តម្លៃរាងខ្ពស់បន្តិចហើយសម្រាប់ម្ជូរ២ថង់និងម្នាស់២ផ្លែ ដែលអ្នកលក់ហាក់កោរមិនដាក់ទឹកបែបនេះ ។
ជាក់ស្តែង រឿងរ៉ាវដែលអត់ទ្រាំមិនបាននេះ ធ្វើឱ្យម្ចាស់គណនីឈ្មោះ Marie Crilyn បានបង្ហោះរូបភាព១សន្លឹក ភ្ជាប់នឹងការសរសេរបែបនេះថា «ហួសចិត្តខ្មែរយើងណាស់ ព្រះអើយ ខ្ញុំបានជូនកីទ្បាកវៀតណាមទៅទិញឥវ៉ាន់នៅផ្សាធំថ្មី ពេលនោះគាត់បានទិញម្ជូរ២ថង់ ក្នុងមួយថង់៥ម៉ឺនរៀល ខ្ញុំចង់ស្ទះទ្រូង ហេតុអីក៏លក់កាប់គ្នាទាំងមូលចឹង ដោយសារតែគាត់ខ្ចប់ម្ជូរហើយ
អញ្ចឹងខ្ចិលតវ៉ាច្រើន ក៏យកតែម្ដងទៅ សំខាន់អ្នកលក់គាត់និយាយដាក់យើងថា លក់អោយបរទេសប៉ុណ្ណឹង បើលក់អោយខ្មែរថ្លៃជាងនឹងទៀត ។ ខ្ញុំពិតជាសោកស្ដាយ និងមានអារម្មណ៍ខ្មាស់អៀនកីទ្បាករណាស់លោកអើយ មិនដឹងនិយាយថាម៉េច សូមជួយចាត់ការផង»។
ទាក់ទិនករណីខាងលើនេះ ក៏មានអ្នកឃើញបានចូលមកខមមិនតបវិញថា «អូនឯងនិយាយខុសហើយម្ជូរ2ថង់50000រៀល ផ្លែម្នាស់2ផ្លែទៀត ដំលៃទាំងអស់50000រៀលទេ អូនឯងនិយាយបំភ្លើសការពិតហើយសូនអូនឯងមកបកស្រាយ»។
យ៉ាងណាម្ចាស់គណនីខាងលើអះអាងទៀតថា «ម្ជូរពីរថង់ហ្នឹង ហេីយម្នាស់ពីរផ្លែអស់50000rក៏ថ្លៃដែរបង» ។ ម្ចាស់គណនីលើកឡើងថា «សំខាន់ម្ជូរនឹងគាត់ទិញមកអត់ញ៉ាំទេ គាត់អោយពួកខ្ញុំញ៉ាំ» ។
ជាទូទៅ នៅក្នុងប្រទេសយើង បើមានពិធីបុណ្យជាតិណាមួយនោះ មន្ត្រីជំនាញតែងតែងចេញសេចក្តីជូនដំណឹងមិនឲ្យម្ចាស់អាជីវកម្មតូច-ធំណាមួយ មិនត្រូវលួចដំឡើងថ្លៃនោះទេ ។ ហើយនាពេលបច្ចុប្បន្ននេះ កម្ពុជាយើង ក៏កំពុងធ្វើជាម្ចាស់ផ្ទះនៃព្រឹត្តិការណ៍កីឡាស៊ីហ្គេមលើកទី៣២ផងដែរ ដែលជាព្រឹត្តការណ៍ទុកជាប្រវត្តិសាស្ត្រខ្មែរនោះ ដូច្នេះ សូមកុំឱ្យបញ្ហានេះកើតឡើងបាន ព្រោះយើងកំពុងទទួលភ្ញៀវជាជនបរទេសច្រើនដែលមកកម្មវិធីកីឡាស៊ីហ្គេមរបស់កម្ពុជា ព្រោះពួកគាត់មកលេងកម្សាន្ត តាមរមណីយដ្ឋាន តាមផ្សារនានានេះ ដូច្នេះក៏សូមឱ្យបងប្អូនជាអ្នកលក់មួយចំនួន ត្រូវគិតពិចារណាពីរឿងតម្លៃនេះឡើង កុំចង់តែចង់បានផលប្រយោជន៍ផ្ទាល់ខ្លួនពេក ។
ចែករំលែកព័តមាននេះ