អ្នកនាង ស៊ូ ដាណេ បើនិយាយពីជ្រុងសិល្បៈវិញ អ្នកនាងពិតជាមានទេពកោសល្យពេញដោយភាពច្បាស់លាស់នៅក្នុងវិស័យសិល្បៈ។ តារាស្រអែមខ្មៅរូបនេះ ក៏ជាតារាពហុជំនាញម្នាក់ដ៏កម្ររកផងដែរ ព្រោះមិនថា
រាជធានីភ្នំពេញ ៖ អ្នកនាង ស៊ូ ដាណេ បើនិយាយពីជ្រុងសិល្បៈវិញ អ្នកនាងពិតជាមានទេពកោសល្យពេញដោយភាពច្បាស់លាស់នៅក្នុងវិស័យសិល្បៈ។ តារាស្រអែមខ្មៅរូបនេះ ក៏ជាតារាពហុជំនាញម្នាក់ដ៏កម្ររកផងដែរ ព្រោះមិនថា ល្ខោនបាសាក់ យីកេ ស្មូត្រ ការរាំរបាំបុរាណ និងច្រៀងចម្រៀងសម័យនោះទេ គឺអ្នកនាងអាចធ្វើបានទាំងអស់។ ហើយក៏មិនចេះតែសម្បូរតារាធនធានបែបនេះច្រើនទេ នៅក្នុងវិស័យសិល្បៈ។ ម្ល៉ោះហើយ រាល់ការសម្តែងច្រៀងបែបទម្រង់បុរាណសំខាន់ៗ អ្នកនាងរមែងត្រូវបានអ្នកដឹកនាំកម្មវិធី មិនដែលមើលរំលងនោះឡើយ។
អ្នកនាង ស៊ូ ដាណេ មានការភ្ញាក់ផ្អើលយ៉ាងខ្លាំងនៅពេលដឹងថា មានអ្នកគាំទ្រស្នាដៃរបស់អ្នកនាងផ្ទាល់។ ហើយអ្នកគាំទ្ររបស់អ្នកនាងកើតជាចម្ងល់ ព្រោះថា ព្រឹត្តិការណ៍ធំស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះ មិនឃើញវត្តមានសម្តែងរបស់អ្នកនាងនាថ្ងៃបើកពិធីសំខាន់នោះទេ។ ខណៈសិល្បករជាច្រើន ទាំងនៅក្នុងក្រសួងវប្បធម៌ បានបង្ហាញមុខ បង្ហាញសមត្ថភាពគ្រប់គ្នា។ មូលហេតុ ក៏ព្រោះតែគេយល់ថា ដាណេ ក៏ជាសិល្បការិនី មានវិជ្ជាច្បាស់លាស់ ជាពិសេសការរាំរបាំបែបបុរាណ គឺសមទន់ភ្លន់គួរគយគន់។ បែបនេះហើយ បើរំលេចវត្តមានតារាពហុជំនាញរូបនេះ ជុំគេជុំឯងរឹតតែធ្វើអោយមានសោភ័ណ្ឌក្នុងពិធីទម្រង់សិល្បៈដ៏អស្ចារ្យក្នុងឆាកនៃពហុកីឡដ្ឋាមមរតកតេជោ។
ការតាមដានបែបនេះ ត្រូវបានអ្នកនាង ស៊ូ ដាណេ បង្ហោះសារនៅលើផេករបស់នាងថា «មានខ្សែតែមិនប្រើ អាចពឹងគេតែមិនពឹង។ នេះជាហេតុដែលជនមានតួនាទី ឋានៈ វណ្ណៈ ដែលខ្ញុំស្គាល់ភាគច្រើន ពួកគាត់តែងតែយល់ឃើញថា ខ្ញុំជាមនុស្សឫក និងអួត ហើយក៏មិនសូវមានទំនាក់ទំនងផ្លូវការច្រើនជាមួយ»។
អ្នកនាង ស៊ូ ដាណេ បន្តថា «ប្រើសមត្ថភាព គឺវាថ្លៃថ្នូរបំផុតសម្រាប់កេរ្តិ៍ឈ្មោះដ៏បរិសុទ្ធមួយនេះ ចំពោះឋានៈតួនាទីខ្ញុំគ្មានស្អីទេ ទទេស្អាត នេះជាហេតុដែលនាងខ្ញុំសុំចិត្តបងប្អូនកុំសួររឿងសម្តែងស៊ីហ្គេមមកខ្ញុំទៀតអី។ ព្រោះខ្ញុំបានធ្វើបែបបទអស់ពីសមត្ថភាពហើយ ស្នើឈ្មោះស្ម័គ្រចូលរួមតាំងពីខែ៨ ឆ្នាំ២០២២ម្ល៉េះ ដូច្នេះខ្ញុំគោរពការសម្រេចចិត្តរបស់គណៈកម្មាធិការរៀបចំព្រឹត្តិការណ៍ស៊ីហ្គេម។ អ្វីដែលខ្ញុំនិយាយខាងលើ គឺសំដៅលើសំបុត្រចូលទស្សនាបិទស៊ីហ្គេមទេ ចង់បាន១សន្លឹក»។
ចែករំលែកព័តមាននេះ