ប៉ុន្មានថ្ងៃមកនេះ មហាជនក្នុងប្រទេសថៃទាំងមូលសម្ដែងការនឹកស្មានមិនដល់ស្ទើរតែគ្រប់ៗគ្នា ក្រោយលេចលឺដំណឹងថា តារាសម្ដែងប្រុសលោក Tong Tong និងគូស្នេហ៍ដែលមានសម្រស់ស្រស់ស្អាតវ័យក្មេង កំពុងតែទទួលបាននៅប្រជាប្រិយភាពមិនធម្មតានោះគឺកញ្ញា
ប្រទេសថៃ ៖ ប៉ុន្មានថ្ងៃមកនេះ មហាជនក្នុងប្រទេសថៃទាំងមូលសម្ដែងការនឹកស្មានមិនដល់ស្ទើរតែគ្រប់ៗគ្នា ក្រោយលេចលឺដំណឹងថា តារាសម្ដែងប្រុសលោក Tong Tong និងគូស្នេហ៍ដែលមានសម្រស់ស្រស់ស្អាតវ័យក្មេង កំពុងតែទទួលបាននៅប្រជាប្រិយភាពមិនធម្មតានោះគឺកញ្ញា Best ដោយអ្នកទាំង២បានបែកគ្នាហើយ។ ដំណឹងមួយនេះ ធ្វើអោយគ្រប់បណ្ដាសារព័ត៌មានជាច្រើននាំគ្នាសម្រុកយកទៅចុះផ្សព្វផ្សាយពាសពេញបណ្ដាញសង្គមពីមួយទៅមួយតែម្ដង។
តែអ្វីដែលយើងត្រូវរង់ចាំមើល និងតាមដានជាងនេះទៅទៀតនោះថា តើទំនាក់ទំនងរវាងគូស្នេហ៍ដ៏ផ្អែមល្ហែមរវាងតារាសម្ដែងថៃប្រុសស្រីមួយគូខាងលើនេះ នឹងទៅជាយ៉ាងណាអោយពិតប្រាកដ?។ ពីព្រោះថា អ្នកគាំទ្រស្ទើរតែមិនចង់ជឿនោះឡើយ ពេលមានព័ត៌មានធ្លាយចេញមកនេះ។
ប៉ុន្តែតែអ្វីដែលធ្វើអោយហ្វេនៗបើកភ្នែកធំៗជាងនេះទៅទៀតនោះ ក្រោយពីលេចលឺព័ត៌មានថា តារាប្រុស Tong Tong និងមិត្តស្រីរបស់លោក គឺកញ្ញា Best បានដើរដល់ផ្លូវបំបែកភ្លាម ស្រាប់តែគ្រប់គ្នាចូលទៅតាមដានមើលសកម្មភាពរបស់ពួកគេ ហើយនាំគ្នានិយាយលែងចេញតែម្ដង។ ក្រោយពួកគេប្រទះឃើញ ភាគីខាងស្រីកញ្ញា Best ត្រូវជាគូស្នេហ៍របស់លោក Tong Tong បានឈប់តាមដានភាគីខាងប្រុសទាំងអស់ចោលតែម្តង។ មិនតែប៉ុណ្ណោះ តារាស្រីវ័យក្មេងរូបនេះ នាងថែមទាំងលុបរូបគូស្នេហ៍របស់ខ្លួនទាំងប៉ុន្មាន តាំងពីថ្ងៃចាប់ផ្ដើមរហូតដល់ពេលនេះ ហើយនៅក្នុងគណនី IG ត្រូវបានបិទខ្ទេចអស់គ្មានសល់។
យ៉ាងណាមិញ សម្រាប់គូស្នេហ៍ដ៏ផ្អែមល្ហែមបាត់មុខគ្នាមិនបាន កញ្ញា Best Rakwanee និងតារាប្រុសលោក Tongtong Kritsakorn ដែលបែកបាក់គ្នានេះដែរ ព្រោះតែថ្មីៗនេះ គេនាំគ្នាសង្កេតមើលឃើញថា Best បានលុបរូបគូស្នេហ៍ផ្អែមល្ហែមជាមួយនឹង Tong ទាំងអស់នៅក្នុង instagram ក៏ដូចជា unfollow ថែមទៀតផង។ តែក៏មិនប្រាកដថា Best លុបរូបចោលទាំងអស់នោះទេ នៅមានរូបភាពមួយចំនួនតូចដែរ ដែលរូបភាពរបស់តារាប្រុស Tong Tong បង្ហាញនៅលើគណនី Instagram របស់តារាស្រី Best។ គ្រាន់តែរូបភាពនោះ នៅពេលដែល Best និង Tongtong ធ្វើរួមគ្នាជាមួយគ្រួសាររបស់ Best តែប៉ុណ្ណោះឯង។ ហើយ Best ក៏អាចតាមដាន Instagram ផ្ទាល់ខ្លួនរបស់ Tongtong បានដែរ។
ដូចដែលអ្នកនិយមលេងនៅក្នុងបណ្ដាញទំនាក់ទំនងសង្គមអ៊ីនធើរណែតជាច្រើន ពិតជាមានការសង្ស័យមិនឈប់នោះទេ ព្រោះថា នៅតែដូចដើម ហើយអ្វីៗគឺនៅតែពេញលេញដដែលគ្មានប្រែប្រួលទៅណាឡើយ។ គ្រាន់តែថា Best លុបរូបភាពគូស្នេហ៍ទាំងប៉ុន្មានចោល ដែលបានថតរួមជាមួយគ្នាមួយចំនួនតែប៉ុណ្ណោះ។ ចំណែករូបដែលថតជួបជុំគ្នាជាមួយគ្រួសារ Best នៅតែមានរូបភាពរបស់ Tong Tong ដដែល។ ហើយបើទោះបីជា តារាសម្ដែងប្រុសលោក Tong Tong ត្រូវមិត្តស្រីរបស់ខ្លួនលុបរូបចោល Unfollow ខ្ទេចអស់គ្មានសល់យ៉ាងណាក្ដី ចំពោះលោកផ្ទាល់នៅតែ Follow Instagram ផ្ទាល់ខ្លួនរបស់ Best ដូចពីមុន។
យ៉ាងណាក៏ដោយ ទោះបីជាព័ត៌មាននេះច្បាស់១០០%ថា ដើរដល់ផ្លូវបំបែកយ៉ាងណា ប៉ុន្តែក៏គ្មាននរណាម្នាក់អាចធានាបាននោះទេថា ចំពោះទំនាក់ទំនងរបស់អ្នកទាំងពីរ ពិតជាចប់ហើយ ឬមួយក៏យ៉ាងណានោះទេ។ ដូច្នេះហើយ មានតែរង់ចាំស្ដាប់សម្លើយចេញពីមាត់របស់តារាប្រុសលោក Tong Tong និងស្រីស្រស់ Best តែប៉ុណ្ណោះ ទើបអាចដឹងច្បាស់ថា តើវាទៅជាយ៉ាងណាអោយពិតប្រាកដ?៕ ដោយ ៖ សុភា ដានេត
ចែករំលែកព័តមាននេះ