ទូតស៊ុយអ៊ែត បង្ហាញកង្វល់ជុំវិញដំណើរការលទ្ធិប្រជាធិបរតេយ្យ និងសិទ្ធិមនុស្សនៅកម្ពុជា
រាជធានីភ្នំពេញ ៖ លោកស្រី អាននីកា បិនដាវីត (Annika Ben David) ឯកអគ្គរាជ
រាជធានីភ្នំពេញ ៖ លោកស្រី អាននីកា បិនដាវីត (Annika Ben David) ឯកអគ្គរាជ
រាជធានីភ្នំពេញ ៖ លោកស្រី អាននីកា បិនដាវីត (Annika Ben David) ឯកអគ្គរាជទូតរបស់ប្រទេសស៊ុយអ៊ែត ទទួលបន្ទុកសិទ្ធិមនុស្ស លទ្ធិប្រជាធិបតេយ្យ និងនីតិរដ្ឋ នៅរសៀលថ្ងៃទី១៩ ខែតុលា ឆ្នាំ២០១៧ បានសម្តែងនូវការព្រួយបារម្ភរបស់លោកស្រីលើស្ថានភាពលទ្ធិប្រជាធិបតេយ្យ និងសិទ្ធិមនុស្សនៅក្នុងប្រទេសកម្ពុជា ដោយសារតែនាពេលថ្មីៗនេះ ប្រធានគណបក្សសង្គ្រោះជាតិ លោក កឹម សុខា ត្រូវចាប់ខ្លួនឃុំ និងគណបក្សប្រឆាំងមួយនេះកំពុងប្រឈមនឹងការរំលាយ។
លោកស្រីបានថ្លែងបែបនេះនៅក្នុងសន្និសីទសារព័ត៌មាន នៅឯគេហដ្ឋានរបស់ឯកអគ្គរាជទូតស៊ុយអែត ប្រចាំនៅកម្ពុជាក្នុងខណ្ឌចំការមន មុនពេលលោកស្រីចាកចេញទៅកាន់ប្រទេសស៊ុយអែត ក្រោយពីបញ្ចប់ទស្សនកិច្ច៥ថ្ងៃ នៅកម្ពុជា និងបានជួបជាមួយរដ្ឋមន្ត្រីក្រសួងព័ត៌មានលោក ខៀវ កាញារិទ្ធ និងលោកស្រី អឹុង កន្ថាថាវី រដ្ឋមន្ត្រីក្រសួងកិច្ចការនារី ព្រមទាំងមន្ត្រីនៃរាជរដ្ឋាភិបាលកម្ពុជាមួយចំនួនទៀត។
លោកស្រី អាននីកា បិនដាវីត បានលើកឡើងថា៖ ក្នុងដំណើរទស្សនកិច្ចនេះ ជាជំនួបមួយដែលធ្វើឡើងដោយក្រសួងការបរទេសស៊ុយអ៊ែត និងទូតស៊ុយអ៊ែតនៅកម្ពុជា នៅក្នុងទីក្រុងភ្នំពេញ និងមន្ត្រីទីភ្នាក់ងារអភិវឌ្ឍស៊ុយអ៊ែត និងគណៈកម្មាធិការសិទ្ធិមនុស្សកម្ពុជា ។ ប្រទេសកម្ពុជា និងស៊ុយអ៊ែត មានទំនាក់ទំនងសំខាន់បីជាមួយប្រទេសកម្ពុជាជាយូរមកហើយ ហើយនេះជាជំនួបលើកទី៦ រវាងស៊ុយអ៊ែត និងកម្ពុជា។
មន្ត្រីស្ថានទូតស៊ុយអ៊ែតបានអះអាងថា ក្នុងនោះភាគីទាំងពីរមានលើកឡើងពីបញ្ហាសិទ្ធិមនុស្ស បញ្ហាយ៉ែនឌឺ ករណីមនុស្សស្រឡាញ់ភេទដូចគ្នា សិទ្ធិទទួលបានព័ត៌មាន សិទ្ធិសេរីភាពក្នុងការបញ្ចេញមតិ សិទ្ធិស្តីពីការងារ និងសេចក្តីព្រមព្រៀងសកល ទាំងនេះជាគំនិតផ្តួចផ្តើមរបស់អង្គការ ILO និងប្រទេសស៊ុយអ៊ែត ។ ដើម្បីឲ្យមានលក្ខខណ្ឌការងារ និងការសន្ទនាសង្គមបានកាន់តែល្អប្រសើរ។
ចែករំលែកព័តមាននេះ