ធ្វើលំហាត់ប្រាណនៅវ័យជំទង់កាត់បន្ថយហានិភ័យ
ការស្រាវជ្រាវមួយអះអាងថា
ការស្រាវជ្រាវមួយអះអាងថា
ការស្រាវជ្រាវមួយអះអាងថាស្ត្រីដែលមានភាពសកម្មក្នុងវ័យជំទង់អាចកាត់បន្ថយហានិភ័យនៃការស្លាប់ដោយសារជំងឺមហារីកបានដល់ទៅ១៣% ។
បរិមាណនៃការធ្វើលំហាត់ប្រាណ និងលេងកីឡានៅពេលដែលស្ត្រីនៅវ័យជំទង់ត្រូវបានគេប្រៀបធៀបទៅនឹងសុខភាពរបស់ពួកគេនៅពេលដែលពួកគេមានអាយុពី៤០ទៅ៧០ឆ្នាំ ។ ក្រុមអ្នកស្រាវជ្រាវបានរកឃើញថាអ្នកដែលបានធ្វើលំហាត់ប្រាណជាប់លាប់អាចកាត់បន្ថយហានិភ័យនៃការស្លាប់ដោយសារជំងឺសរសៃឈាមបេះដូង និងជំងឺមហារីកបាន២០% ។
ក្រុមអ្នកស្រាវជ្រាវមកពីសាកលវិទ្យាល័យ Vanderbilt នៅទីក្រុង Nashville រដ្ឋ Tennessee បានវិភាគលើសុខភាពរបស់ស្ត្រីចំនួន៧៩.៩៤១នាក់ដែលមានអាយុចន្លោះពី៤០ឆ្នាំទៅ៧០ឆ្នាំនៅក្នុងប្រទេសចិន ។
ស្ត្រីទាំងនេះត្រូវបានគេសម្ភាសអំពីសកម្មភាពរបស់ពួកគេក្នុងអំឡុងពេលវិទ្យាល័យ និងក្នុងវ័យកណ្តាល ។
លទ្ធផលទាំងនេះត្រូវបានគេប្រៀបធៀបទៅនឹងសុខភាព និងកត្តាសេដ្ឋកិច្ចសង្គមដទៃទៀតនាពេលបច្ចុប្បន្ន ។ ការស្រាវជ្រាវដែលត្រូវបានចេញផ្សាយនៅក្នុងព្រឹត្តបត្រ Cancer Epidemiology, Biomarkers & Prevention បានរកឃើញថាអ្នកដែលធ្វើលំហាត់ប្រាណទៀងទាត់មានហានិភ័យទាបក្នុងការវិវឍ្ឍជាជំងឺមហារីក ជំងឺសរសៃឈាមបេះដូង និងជំងឺរ៉ាំរ៉ៃ ផ្សេងៗទៀត ។
ការធ្វើលំហាត់ប្រាណជាទៀងទាត់ត្រូវបានកំណត់ថាគឺជាការហាត់ប្រាណយ៉ាងហោចណាស់ម្តងក្នុងមួយសប្តាហ៍រយៈពេលបន្តបន្ទាប់គ្នា៣ខែ ។
ស្ត្រីដែលចូលរួមលេងកីឡា និងធ្វើលំហាត់ប្រាណទៀងទាត់ក្នុងអំឡុងពេលវ័យជំទង់អាចកាត់បន្ថយហានិភ័យនៃការស្លាប់ពីជំងឺទាំងអស់បាន២០% និង១៣%ពីការស្លាប់ដោយសារជំងឺមហារីក និង១៧% ដោយសារជំងឺសរសៃឈាមបេះដូង ។
លោក Sarah Nechuta ជំនួយការសាស្ត្រាចារ្យផ្នែកវេជ្ជសាស្ត្រនៅសាកលវិទ្យាល័យ Vanderbilt បាននិយាយថា ៖«លទ្ធផលរបស់យើងគាំទ្រពីសារសំខាន់នៃការលើកកម្ពស់ការចូលរួមក្នុងការធ្វើលំហាត់ប្រាណពេលវ័យជំទង់ដើម្បីកាត់បន្ថយអត្រាមរណភាពនៅពេលពួកគេមានវ័យចំណាស់ និងបង្ហាញពីតម្រូវការចាំបាច់ក្នុងការចាប់ផ្តើមការការពារជំងឺនៅពេលនៅក្មេង» ៕
ចែករំលែកព័តមាននេះ