កញ្ញា លីវ ជីលី ហាក់មិនសូវបានសំឡេងគាំទ្រពីអ្នកគាំទ្រច្រើនលើសលុបពេកនោះទេ នៅពេលដែលនាងត្រូវប្រកាសថា ជាម្ចាស់មកុដ Miss Supranational Cambodai 2023 ភ្លាមៗ។ គ្រប់គ្នាអាចដឹងថា
រាជធានីភ្នំពេញ ៖ កញ្ញា លីវ ជីលី ហាក់មិនសូវបានសំឡេងគាំទ្រពីអ្នកគាំទ្រច្រើនលើសលុបពេកនោះទេ នៅពេលដែលនាងត្រូវប្រកាសថា ជាម្ចាស់មកុដ Miss Supranational Cambodai 2023 ភ្លាមៗ។ គ្រប់គ្នាអាចដឹងថា កម្មវិធីមួយនេះ ហាក់រៀបចំដៅដាក់កញ្ញាជីលី អោយគ្រងមកុដ មិនអាចអោយអ្នកណាបាន រហូតមានពាក្យចោទថា ជាការប្រកាន់បក្សពួក ឬខ្សែនៅខាងមេស្រាប់ មិនបារម្ភលើកពាន។
បែបនេះហើយ នៅពេលក្លាយជាម្ចាស់មកុដ សំឡេងត្រេកអររបស់អ្នកតាមដាន ហាក់ខ្សោយមិនសូវពុះកញ្ជ្រោលខ្លាំង ដូចកាលពី ជីលី ជាប់ប្រកួត Miss Grand កាលពីឆ្នាំ២០២០។ យ៉ាងណាមិញ ពេលនេះ លីវ ជីលី បានក្លាយជាតួឯកពិតប្រាកដហើយ ក្នុងការប្រកួតកម្មវិធីថ្មី សំខាន់ជាលើកទី១ នៅកម្ពុជានេះ។ ហើយនាងនឹងដឹកដៃ លោក វន សិលា ម្ចាស់ជ័យលាភីឯក Mister Supranational Cambodai 2023 ទៅកាន់ប្រទេសប៉ូឡូញ នាអំឡុងខែកក្កដាខាងមុខនេះ។
កញ្ញា លីវ ជីលី សម្រេចចិត្តមកប្រកួតលើកនេះ ចង់ដឹងថា បទពិសោធន៍ដឹងច្រើនពីការប្រឡង តើនាងអាចធ្វើបានដល់គោលដៅឬយ៉ាងណា?។ ព្រោះកាលពីមុន នាងបានត្រឹមតែជាតួឯកគេផ្ទេរមកុដពីអ្នកលាលែង។ ម្ល៉ោះហើយ ទើបនាងមិនបោះបង់ ដោយប្រើទេពកោសល្យមកប្រកួតម្តងទៀតអោយគេមើលឃើញ និងបានមកុដចេញពីការប្រកាសនៅលើវេទិកាប្រកួត។
បែបនេះហើយ នៅពេលដំណើរការកម្មវិធី នាងផ្ចិតផ្ចង់ក្នុងការដាក់វិញ្ញាសាប្រកួត មិនអាច មើលស្រាលបាននោះទេ។ នាងមកប្រកួតតែងតែដាក់ចិត្តថា ប្រកួតប្រជែងរមែងមានឈ្នះមានចាញ់។ សំខាន់យើងខំធ្វើវាអោយល្អចេញពីបេះដូង និងជឿជាក់។
នៅពេលមានការលើកឡើងពីតំណែងខាងលើនេះ កញ្ញា លីវ ជីលី បង្ហោះសារថា «គោលដៅនៃជីវិតចេះតែមានបន្តបន្ទាប់ ខ្ញុំដឹងខ្លួនឯងច្បាស់មកពីណា ទៅណា មកទីនេះដើម្បីអ្វី ខ្ញុំបានជ្រះថ្លាជាមួយព្រះធម៌ រៀនអប់រំចិត្តអ្វីដែលនាងខ្ញុំមាន (សីលធម៌ សច្ចធម៌ មេត្តាធម៌ គុណធម៌ ព្រហ្មវិហារធម៌) ទាំងអស់នេះ ធ្វើអោយខ្ញុំជាមនុស្សមិនចេះសម្តែង ព្រោះស្លា.ប់ទៅ ក៏ទៅវិញតែឯង គ្មាននរណាមកស្លា.ប់ជាមួយយើងនោះទេ សាងបាបបានបាប សាងបុណ្យបានបុណ្យ ហើយកុំតូចចិត្តហេតុអ្វីគេស្អាត យើងមិនស្អាត? ហេតុអ្វីគេមាន យើងមិនមានដូចគេ? ខំសាងតែអំពើល្អ ធ្វើបុណ្យអោយបានច្រើន»។
នាងបានលើកឡើងទៀតថា «ខ្ញុំមានអារម្មណ៍រំភើប និងមានមោទនភាព ដែលទទួលបានដំណែងមួយនេះ ជាលើកចុងក្រោយសម្រាប់ខ្ញុំហើយ (ហត់ចិត្ត ហត់កាយ ពេលខ្លះក៏សឹងបាក់ទឹកចិត្តម្តងៗ)។ ហើយពេលនេះ ខ្ញុំបានក្រឡេកឃើញថា វិស័យមួយនេះ បានរីកចម្រើនមានទំពាំងស្នងឫស្សីក៏ច្រើនហើយដែរ ខ្ញុំនឹងបំពេញក្តីស្រម៉ៃខ្ញុំ (មួយផ្សេងទៀត) ហើយក៏សង្ឃឹមថា អូនៗជំនាន់ក្រោយជោគជ័យលើវិស័យបរវកញ្ញាមួយនេះអោយប្រទេសរបស់យើងកាន់តែល្បីនៅលើឆាកអន្តរជាតិ។ អ្វីដែលខ្ញុំលះបង់ គឺដើម្បីបងប្អូន និងប្រទេសជាតិ។ ជាចុងក្រោយខ្ញុំនឹងខិតខំបំពេញតួនាទីមួយនេះអោយបានល្អបំផុត និងអោយអស់ពីសមត្ថភាពដែលខ្ញុំមាន (Strong girl) believe myself I can do it Everything for people and for my country»។
ចែករំលែកព័តមាននេះ