ក្រុមហ៊ុន My Window អញ្ជើញវាគ្មិនល្បីពីប្រទេសថៃ ចែករំលែកបទពិសោធន៍ក្នុងវិស័យស្ថាបត្យកម្ម
រាជធានីភ្នំពេញ ៖ ក្រុមហ៊ុនលក់គ្រោងទ្វារបង្អួច សម្រាប់ផ្គត់ផ្គង់តាមអគារ លំនៅឋាននៅក្នុងព្រះរាជាណាចក្រកម្ពុជាដ៏ធំមួយនៅកម្ពុជាគឺ
រាជធានីភ្នំពេញ ៖ ក្រុមហ៊ុនលក់គ្រោងទ្វារបង្អួច សម្រាប់ផ្គត់ផ្គង់តាមអគារ លំនៅឋាននៅក្នុងព្រះរាជាណាចក្រកម្ពុជាដ៏ធំមួយនៅកម្ពុជាគឺ
រាជធានីភ្នំពេញ ៖ ក្រុមហ៊ុនលក់គ្រោងទ្វារបង្អួច សម្រាប់ផ្គត់ផ្គង់តាមអគារ លំនៅឋាននៅក្នុងព្រះរាជាណាចក្រកម្ពុជាដ៏ធំមួយនៅកម្ពុជាគឺក្រុមហ៊ុន My Window E&C និងក្រុមហ៊ុនថៃ មួងថង បានរៀបចំសិក្ខាសាលាមួយកាលពីថ្ងៃទី ២៥ ខែកញ្ញា ឆ្នាំ២០១៧ នៅសណ្ឋាគារកាំបូឌីយ៉ា ដើម្បីបង្ហាញផលិតផល អាលុយមីញ៉ូម និង UpVc ជាមួយនឹងវត្តមានអ្នកជំនាញពីរោងចក្រ មួងថង និងអ្នកជំនាញមកពីក្រុមហ៊ុនលក់ Hardware GU ដែលបានចែករំលែកនូវបទពិសោធន៍ក្នុងវិស័យស្ថាបត្យកម្ម និងសំណង់ដល់ដៃគូក្រុមហ៊ុននិងស្ថាបត្យករខ្មែរជាច្រើន ។
សូមបញ្ជាក់ថា ក្រុមហ៊ុន My Window E&C បានចាប់ដៃគូជាមួយនិងរោងចក្រផលិតអាលុយមីញ៉ូម មួងថង នៅប្រទេសថៃ ដើម្បីនាំចូលបន្ថែមនូវគ្រោង ទ្វារបង្អួច ដ៏ប្រណីតមកដាក់លក់នៅលើទីផ្សារកម្ពុជា ។
លោក រ៉ឺន រដ្ឋា អគ្គនាយកក្រុមហ៊ុន My Window ប្រចាំព្រះរាជាណាចក្រកម្ពុជា បានឱ្យដឹងថាសិក្ខាសាលានេះរៀបចំឡើងក្នុងគោលបំណងបង្ហាញពីផលិតផលថ្មី ដែលរោងចក្រមឿងថង នៅប្រទេសថៃក៏ដូចជាផលិតផលប្រពន្ធ័គ្រោងទ្វារ បង្អួចថ្មីមួយចំនួនដើម្បីបំពាក់នៅតាមសណ្ឋាគារ លំនៅឋាន និងសំណង់ផ្សេងៗទៀត ។ ក្នុងសិក្ខាសាលានេះដែរ គឺក្រុមហ៊ុន My Window ក៏ចង់ចែករំលែកបទពិសោធន៍ល្អៗពីវាគ្មិនមកពីប្រទេសថៃ សម្ភារៈដែលទើបផលិតបាននិងត្រៀមនាំចូលមកកាន់ទីផ្សារប្រទេសកម្ពុជាផងដែរ ។
លោកអគ្គនាយកបានបន្តថា ដោយសារតែមានការគាំទ្រពីម្ចាស់សំណង់នៅក្នុងប្រទេសកម្ពុជា ក្រុមហ៊ុន My Window បានទទួលសិទ្ធិផ្ដាច់មុខនាំចូលផលិតផលគ្រឿងបង្គំគ្រោងទ្វារបង្អួចពីប្រទេសអាល្លឺម៉ង់ ហើយថ្មីៗនេះដែរ ក្រុមហ៊ុននេះក៏ទទួលបានសិទ្ធិនាំចូលនិងចែកចាយសម្ភារៈសំណង់ផ្នែកទ្វារ បង្អួចពីប្រទេសថៃមកកាន់កម្ពុជាផងដែរ ។
លោកអគ្គនាយកបានបន្តថារយៈពេលបីឆ្នាំចុងក្រោយនេះ ក្រុមហ៊ុនរបស់លោកមានកំនើនខ្ពស់ដែលជំរុញឱ្យក្រុមហ៊ុនសិក្សានិងពង្រីកអាជីវកម្មនៅតាមបណ្ដាខេត្តសក្ដានុពលលើវិស័យសំណង់ ដូចជាខេត្តកំពត ខេត្តព្រះសីហនុ កំពង់ចាម និងខេត្តសៀមរាប ។
លោក ភឿង សោភណ្ឌ រដ្ឋលេខាធិការ ក្រសួងរៀបចំដែនដីនគរូបនីយកម្ម និងសំណង់បានលើកឡើងថាត្រឹមតែរយៈពេល៦ខែ ២០១៧ វិស័យសំណង់ក្នុងប្រទេសកម្ពុជាមានកំនើនរហូតដល់ជិត៦០ភាគរយធៀបនឹងរយៈពេលដូចគ្នាឆ្នាំ ២០១៦ ។ ដូចនេះនៅដំណាច់ឆ្នាំ ២០១៧នេះ វិស័យសំណង់រំពឹងថានឹងនៅតែមានកំណើនខ្ពស់ដដែល ដោយមានគម្រោងខ្លះ បានបញ្ចប់ គម្រោងខ្លះ បន្ត និងគម្រោងខ្លះទៀតបានចាប់ផ្ដើម ។
លោកបន្តថា ៖«អំណោយផលល្អសម្រាប់ប្រទេសកម្ពុជាក្នុងវិស័យសំណង់នោះ គឺយើងមិនមានគ្រោះរញ្ជួយដី ព្យុះស៊ូណាមិ ឬគ្រោះធម្មជាតិលក្ខណៈធ្ងន់ធ្ងរដែលធ្វើឱ្យប៉ះពាល់ដល់សំណង់នោះទេ ដូចនេះបរទេសគេចង់មកវិនិយោគណាស់នៅក្នុងប្រទេសយើង » ៕
ចែករំលែកព័តមាននេះ