រជាពលរដ្ឋជាង៣០០នាក់ តំណាងឱ្យ៣១២គ្រួសារ បានសម្រេចចិត្តរួមគ្នាជួលត្រាក់ទ័រមកឈួសឆាយលុបប្រឡាយកាយកាត់ផ្លូវ ដែលក្រុមហ៊ុនចំការចេកហ័ងអាញ់យ៉ាឡាយ បានកាយផ្តាច់មិនឱ្យពួកគាត់ឆ្លងកាត់នោះ បាន
ខេត្តរតនគិរី ៖ ប្រជាពលរដ្ឋជាង៣០០នាក់ តំណាងឱ្យ៣១២គ្រួសារ បានសម្រេចចិត្តរួមគ្នាជួលត្រាក់ទ័រមកឈួសឆាយលុបប្រឡាយកាយកាត់ផ្លូវ ដែលក្រុមហ៊ុនចំការចេកហ័ងអាញ់យ៉ាឡាយ បានកាយផ្តាច់មិនឱ្យពួកគាត់ឆ្លងកាត់នោះ បានត.ភ្ជាប់ឡើងវិញហើយ។
ជាការសំណូមពររបស់ប្រជាពលរដ្ឋរស់នៅក្នុងភូមិខាងលើ បានលើកដៃសំពះអង្វរដល់ថ្នាក់ដឹកនាំខេត្តរតនគិរី ជាពិសេសប្រមុខរាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន សូមសម្តេចទាំងទ្វេរមេត្តាជួយអន្តរាគមន៍ និងផ្តល់លទ្ធភាពឱ្យពួកគាត់ទទួលបានភាពយុត្តិធម៌ និងធ្វើដំណើរលើផ្លូវចាស់ពីដូនតារបស់ពួកគាត់នេះ ប្រកបដោយក្តីសុខឡើងវិញផង។
ហើយការកាយលុបប្រឡាយកាត់ផ្លូវ ដែលពួកគាត់ធ្លាប់ធ្វើដំណើរៀងរហូតមកនោះ ពួកគាត់បានប្រមូលផ្តុំគ្នាធ្វើសកម្មភាពនៅព្រឹកថ្ងៃទី៣០ ខែមីនា ឆ្នាំ២០២៣ ដោយមានប្រជាពលរដ្ឋរស់នៅភូមិថ្មី ឃុំជ័យឧត្តម ស្រុកលំផាត់ ខេត្តរតនគិរី បានសម្រេចចិត្តរួមគ្នាជួលគ្រឿងចក្រចំនួន៣គ្រឿង មកកាយលុបប្រឡាយដែលក្រុមហ៊ុនចំការចេកហ័ងអាញ់យ៉ាឡាយ បានកាយផ្តាច់ផ្លូវ។
ប្រជាពលរដ្ឋជាចាស់ទុំនៅកន្លែងកើតហេតុ បានឱ្យដឹងថា កំឡុងឆ្នាំ២០១៩ ក្រុមហ៊ុនចំការចេកហ័ងអាញ់យ៉ាឡាយ បានកាយផ្តាច់ផ្លូវមិនឱ្យពួកគាត់ដែលរស់នៅក្នុងភូមិនោះ ឆ្លងកាត់ទៅមកបាននោះទេ បង្កឱ្យក្លាយជាបញ្ហាលំបាកក្នុងការធ្វើដំណើរ។
បញ្ហាទាំងនោះ ពួកគាត់បានរួមគ្នាដាក់លិខិតបណ្តឹងចូលទៅមូលដ្ឋានភូមិ ឃុំ ស្រុក ឱ្យជួយអន្តរាគមន៍សម្រួលដោះស្រាយ តែរឿងរ៉ាវនេះ ត្រូវបានអូសបន្លាយជាយូរឆ្នាំមកហើយ នៅតែគ្មានដំណោះស្រាយសម្របសម្រួលដល់ពួកគាត់ឡើយ បានត្រឹមតែទន្ទឹងរង់ចាំតែប៉ុណ្ណោះ។
ប្រជាពលរដ្ឋនៅទីនោះលើកឡើងថា រឿងរ៉ាវទុក្ខលំបាករបស់ពួកគាត់ មិនត្រឹមតែគ្មានដំណោះស្រាយនោះទេ ផ្ទុយទៅវិញថ្មីៗនេះកំឡុងថ្ងៃទី១៤ ខែមីនា ឆ្នាំ២០២៣កន្លងទៅ ក្រុមហ៊ុនចំការចេកហ័ងអាញ់យ៉ាឡាយ ថែមទាំងដាក់បារ៉ាស់បិទ ហើយកាយប្រឡាយផ្តាច់ផ្លូវកន្លែងថ្មីបន្ថែមទៀត។
ដោយឱ្យប្រជាពលរដ្ឋរស់នៅក្នុងភូមិថ្មីចំនួន៣១២គ្រួសារនោះ ធ្វើដំណើរតាមខ្នងទំនប់ដែលក្រុមហ៊ុនទើបនឹងលើកថ្មីឱ្យខ្ពស់ ដើម្បីការពារទឹកជំនន់នៅរដូវទឹកឡើង។ ប្រជាពលរដ្ឋមិនអាចទទួលយកផ្លូវនោះបានឡើយ ពួកគាត់ថា ការធ្វើដំណើរតាមផ្លូវលើខ្នងទំនប់ អាចប្រឈមនឹងហានិភ័យគ្រោះថ្នាក់ខ្លាំងណាស់។ ម្យ៉ាងផ្លូវដែលក្រុមហ៊ុនចំការចេកហ័ងអាញ់យ៉ាឡាយ កាយផ្តាច់ដាក់បារ៉ាស់បិទមិនឱ្យពួកគាត់ឆ្លងកាត់នោះ គឺជាផ្លូវចាស់តាំងពីដើមរៀងមក ដែលដូនតាបន្សល់ទុកជាយូរមកហើយ។
ឯកឧត្តម ញ៉ែម សំអឿន អភិបាល នៃគណៈអភិបាលខេត្តរតនគិរី បានមានប្រសាសន៍ថា រឿងក្រុមហ៊ុននេះ បានកើតឡើងមិនក្រោម៣លើកនោះទេ ហើយកន្លងទៅ អាជ្ញាធរខេត្តរតនគិរី បានយកចិត្តទុកដាក់បង្កើតគណៈកម្មាការជួបប្រជុំដោះស្រាយប្រកបដោយការទទួលខុសត្រូវ ម្យ៉ាងក៏មានការព្រមព្រៀងគ្នាផងដែរ ដោយឱ្យភាគីក្រុមហ៊ុន ត្រូវអនុវត្តពីមុនយ៉ាងម៉េចបន្តរក្សាដូចដើមធម្មតា។ ប៉ុន្តែបញ្ហានេះ មូលហេតុអ្វីបានជាភាគីក្រុមហ៊ុននៅតែបង្កការស្មុគស្មាញដល់អាជ្ញាធរ ធ្វើអោយប្រជាពលរដ្ឋរងការលំបាកដដែល…?។
ឯកឧត្តម ក៏បានបញ្ជាក់ទៀតថា នៅថ្ងៃស្អែក រដ្ឋបាលខេត្តនឹងចេញ សជណ អនុវត្តលើវិធានការនេះផងដែរ។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព៕
ចែករំលែកព័តមាននេះ