ស្រវឹងស្រាបើករថយន្តពន្លះម៉ូតូរងរបួសធ្ងន់ពីរនាក់
រាជធានីភ្នំពេញ ៖ បុរសជនជាតិចិនមួយក្រុមចេញពីញ៉ាំការស្រវឹងស្រាជោកជាំ បើករថយន្តជ្រុលទៅបុកម៉ូតូមួយគ្រឿងពេញទំហឹង បណ្តាលឲ្យបុរសពីនាក់រងរបួសធ្ងន់
រាជធានីភ្នំពេញ ៖ បុរសជនជាតិចិនមួយក្រុមចេញពីញ៉ាំការស្រវឹងស្រាជោកជាំ បើករថយន្តជ្រុលទៅបុកម៉ូតូមួយគ្រឿងពេញទំហឹង បណ្តាលឲ្យបុរសពីនាក់រងរបួសធ្ងន់ ហេតុការណ៍នេះកើតឡើងកាលពីវេលាម៉ោង០៧និង៤០នាទីយប់ ថ្ងៃទី១០ ខែតុលា ឆ្នាំ២០១៧ ត្រង់ចំណុចក្នុងមជ្ឈមណ្ឌលម៉ុងឌីយ៉ាល់ មុខអាគារU ក្នុងសង្កាត់ផ្សារដើមគ ខណ្ឌទួលគោក ។
រថយន្តបង្កម៉ាកហាយឡែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ ២AO-០៧១៨ បើកបរដោយបុរសជនជាតិចិនមួយក្រុមមានគ្នាបួនទៅប្រាំនាក់ ។ ចំណែកឯម៉ូតូរងគ្រោះម៉ាកហុងដាឌ្រីម ស៊េរី០១៦ ពណ៌ខ្មៅ ពាក់ស្លាកលេខ ភ្នំពេញ ១FW-៤២០៦ បើកបរដោយបុរសពីរនាក់ ។
តាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញម៉ូតូរងគ្រោះបើកបរតាមបណ្តោយផ្លូវបេតុង ក្នុងទិលដៅពីជើងទៅត្បូង លុះដល់ចំណុចកើតហេតុស្រាប់រថយន្តបង្កទើបតែបើកចេញមកពីញ៉ាំការនៅអគារ U ដោយធ្វើដំណើរតាមបណ្តោយផ្លូវបេតុង ក្នុងទិសដៅពីកើតទៅលិច និងក្នុងល្បឿនយ៉ាងលឿនទៅបុកម៉ូតូចំពាក់កណ្តាលពេញទំហឹង បណ្តាលអ្នកបើកបរម៉ូតូទាំងពីរនាក់រងរបួសធ្ងន់ ឬឯម៉ូតូរងការខូចខាតបន្តិចបន្តួច ចំណែកឯរថយន្តរងការខូចខាតកំពឹតកាងផ្នែកខាងមុខបន្តិចបន្តួច ។
ក្រោយកើតហេតុ ជនរងគ្រោះត្រូវបានអ្នកស្គាល់គ្នា ដឹកតាមរ៉ឺម៉កយកទៅសង្គ្រោះនៅមន្ទីរពេទ្យ ដោយឡែកនៅកន្លែងកើតហេតុ ត្រូវបានសមត្ថកិច្ចមូលរដ្ឋានទំនាក់ទំនងទៅសមត្ថកិច្ចជំនាញឲ្យចុះមកធ្វើការវាស់វែងយកថយន្ត និងម៉ូតូទៅរក្សាទុកនៅអធិការដ្ឋាននគរបាលខណ្ឌទួលគោក រង់ចាំដោះស្រាយគ្នានៅពេលក្រោយ ៕
ចែករំលែកព័តមាននេះ