អេឡិច ចិន្ត្រា បានការគាំទ្រច្រើននៅបារាំង
រាជធានីភ្នំពេញ ៖ តារាចម្រៀងលោកអេឡិច ចិន្ត្រា បានចាកចេញទៅច្រៀងរាំនៅប្រទេសបារាំង ហើយ
រាជធានីភ្នំពេញ ៖ តារាចម្រៀងលោកអេឡិច ចិន្ត្រា បានចាកចេញទៅច្រៀងរាំនៅប្រទេសបារាំង ហើយ
រាជធានីភ្នំពេញ ៖ តារាចម្រៀងលោកអេឡិច ចិន្ត្រា បានចាកចេញទៅច្រៀងរាំនៅប្រទេសបារាំង ហើយទទួលបានការគាំទ្រពីជនរួមជាតិនៅទីនោះ ។ លោកអេឡិច ចិន្ត្រា កំពុងរួមសម្តែងជាមួយអ្នកនាងខាត់ សុឃីម និងស្វាមីព្រមទាំងកញ្ញាខាត់ សួស្តី ។
ឆ្លៀតពេលទំនេរពីការសម្តែងលោកអេឡិច ចិន្ត្រា ត្រូវជនរួមជាតិខ្មែរនៅបារាំងដែលស្រឡាញ់ពេញចិត្តនាំដើរលេងកម្សាន្ត ញ៉ាំងឱ្យលោកកក់ក្តៅក្នុងចិត្ត ។
លោកអេឡិច ចិន្ត្រា បង្ហាញភាពជោគជ័យចំពោះការសម្តែងនៅក្រៅប្រទេស ដោយទើបតែមកពីអូស្ត្រាលី ហើយបង្ហាញមុខតាមទូរទស្សន៍ក្នុងស្រុកបានមួយរយៈពេលខ្លីក៏ចេញទៅបារាំងជាមួយខាត់ សុឃីម ទៀត ។
លោកអេឡិច ចិន្ត្រា មានតួនាទីជាអ្នកចាត់ចែងកម្មវិធីក្រុមចម្រៀងសម្រាប់សម្តែងនៅក្នុងពិធីជប់លៀង ខួបកំណើត និងមង្គលការដោយឆ្នាំនេះលោកមមាញឹកខ្លាំង ។
លោកអេឡិច ចិន្ត្រា និយាយថា«ខ្ញុំមានអារម្មណ៍រីករាយដោយបានឃើញថាមានអ្នកស្រឡាញ់ពេញចិត្តគាំទ្រក្រុមរបស់ខ្ញុំមានដូចជាអ្នកនាងខាត់ សុឃីម និងស្វាមី កញ្ញាខាត់ សួស្តី ជាប្អូនព្រោះពួកគាត់មានជំនាញខ្លាំងក្នុងសិល្បៈពិតជាមិនធ្វើឱ្យពុកម៉ែបងប្អូននៅបារាំងខកចិត្តទេពោលបានសើចសប្បាយតែម្តងជាមួយភាពកំប្លុងកំប្លែងរបស់ខាត់ សុឃីម ។ យ៉ាងណាពួកយើងនឹងត្រឡប់ទៅកម្ពុជាវិញតាមគម្រោងព្រោះមានភារកិច្ចច្រើនទៀតដែលរង់ចាំ ពិសេសមមាញឹកនឹងរដូវការតែម្តងដែលមកដល់សាជាថ្មី»៕
ចែករំលែកព័តមាននេះ