ក្មួយប្រុសកសាងជីវិតជាតារាដូចអ្នកនាង អ៊ុំ សុវណ្ណនី
រាជធានីភ្នំពេញ ៖ លោកអ៊ុំ សុវណ្ណគិរី មានចំណូលចិត្តខាងចម្រៀង តែចាប់អាជីពសម្តែងភាពយន្តវិញ ។
រាជធានីភ្នំពេញ ៖ លោកអ៊ុំ សុវណ្ណគិរី មានចំណូលចិត្តខាងចម្រៀង តែចាប់អាជីពសម្តែងភាពយន្តវិញ ។
តារាសម្ដែងលោកអ៊ុំ សុវណ្ណគិរី ជាក្មួយប្រុសរបស់អតីតតារាសម្ដែងអ្នកនាងអ៊ុំ សុវណ្ណនី ។ លោកបានចូលរួមសម្ដែងច្រើនមកហើយ ប៉ុន្តែការខិតខំប្រឹងប្រែងបញ្ចេញទេពកោសល្យ ហាក់មិនទាន់មានវិសាលភាពទូលំទូលាយ ពោលគឺហាក់មិនសូវមានអ្នកស្គាល់លោកទេ ។ តារាសម្ដែងលោកអ៊ុំ សុវណ្ណគិរី ត្រូវទស្សនិកជនដឹងថា គឺជាតារាប្រុសមួយដួង មានទេពកោសល្យល្អ មានជំនាញក្នុងការដើរតួគ្រប់ប្រភេទ និងមានរូបសម្រស់ស្រស់សង្ហា ។ លោកមានប្រជាប្រិយភាព ក្នុងក្រសែភ្នែកយុវវ័យ និងផលិតករ ជាពិសេសអ្នកតាមដានរឿងភាគខ្មែរ ដោយសារតែមានរឿងជាច្រើនដែលលោកបានចូលរួមសម្ដែង និងទទួលបានការគាំទ្រគួរសមពីទស្សនិកជន ។ ភាពយន្តដែលអ៊ុំ សុវណ្ណគិរី បានសម្ដែងមានដូចជារឿង «ក្រមុំបេះដូងដែកប៉ះអង្គរក្សចិត្តខ្លាំង» , រឿង«កូនប្រសាឡឺកឺ», រឿង«គ្រាប់បាល់អង្រួនបេះដូង» , រឿង «ចម្ការលាក់ស្នេហ៍» បញ្ចាំងនៅស្ថានីយទូរទស្សន៍អាស៊ីអាគ្នេយ៍ និងរឿងដុំផ្សេងទៀត របស់ផលិតកម្ម LD តែមិនទាន់ចេញថត ។ ក្រៅពីនេះមានរឿងខ្លីថតឲ្យPepsi និងខារ៉ាអូខេឲ្យផលិតកម្មមួយចំនួនទៀត ។
លោកអ៊ុំ សុវណ្ណគិរី ជាក្មួយរបស់អ្នកនាងអ៊ុំ សុវណ្ណនី តែលោកចាប់អាជីពសិល្បៈដោយមិនមានការជ្រោមជ្រែងពីម្តាយមីងរបស់លោកទេ។ ពេលលោកលេចមុខក្នុងសិល្បៈភាពយន្តទើបម្តាយមីងភ្ញាក់ផ្អើល និងសរសើរលោក ៕
ចែករំលែកព័តមាននេះ