ស្រីស្អាតរូបស្រស់ម្នាក់គិតតែយំឱបស្រែកឱ្យជួយ ក្រោយបុកអូសជិត១គីឡូម៉ែត្រ
រាជធានីភ្នំពេញ ៖ កាលពីវេលាម៉ោង៤នឹង១៥នាទីទៀបភ្លឺ ថ្ងៃទី៥ ខែតុលា ឆ្នាំ២០១៧ ស្ត្រីវ័យក្មេងស្រស់ស្អាតម្នាក់
រាជធានីភ្នំពេញ ៖ កាលពីវេលាម៉ោង៤នឹង១៥នាទីទៀបភ្លឺ ថ្ងៃទី៥ ខែតុលា ឆ្នាំ២០១៧ ស្ត្រីវ័យក្មេងស្រស់ស្អាតម្នាក់
រាជធានីភ្នំពេញ ៖ កាលពីវេលាម៉ោង៤នឹង១៥នាទីទៀបភ្លឺ ថ្ងៃទី៥ ខែតុលា ឆ្នាំ២០១៧ ស្ត្រីវ័យក្មេងស្រស់ស្អាតម្នាក់សង្ស័យស្រវឹងស្រាបើករថយន្តមួយគ្រឿងបោះពួយយ៉ាងលឿនក៏ជ្រុលទៅបុកម៉ូតូវ៉េវមួយគ្រឿងទៀតចំពីក្រោយពេញទំហឹងបណ្តាលឱ្យម៉ូតូកៀបជាប់ក្រោមរថយន្តតាំងពីមុខស្ថានីយ៍ប្រេងឥន្ធនៈតូតាល់តាមបណ្តោយផ្លូវ២៨១ ស្ថិតក្នុងសង្កាត់បឹងសាឡាង ខណ្ឌទួលគោក ហើយរថយន្តបង្កមិនបានឈប់ចុះមកធ្វើការដោះស្រាយនោះទេគឺព្យាយាមបើករត់គេចខ្លួនទាំងកៀបជាប់ម៉ូតូក្រោយរថយន្តរហូតទៅដល់មុខហាងនំបុ័ងបាយ័នទើបរថយន្តបើកទៅមុខលែងរួចក៏ត្រូវបានប្រជាពលរដ្ឋស្ទាកចាប់តែម្តង ។
រថយន្តបង្ក ពណ៌ស ពាក់ស្លាកលេខ ភ្នំពេញ ២AG-២៩៩១ ដែលបើកបរដោយស្ត្រីវ័យក្មេងម្នាក់អាយុជាង២០ឆ្នាំ ចំណែកឯម៉ូតូរងគ្រោះម៉ាកហុងដាវ៉េវ ពណ៌ស ពាក់ស្លាកលេខ ភ្នំពេញ ១BT-៧៨៣៥ បើកបរដោយបុរសម្នាក់មានឈ្មោះ ប៉ាល ចយ អាយុ៦០ឆ្នាំ ជាអ្នករត់ម៉ូតូឌុប រស់នៅសង្កាត់ស្ទឹងមានជ័យ ខណ្ឌមានជ័យ។
តាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញម៉ូតូរងគ្រោះទើបតែដឹកបន្លែចេញមកពីផ្សារដើមគហើយបំណងដឹកយកទៅឲ្យម៉ូយនៅម្តុំផ្សារសលាក្បែរកន្លែងកើតហេតុ ដោយធ្វើដំណើរតាមបណ្តោយផ្លូវ២៧១ ក្នុងទិសដៅពីត្បូងទៅជើង លុះមកដល់ចំណុចកើតហេតុស្រាប់តែមានរថយន្តបង្កបើកមកពីក្រោយក្នុងល្បឿនយ៉ាងលឿនដូចហោះក៏បានជ្រុលចង្កូតទៅបុកម៉ូតូរងគ្រោះពីក្រោយពេញទំហឹងបណ្តាលឱ្យម៉ូតូកៀបជាប់ក្រោយរថយន្ត រីឯបុរសដែលជាអ្នកបើកម៉ូតូរងរបួសបាក់ដងកាំបិតខាងស្តាំ និងបែកក្បាល ភ្លាមៗនោះអ្នកបើករថយន្តបង្កមិនបានឈប់ចុះមកធ្វើការដោះស្រាយគ្នានោះទេគឺបានព្យាយាមបើករត់គេចទាំងកៀបម៉ូតូជាប់នៅពីក្រោមរថយន្តអូសរហូតប្រមាណ១គីឡូម៉ែត្រ ទើបរថយន្តបង្កបើកទៅមុខលែងរួចក៏ត្រូវប្រជាពលរដ្ឋឃើញហេតុការណ៍បានធ្វើការស្ទាក់ឃាត់រថយន្តបានហើយទាក់ទងទៅសមត្ថកិច្ចឱ្យចុះមកធ្វើការអន្តរាគមន៍ ។
បន្ទាប់ពីកើតហេតុភ្លាមៗមានស្ត្រីម្នាក់ស្លៀកពាក់មនុស្សប្រុសចុះទៅជួយអន្តរាគមន៍បានចុះទៅឈរជិតរថយន្តហើយស្ត្រីជាអ្នកបើករថយន្តបង្កភ័យពេកគិតតែពីស្រែកយំឱបស្ត្រីនោះឲ្យជួយផង ។ ក្រោយពេលកើតហេតុបុរសរងគ្រោះត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅឯគ្លីនិកឯកជនដោយឡែកម៉ូតូ និងរថយន្តរួមទាំងនាក់បើកបរត្រូវបានសមត្ថកិច្ចជំនាញធ្វើការវាស់វែងយកទៅរក្សាទុកនៅអធិការដ្ឋាននគរបាលខណ្ឌទួលគោកដើម្បីរងចាំធ្វើការដោះស្រាយគ្នានៅពេលក្រោយ ៕
ចែករំលែកព័តមាននេះ