ADផ្ទាំងផ្សព្វផ្សាយពាណិជ្ជកម្ម

Picture

អាច.ម៍​ផ្កាយ​​ហោះ​កៀក​ផែន​ដី​នា​ចុង​សប្ដាហ៍នេះ, ប៉ុន្តែមិន​បង្ក​គ្រោះថ្នាក់​​

11 ខែ មុន

អង្គ​កា​រណា​ហ្សា៖ អាច.ម៍​ផ្កាយ​មួយ​នឹង​ហោះ​មក​កៀក​ភព​ផែន​ដី​នា​ពេល​ដ៏​ខ្លី​ខាង​មុខ ហើយ​អាច​មើល​ឃើញ​តាម​រយៈ​កែវ​យឹត​។ អាចម៍​ផ្កាយ​នេះ​មាន​ទំហំ​មិន​ធំ​ពេក​ទេ។ ប៉ុន្តែ​បើ​ប៉ះ​ចំ​ផែន​ដី វា​អាច​កម្ទេច​ទីក្រុង​មួយ​ទាំង​មូល​ឱ្យ​វិនាស​សាប​សូន្យ​បាន។ វា​នឹង​ហោះ​មក​កៀក​នឹង​ទីតាំង​មួយ​ស្ថិត​នៅ​ចន្លោះ​ផែន​ដី និង​ព្រះ​ចន្ទ (ព្រះ​ចន្ទ និង​ផែន​ដី​ឃ្លាត​គ្នា​ប្រហែល​ជាង​៣​សែន​គីឡូ​ម៉ែត្រ)។…

អង្គ​កា​រណា​ហ្សា៖ អាច.ម៍​ផ្កាយ​មួយ​នឹង​ហោះ​មក​កៀក​ភព​ផែន​ដី​នា​ពេល​ដ៏​ខ្លី​ខាង​មុខ ហើយ​អាច​មើល​ឃើញ​តាម​រយៈ​កែវ​យឹត​។ អាចម៍​ផ្កាយ​នេះ​មាន​ទំហំ​មិន​ធំ​ពេក​ទេ។ ប៉ុន្តែ​បើ​ប៉ះ​ចំ​ផែន​ដី វា​អាច​កម្ទេច​ទីក្រុង​មួយ​ទាំង​មូល​ឱ្យ​វិនាស​សាប​សូន្យ​បាន។ វា​នឹង​ហោះ​មក​កៀក​នឹង​ទីតាំង​មួយ​ស្ថិត​នៅ​ចន្លោះ​ផែន​ដី និង​ព្រះ​ចន្ទ (ព្រះ​ចន្ទ និង​ផែន​ដី​ឃ្លាត​គ្នា​ប្រហែល​ជាង​៣​សែន​គីឡូ​ម៉ែត្រ)។

បាតុភូត​ធម្ម​ជាតិ​នេះ​នឹង​កើត​ឡើង​នា​ចុង​សប្ដាហ៍​នេះ​តែម្ដង។ អ្វី​ដែល​យើង​ចាត់​ទុក​ថា​ជា​ភ័ព្វ​សំណាង​សម្រាប់​មនុស្ស​ជាតិ​នៅ​លើ​ភព​ផែន​ដី​នេះ​គឺ​អាចម៍​ផ្កាយ​នេះ​នឹង​មិន​ហោះ​មក​កៀក​នឹង​ផែន​ដី​ពេក​ទេ។ វា​គ្រាន់​តែ​ហោះ​ជ្រួស​គ្នា​នឹង​ផែន​ដី ប្រៀប​ដូច​ជា​ការ​មើល​គ្នា​ទៅ​វិញ​ទៅ​មក​រវាង​ផែនដី និង​អាចម៍​ផ្កាយ​។ អាចម៍​ផ្កាយ​ដែល​អ្នក​វិទ្យា​សាស្ត្រ​ដាក់​ឈ្មោះ​ថា​ពីរ​ពាន់​ម្ភៃ​បី ឌី​ហ្សិត​ធូ (2023 DZ2) ត្រូវ​គេ​រក​ឃើញ​វត្ត​មាន​របស់​វា​តាំងពី​មួយ​ខែ​មុន​មក​ម៉្លេះ។

នៅ​ថ្ងៃ​សៅរ៍​នេះ, អាចម៍​ផ្កាយ​នឹង​ហោះ​ទៅ​កៀក​នឹង​ព្រះ​ចន្ទ​មុន​ផែន​ដី ដោយ​ស្ថិត​នៅ​ចម្ងាយ​៥,១៥​សែន​គីឡូ​ម៉ែត្រ​ពី​ព្រះ​ចន្ទ។ ប៉ុន្មាន​ម៉ោង​ក្រោយ​មក, វា​នឹង​រំកិល​ខ្លួន​មក​រក​ផែន​ដី​វិញ​ម្ដង។ វា​ជា​បាតុ​ភូត​ដ៏​កម្រ​ដែល​អាចម៍​ផ្កាយ​ទំហំ​អង្កត់​ផ្ចិត​ចន្លោះ​ពី៤០-៩០​ម៉ែត្រ​ហោះ​មក​កៀក​នឹង​ផែន​ដី​ដល់​ថ្នាក់​នេះ។ បើ​យោង​តាម​អង្គ​ការ​ណាហ្សា (NASA) នេះ​ជា​ឱកាស​ដ៏​ល្អ​កម្រ​រក​បាន​សម្រាប់​អ្នក​អវកាស​វិទ្យា​សិក្សា​ស្វែង​យល់​កាន់​តែ​ទូលំ​ទូលាយ​ថែម​ទៀត​អំពី​អាចម៍​ផ្កាយ។

ពួក​គេ​គួរ​តែ​ឆ្លៀត​ឱកាស​សិក្សា​លម្អិត​ទៅ​លើ​វត្ថុ​នៅ​ក្នុង​ទី​អវកាស​ដែល​អាច​នឹង​ហោះ​មក​ប៉ះ​ផែន​ដី ទោះ​បី​ជា​លទ្ធ​ភាព​ដែល​អាច​កើត​មាន​វា​មាន​កម្រិត​តិច​តួច​ជា​ទី​បំផុត​យ៉ាង​ណា​ក្ដី។ អាចម៍​ផ្កាយ​ពិឃាត​នេះ​គ្មាន​ឱកាស​នឹង​មក​ប៉ះ​ផែន​ដី​យើង​ទេ។ ប៉ុន្តែ​នៅ​ពេល​អាចម៍​ផ្កាយ​នេះ​ហោះ​កាន់​តែ​កៀក​នឹង​ផែន​ដី, វា​ជា​ឱកាស​ដ៏​ល្អ​មួយ​សម្រាប់​ក្រុម​អ្នក​សង្កេត​អវកាស។ ខាង​លើ​នេះ​ជា​ការ​ថ្លែង​របស់​លោក​រីឆាដ ម៉យ​សល ជា​ប្រធាន​ក្រុម​ការពារ​អវកាស​របស់​អឺរ៉ុប។

ដោយ​សារ​អាចម៍​ផ្កាយ​នេះ​គ្រាន់​តែ​ធ្វើ​ដំណើរ​ឆ្លង​កាត់ និង​ស្ថិត​នៅ​ចម្ងាយ​៦,៨​ម៉ឺន​គីឡូ​ម៉ែត្រ​ពី​ផែន​ដី, គេ​អាច​ប្រើ​កែវយឹត ឬ​តេឡេស្កុប​ចាប់​ពី​ខ្នាត​តូច​ឡើង​ទៅ​ក៏​អាច​មើល​ឃើញ​អាចម៍​ផ្កាយ​នេះ​បាន​ដែរ។ ក្រៅពី​នោះ, មនុស្ស​ទូ​ទាំង​ពិភព​លោក​ក៏​អាច​មើល​តាម​អ៊ីន​ធឺ​ណិត​ផ្សាយ​បន្ត​ផ្ទាល់​ពី The Virtual Telescope Project។ គេ​ព្យាករ​ថា​អាចម៍​ផ្កាយ​នេះ​នឹង​ធ្វើ​ដំណើរ​មក​កៀក​ផែន​ដី​ម្ដង​ទៀត​នា​ឆ្នាំ២០២៦។ ប៉ុន្តែ​មិន​ខុស​ពី​ពេល​នេះ​ទេ, អាចម៍​ផ្កាយ​នេះ​នៅ​តែ​មិន​អាច​បង្ក​ការ​គំរាម​កំហែង​ចំពោះ​ភព​ផែន​ដី​ទេ៕

ប្រភព៖ BBC

អត្ថបទសរសេរ ដោយ

កែសម្រួលដោយ