ADផ្ទាំងផ្សព្វផ្សាយពាណិជ្ជកម្ម

Picture

ថ្ងៃនេះ​ យ៉ាងម៉េច​ដែរ​កូន ?

1 ឆ្នាំ មុន
  • ភ្នំពេញ

រាជធានី​ភ្នំពេញ ៖ ក្រោយ​ពី​កូន​ៗ​ត្រឡប់​មក​ពី​សាលារៀន​វិញ ឪពុក​ម្តាយ​គួរ​សួរ​ពួក​គេ​ថា តើ​ថ្ងៃ​របស់​ពួក​គេ​កន្លង​ទៅ​ដោយ​របៀប​ណា ? ហើយ​អ្វី​ដែល​ពួក​គេ​អាច​និយាយ​គឺ «​មិនសូវ​ល្អ​» «​មិន​អី​ទេ​» ឬ…

រាជធានី​ភ្នំពេញ ៖ ក្រោយ​ពី​កូន​ៗ​ត្រឡប់​មក​ពី​សាលារៀន​វិញ ឪពុក​ម្តាយ​គួរ​សួរ​ពួក​គេ​ថា តើ​ថ្ងៃ​របស់​ពួក​គេ​កន្លង​ទៅ​ដោយ​របៀប​ណា ? ហើយ​អ្វី​ដែល​ពួក​គេ​អាច​និយាយ​គឺ «​មិនសូវ​ល្អ​» «​មិន​អី​ទេ​» ឬ «​ល្អ​» ។ តើ​ឪពុក​ម្តាយ​ត្រូវធ្វើ​ដូច​ម្តេច ? តើ​ឪពុក​ម្តាយ​អាច​លើកទឹកចិត្ត និង​បង្កើន​ទំនាក់ទំនង​កាន់តែ​ច្រើន​ជាមួយ​កូន​ដែល​យើង​យកចិត្តទុកដាក់​បាន​យ៉ាងដូចម្ដេច ?

ប្រសិនបើ​អ្នកជា​ឪពុក​ម្តាយ វា​ជា​រឿង​សំខាន់​ក្នុង​ការ​សម្របសម្រួល ដើម្បី​កុំឱ្យ​កូន​របស់​អ្នក​រអ៊ូរទាំ ខកចិត្ត ឬ​មាន​អារម្មណ៍​ថា គាត់​ត្រូវ​បាន​អ្នក​សួរ​រឿង​ដដែល​ៗ​ម្តង​ហើយ​ម្តងទៀត​ជា​រៀងរាល់ថ្ងៃ ។ ឥឡូវនេះ មិន​មាន​វិធី​ដែល​អាច​បញ្ឆោត​កូន​ឱ្យ​និយាយ​ជាមួយ​អ្នក​បាន​នោះ​ទេ ប៉ុន្តែ​មាន​យុទ្ធសាស្ត្រ​មួយ​ចំនួន​ដែល​អ្នក​អាច​ប្រើ​ដើម្បី​ធ្វើ​ឱ្យ​ការ​សន្ទនា​បន្ទាប់​ពី​ថ្នាក់រៀន​របស់​ពួក​គេ​មាន​ភាព​រីករាយ និង​មិន​មាន​អារម្មណ៍​ថា ពួក​គេ​ដូច​ត្រូវ​បាន​អ្នក​សួរ​ចម្លើយ ។

១. សាកល្បង​សួរ​សំណួរ​បើកចំហ​ជាក់លាក់ ៖ នៅ​ពេល​អ្នក​សួរ​កូន​ថា ថ្ងៃនេះ​យ៉ាងម៉េច​ដែរ​កូន ? វា​អាច​មាន​ភាព​ស្រពិចស្រពិល​សម្រាប់​ខួរក្បាល​របស់​ពួក​គេ​ក្នុង​ដំណើរការ ហើយ​ព័ត៌មាន​នោះ​ហួសប្រមាណ​អាច​នាំ​ឱ្យ​មានការ​ឆ្លើយ​តប​មួយ​ឃ្លា​ដ៏​គួរ​ឱ្យ​ភ័យ​ខ្លាច ។ កុមារ​តូច​ៗ​ជា​ច្រើន​ត្រូវការ​សំណួរ​ជាក់លាក់ ដើម្បី​ជំរុញ​ពួក​គេ​ឱ្យ​ចង​ចាំ​ព័ត៌មាន​លម្អិត​អំពី​ថ្ងៃ​របស់​ពួក​គេ ។ សួរ​សំណួរ​ដូច​ជា «​ថ្ងៃនេះ កូន​សប្បាយចិត្ត​ជាងគេ​ទៅ​លើ​រឿង​អ្វី​ដែរ ? ចុះ​អ្វី​ជា​រឿង​អាក្រក់​បំផុត ដែល​បាន​កើតឡើង​ចំពោះ​កូន​នៅ​ថ្ងៃនេះ ?​» ។

ពួក​គេ​នឹង​មានឱកាស​ពង្រឹង​ការ​ចង​ចាំ និង​ជំនាញ​និទានរឿង​របស់​ពួក​គេ ហើយ​អ្នក​នឹង​មាន​អារម្មណ៍​ថា អ្នកដឹង​ពី​អ្វី​ដែល​កំពុង​កើតឡើង​នៅ​ក្នុង​ពិភពលោក​របស់​ពួក​គេ ។
អ្នក​ប្រហែលជា​ចង់​ស្គាល់​ខ្លួនឯង​ជាមួយនឹង​កាលវិភាគ​ប្រចាំ​ថ្ងៃ​របស់​កូន​អ្នក ដើម្បី​សម្រួល​សំណួរ​របស់​អ្នក​ទៅ​នឹង​អ្វី​ដែល​អ្នកដឹង​ថា គេ​ធ្វើ​នៅ​ថ្ងៃ​នោះ (​បណ្ណាល័យ កន្លែង​ហាត់ប្រាណ ម៉ោង​សិល្បៈ ។​ល​។​) ។ វា​ក៏​ល្អ​ផង​ដែរ​ក្នុង​ការ​តាមដាន​នូវ​អ្វី​ដែល​ពួក​គេ​កំពុង​រៀន ។ តាម​រយៈ​ការ​សួរ​សំណួរ​អំពី​មុខ​វិជ្ជា​ដែល​អ្នកដឹង​ថា គ្រូ​របស់​ពួក​គេ​កំពុង​ផ្តោត​នៅ​ក្នុង​ថ្នាក់ អ្នក​អាច​ជួយ​ពួក​គេ​ឱ្យធ្វើ​កិច្ចការ​ដែល​ពួក​គេ​បាន​រៀន​ដើម្បី​ចង​ចាំ ។

២. ចែករំលែក​ព័ត៌មាន​លម្អិត​អំពី​ថ្ងៃ​របស់​អ្នក ៖ ប្រសិនបើ​កូន​របស់​អ្នក​ហាក់ដូចជា​ស្ទាក់ស្ទើរ​ក្នុង​ការ​និយាយ វា​អាច​ជួយ​ធ្វើ​គំរូ​អ្វី​ដែល​អ្នក​ចង់បាន​ពី​ពួក​គេ ដោយ​ប្រាប់​ពួក​គេ​ពី​របៀប​ដែល​ថ្ងៃ​របស់​អ្នក​បាន​កន្លង​ផុត​ទៅ ។ នេះ​គឺជា​មធ្យោបាយ​ដ៏​មាន​ប្រសិទ្ធភាព​មួយ​ក្នុង​ការ​បង្រៀន​កុមារ​ឱ្យ​ចេះ​ស្តាប់ និង​ប្រាស្រ័យ​ទាក់ទង​ប្រកបដោយ​ការ​យល់ចិត្ត​ជាមួយ​អ្នក​ដទៃ ។ វា​ក៏​ផ្តល់​ឱ្យ​អ្នក​នូវ​ឱកាស​ដើម្បី​ចែករំលែក​ចំណាប់អារម្មណ៍​របស់​អ្នក​ជាមួយ​កូន​របស់​អ្នក ។ កន្លែង​ដ៏​ល្អ​ដើម្បី​ធ្វើ គឺ​នៅ​តុ​អាហារ​ពេល​ល្ងាច ។ ប្រសិនបើ​អ្នក​ធ្វើ​អាហារ​ពេល​ល្ងាច​ជា​លក្ខណៈ​គ្រួសារ​ជា​កន្លែង​សុវត្ថិភាព​សម្រាប់​ក្មេង​ក្នុង​ការ​និយាយ​អំពី​ជីវិត​របស់​ពួក​គេ វា​ជួយ​ជំរុញ​អារម្មណ៍​នៃ​ភាព​ស្និទ្ធស្នាល​នៅ​ក្នុង​គ្រួសារ ហើយ​អាច​បង្ហាញ​កុមារ​ពី​របៀប​បើក​ចិត្ត​ឱ្យ​ទូលាយ និង​ប្រាស្រ័យ​ទាក់ទង​ជា​វិជ្ជមាន​ជាមួយ​មិត្តភក្តិ ក៏​ដូច​ជា​សមាជិកគ្រួសារ​ផង​ដែរ ។

អ្វី​ដែល​ល្អ​បំផុត​ដែល​អ្នក​អាច​ធ្វើ​បាន គឺ​ស្តាប់ ។ ជា​រឿយ​ៗ ក្មេង​ៗ​ត្រូវការ​ពេលទំនេរ​បន្ទាប់​ពី​ថ្ងៃ​សិក្សា​ចប់ ។ ត្រូវ​ប្រាកដ​ថា ត្រូវ​យកចិត្តទុកដាក់​ចំពោះ​សញ្ញា​ដែល​អ្នក​ទទួល​បាន​ពី​កូន​របស់​អ្នក ហើយ​មាន​វត្តមាន​ពេញលេញ​ដើម្បី​ស្តាប់​នៅ​ពេល​ណា​ដែល​គាត់​ចង់​និយាយ ។ នេះ​ជា​ដំបូន្មាន​ងាយស្រួល​ក្នុង​ការ​ផ្តល់​ឱ្យ ប៉ុន្តែ​ជា​ញឹកញាប់​វា​ជា​ការ​លំបាក​ក្នុង​ការ​អនុវត្ត ។ ក្មេង​ៗ​ហាក់ដូចជា​ចង់​និយាយ​គ្រប់ពេល​ដែល​យើង​មានរឿង​រាប់​លាន​កើតឡើង ។ យ៉ាងណា​ក៏​ដោយ ពិតជា​មិន​មានការ​ជំនួស​ការ​យកចិត្តទុកដាក់​ពី​មាតាបិតា​ឡើយ ។ យើង​ស្តាប់​កាន់តែ​ច្រើន ពួក​គេ​នឹង​និយាយ​កាន់តែ​ច្រើន ៕

អត្ថបទ​នេះ​ផលិត​ឡើង​ក្រោម​កិច្ច​សហប្រតិបត្តិការ​ជាមួយ​សាលារៀន​សហគមន៍ ២១ ។ វគ្គ​សិក្សា​ថ្មី​ចូល​រៀន​ថ្ងៃ​ទី ៣ ខែមេសា ឆ្នាំ ២០២៣ ។ សាលារៀន​ផ្តល់​ជូន​ការ​ការពារ​លើ ការ​សិក្សា​រហូត​ដល់ ៥ ឆ្នាំ វគ្គ​សិក្សា​កុំព្យូទ័រ​ដោយ​ឥត​គិតថ្លៃ និង​ការ​បញ្ចុះតម្លៃ​រហូត​ដល់ ១៥% សម្រាប់​ការ​ចុះ​ឈ្មោះ​ត្រឹម​ថ្ងៃ​ទី ៣ ខែមេសា ឆ្នាំ ២០២៣ ។

សាលារៀន​សហគមន៍ ២១ ជា​បណ្តាញ​ស្ថាប័ន​អប់រំ​របស់​ក្រុមហ៊ុន វេស​ឡាញ អេ​ឌ្យូ​ខេ​សិន គ្រុប ។ សាលារៀន​ផ្តល់​សេវាកម្ម​អប់រំ​កម្មវិធី​ម​ត្តេ​យ្យ​ភាសា​ខ្មែរ និង​អង់គ្លេស កម្មវិធី​ភាសា អង់គ្លេស​ទូទៅ កម្មវិធី​ចំណេះ​ទូទៅ​ខ្មែរ និង​កម្មវិធី​បណ្តុះបណ្តាល​ជំនាញ​វិជ្ជាជីវៈ​សម្រាប់សិស្ស​វិទ្យាល័យ ។ សាលារៀន​មាន ៣ ទីតាំង គឺ ១. សាខា​ក្រាំងធ្នង់​, ២. សាខា​ព្រែក​អញ្ចាញ​, ៣. សាខា​ផ្សារ​គគីរ ។ សម្រាប់​ព័ត៌មាន​បន្ថែម សូម​ទំនាក់ទំនង ៖ 011 888 562 / 071 95 55 865 ៕