លោកម៉ាដូណា បានល្បីកក្រើកទៀតហើយ
រាជធានីភ្នំពេញ ៖ ជម្លោះបែកផ្កាភ្លើង បន្ទាប់ពីលោកម៉ាដូណា និងតារាដែលរួមដំណើរ សង្ស័យពីការលួចថតនោះ
រាជធានីភ្នំពេញ ៖ ជម្លោះបែកផ្កាភ្លើង បន្ទាប់ពីលោកម៉ាដូណា និងតារាដែលរួមដំណើរ សង្ស័យពីការលួចថតនោះ ហើយបានទាមទារសុំឱ្យលុបវីដេអូ ក្រោយមកក៏ក្លាយជាការប្រទាញប្រទង់ បណ្ដាលធ្លាក់ទូរស័ព្ទអ្នកថតធ្លាក់បែក ហើយមានការតិះដៀលដាក់គ្នាយ៉ាងចាស់ដៃ ។
លោកម៉ាដូណា តារាសម្តែង Show កំប្លែង ជាលក្ខណៈភេទទី៣ បានឈ្លោះតឹងសរសៃដាក់គ្នា ជាមួយយុវជនម្នាក់ បន្ទាប់ពីបានលួចថតសកម្មភាពលោក និងតារាសិល្បៈប្រុសស្រី៣នាក់ទៀត គប់ចោលសំរាមនៅទីរមណីយដ្ឋានទឹកធ្លាក់មួយកន្លែង ។
តាមរយៈវីដេអូ ដែលត្រូវបានម្ចាស់គណនីហ្វេសប៊ុកឈ្មោះភ័ណ សុខរ៉ា បង្ហោះកាលពីយប់មិញនេះ គឺបានបង្ហាញពីសកម្មភាព លោកម៉ាដូណា និងតារាស្រីម្នាក់ បានយកសំបកដប គប់ទៅលើតារាប្រុសម្នាក់ទៀត ដែលកំពុងឈរនិយាយទូរស័ព្ទ នៅក្បែរកន្លែងទឹកហូរ ធ្វើឲ្យសំបកដបខ្ទាតចូលក្នុងទឹក ។
ក្រោយមក ដោយដឹងថា មានគេលួចថត លោកម៉ាដូណា និងមិត្តភក្តិ បានសុំសកម្មភាពដែលបានស្ដែងឡើងនៅក្នុងវីដេអូនោះ មានទាំងអ្នករិះគន់ និងគាំទ្រភាគីម្ខាងៗ យ៉ាងណាមិញ អត្តចរិតរបស់លោកម៉ាដូណា ហាក់ទទួលនូវការរិះគន់ពីអ្នកលេងហ្វេសប៊ុកច្រើនជាង ដោយលោកត្រូវគេចោទថា ឆេវឆាវ និងខ្វះដំណោះស្រាយ។
ចែករំលែកព័តមាននេះ