កូរ៉េខាងត្បូង និងអាមេរិកត្រៀមធ្វើសមយុទ្ធធំ ខណៈកូរ៉េខាងជើងបា.ញ់មីស៊ីល
ប្រទេសកូរ៉េទាំង២ ៖ ទីភ្នាក់ងារព័ត៌មានYONHAP កាលពីថ្ងៃទី២២ មីនា បានដកស្រង់ប្រភពយោធា
ប្រទេសកូរ៉េទាំង២ ៖ ទីភ្នាក់ងារព័ត៌មានYONHAP កាលពីថ្ងៃទី២២ មីនា បានដកស្រង់ប្រភពយោធា
ប្រទេសកូរ៉េទាំង២ ៖ ទីភ្នាក់ងារព័ត៌មានYONHAP កាលពីថ្ងៃទី២២ មីនា បានដកស្រង់ប្រភពយោធាកូរ៉េខាងត្បូងដែលនិយាយថា កូរ៉េខាងត្បូងនិងសហរដ្ឋអាមេរិក គ្រោងធ្វើសមយុទ្ធយោធារួមដ៏ធំបា.ញ់គ្រាប់ពិតពុំធ្លាប់មានពីមុនមក នាខែមិថុនាខាងមុខនេះ ក្នុងក្របខណ្ឌនៃកម្មវិធីសំដៅប្រារព្ធ ខួបលើកទី៧០នៃសម្ព័ន្ធភាពរវាងប្រទេសទាំង២។
ក្រសួងការពារប្រទេសកូរ៉េខាងត្បូងលាត ត្រដាងកម្មវិធីនោះថា សំដៅពង្រឹងសាមគ្គីភាពរបស់សម្ព័ន្ធមិត្ត បង្ហាញពីការរីកចម្រើនខាងបច្ចេកវិទ្យារបស់កងទ័ពប្រទេសទាំង២ និងបង្ហាញពីការប្ដេជ្ញាចិត្តធ្វើឲ្យសម្រេចសនិ្តភាពតាមរយៈកម្លាំង។ ប្រទេសទាំង២បានរៀបចំកម្មវិធីនេះដោយថា ជាការខិតខំប្រឹងប្រែងរួម សំដៅពង្រឹងកម្លាំងគួរឲ្យជឿជាក់នានា ប្រឆាំងការបន្តបង្កហេតុរបស់ក្រុងព្យុងយ៉ាង ដែលក្នុងនោះមានការបា.ញ់មីស៊ីលបាលីស្ទិករំលងទ្វីបកាលពីសប្ដាហ៍មុន។
មន្ត្រីក្រសួងការពារប្រទេសកូរ៉េខាងត្បូងមួយរូបដែលមិនបញ្ចេញឈ្មោះនិយាយថា យើងគ្រោងរៀបចំព្រឹត្តិការណ៍ ដែលក្នុងព្រឹត្តិការណ៍ទាំងនេះ កងទ័ពកូរ៉េខាងត្បូងនិងអាមេរិក អាចបង្ហាញសហគមន៍អន្តរជាតិនិងកូរ៉េខាងជើងពីអ្វីដែលយើងសម្រេចបាន ក្នុងវិស័យការពារនិងយោធា។
សម្រាប់សមយុទ្ធយោធារួមបា.ញ់គ្រាប់ពិតគ្រោងធ្វើនាខែមិថុនា ភាគីទាំង២នឹងប្រមូលបណ្ដាឧបករណ៍យោធាទំនើបៗ ក្នុងនោះឧបករណ៍មួយចំនួនដំណើរការដោយមនុស្សនិងមួយចំនួនដំណើរការដោយមិនបាច់ប្រើមនុស្សដើម្បីបង្ហាញកម្លាំងរបស់សម្ព័ន្ធមិត្ត ។
ចំណែកប្រទេសកូរ៉េខាងជើងវិញកាលពីថ្ងៃទី២២ មីនា បានបា.ញ់មីស៊ីលបណ្ដែតជាច្រើនគ្រាប់ទៅកាន់សមុទ្រខាងកើតដែលប្រហែលជាការតបត ប្រឆាំងសមយុទ្ធយោធារួមកូរ៉េខាងត្បូងនិងអាមេរិកដែលកំពុងធ្វើ។ កងទ័ពកូរ៉េខាងត្បូងនិយាយថា ចាប់ឃើញការបា.ញ់មីស៊ីលទាំងនេះចេញពីហាមហ៊ុងឆ្នេរសមុទ្រខាងកើតរបស់កូរ៉េខាងជើង។ កាលពីថ្ងៃទី១៩ មីនា ក្រុងព្យុងយ៉ាងបានបា.ញ់មីស៊ីលបាលីស្ទិករយៈខ្លី១គ្រាប់ទៅកាន់សមុទ្រខាងកើត ក្នុងពេលប្រទេសនេះធ្វើសមយុទ្ធ ប្រឆាំងការវា.យប្រហារនុយក្លេអ៊ែរតាក់ទិក។
កងទ័ពកូរ៉េខាងត្បូងនិងអាមេរិកកំពុងធ្វើ់សមយុទ្ធយោធាទ្រង់ទ្រាយធំមានឈ្មោះថា FREEDOM SHIELD ដែលក្រុងព្យុងយ៉ាងចាត់ទុកថាជាការរៀបចំសម្រាប់ឈ្លានពានខ្លួន៕
ចែករំលែកព័តមាននេះ