មហារីកសុដន់ ! តើរោគសញ្ញា និងមូលហេតុនៃមហារីកសុដន់មានអ្វីខ្លះ?
រាជធានីភ្នំពេញ ៖ គ្រូពេទ្យជំនាញនៅកម្ពុជាបានលើកឡើងថា មហារីកសុដន់ គឺជាឃាតករលាក់មុខ ដែលបាននិងកំពុងសម្លា.ប់ស្ត្រីកម្ពុជាយ៉ាងស្ងៀមស្ងាត់បំផុត ។
រាជធានីភ្នំពេញ ៖ គ្រូពេទ្យជំនាញនៅកម្ពុជាបានលើកឡើងថា មហារីកសុដន់ គឺជាឃាតករលាក់មុខ ដែលបាននិងកំពុងសម្លា.ប់ស្ត្រីកម្ពុជាយ៉ាងស្ងៀមស្ងាត់បំផុត ។
រាជធានីភ្នំពេញ ៖ គ្រូពេទ្យជំនាញនៅកម្ពុជាបានលើកឡើងថា មហារីកសុដន់ គឺជាឃាតករលាក់មុខ ដែលបាននិងកំពុងសម្លាប់ស្ត្រីកម្ពុជាយ៉ាងស្ងៀមស្ងាត់បំផុត ។
យោងតាមលោកសាស្ត្រាចារ្យ គួយ សំណាង ឯកទេសផ្នែកជំងឺមហារីកនៃមន្ទីរពេទ្យមិត្តភាពខ្មែរ-សូវៀត បានឱ្យដឹងថា រោគសញ្ញា និងអាការៈជំងឺមហារីកសុដន់មានដូចជា ៖
• មានដុំក្នុងសុដន់ ឬសុដន់មានអារម្មណ៍ថា ក្រាស់ប្លែកជាងកន្លែងផ្សេងៗ
• ទំហំ រូបរាង ឬលក្ខណៈខាងក្រៅរបស់សុដន់មានការប្រែប្រួល
• ស្បែកត្រង់សុដន់ប្រែប្រួលដូចជាមានស្នាមផតជាដើម
• ក្បាលសុដន់លិបចូលក្នុង
• ស្បែកខ្មៅៗនៅជុំវិញក្បាលសុដន់ទៅជារបកៗ ឬបែកស្រកា
• ស្បែកនៅសុដន់ទៅជាក្រហូង ឬឡើងក្រហមដូចសំបកក្រូច
បើសិនជាអ្នករកឃើញមានដុំសាច់ក្នុងសុដន់ ឬមានការប្រែប្រួលផ្សេងៗលើសុដន់ (ទាំងថតសុដន់ហើយឃើញធម្មតាក៏ដោយ) គួរតែទៅជួបពេទ្យដើម្បីវាយតម្លៃ។
សម្រាប់មូលហេតុវិញនោះគឺថា គ្រូពេទ្យមិនទាន់យល់ដឹងច្បាស់នៅឡើយទេ ចំពោះមូលហេតុនៃជំងឺមហារីកសុដន់ទេ ដោយគ្រាន់តែដឹងថា មហារីកសុដន់កើតឡើងនៅពេលកោសិកាសុដន់មួយចំនួនចាប់ផ្តើមលូតលាស់មិនធម្មតារហូតដល់គ្រប់គ្រងលែងបាន និងទៅជាដុំសាច់តែម្តង។ កោសិកានេះអាចនឹងរាលដាលពីសុដន់ចូលទៅក្នុងកូនកណ្តុរ ឬកន្លែងផ្សេងៗទៀតនៃរាងកាយ។
មហារីកសុដន់ច្រើនតែចាប់ផ្តើមជាមួយនឹងកោសិកាក្នុងបំពង់បង្ហូរទឹកដោះ (Invasive Ductal Carcinoma)។ មហារីកសុដន់ក៏ប្រហែលជាចាប់ផ្តើមនៅក្នុងជាលិកា Glandular Tissue (Invasive Lobular Carcinoma) ឬជាលិកា ឬកោសិកាផ្សេងៗទៀតក្នុងសុដន់។
អ្នកស្រាវជ្រាវបានសម្គាល់ឃើញថា មានកត្តាអ័រម៉ូន របៀបរស់នៅ និងបរិស្ថានដែលអាចបង្កើនការប្រឈមនឹងជំងឺមហារីកសុដន់បាន។ ប៉ុន្តែវានៅតែមិនច្បាស់ថា ហេតុអ្វីបានជាអ្នកខ្លះមិនមានកត្តាប្រឈមមុខបែរជាកើតមហារីក ខណៈពេលដែលអ្នកមានកត្តាប្រឈមមុខមិនកើតទៅវិញ៕
ចែករំលែកព័តមាននេះ