ADផ្ទាំងផ្សព្វផ្សាយពាណិជ្ជកម្ម

Picture

មក​ស្តាប់​ពី​ការ​តស៊ូ​របស់តារា​កំប្លែង«​ស៊ូ​យ៉ា»មុន​ចូល​សិល្បៈ​​ទើប​ដឹង​ពិតជាជួប​ការ​លំបាក​គួរ​ឱ្យ​អាសូ ​!

1 ឆ្នាំ មុន

រាជធានី​ភ្នំពេញ​៖ តារា​កំប្លែងស៊ូ​យ៉ា ដែល​បងប្អូន​តែ​ស្គាល់​តាម​បណ្តាញ​សង្គម ដូច​ជា​ហ្វេ​ក​ប៊ុ​ក និង​Tik Tok ដោយ​តារា​រូប​នេះ កាន់​ទទួល​បាន​ភាគ​ល្បីល្បាញ​តាម​រយៈ​ការ​សម្តែង​របស់​ខ្លួន​នៅ​ក្នុង​ក្រុម​របស់​ពូ​ណុ​យ និង​ការ​សម្តែង​ផ្សេង​ៗ​ទៀត ​។…

រាជធានី​ភ្នំពេញ​៖ តារា​កំប្លែងស៊ូ​យ៉ា ដែល​បងប្អូន​តែ​ស្គាល់​តាម​បណ្តាញ​សង្គម ដូច​ជា​ហ្វេ​ក​ប៊ុ​ក និង​Tik Tok ដោយ​តារា​រូប​នេះ កាន់​ទទួល​បាន​ភាគ​ល្បីល្បាញ​តាម​រយៈ​ការ​សម្តែង​របស់​ខ្លួន​នៅ​ក្នុង​ក្រុម​របស់​ពូ​ណុ​យ និង​ការ​សម្តែង​ផ្សេង​ៗ​ទៀត ​។

ជា​ការកត់​សម្គាល់ បងប្អូន​មហាជន​ជា​ច្រើន​ធ្លាប់តែ​ទទួល​បាន​សំណើច និង​ភាព​សប្បាយ​រីករាយ ប៉ុន្តែ​ពុំ​ធ្លាប់​ដឹង​នោះ​ទេ​ថា​ តារា​កំប្លែង​ដ៏​ក្មេងខ្ចី​រូប​នេះ មានជីវិត​បែប​ណា​មុន​ចូល​សិល្បៈ ជា​ពិសេស​ រូបរាង​តែង​ម្តង​ថា​តើ​ធ្លាប់​មានការ​រើសអើង​ដែល ​ឬទេ​ទាក់ទង​ជាមួយ​រូបរាង​មួយ​នេះ? លើស​ពី​នេះ ថា​តើ​ស៊ូ​យ៉ា​ចេះ​សម្តែង​កំប្លែង​នេះ​មកពីណា ថា​តើ​នរណា​ជា​អ្នក​បង្រៀន?

តាម​រយៈ​បទ​សម្ភាស​ជាមួយ​កម្មវិធី 60Buzz នៃ​សារព័ត៌មាន​កោះសន្តិភាព​ដោយ​ប្អូន សុខ រិ​ទ្ធី​យ៉ា ហៅ ស៊ូ​យ៉ា បាន​ជម្រាប​អោយ​ដឹង​ថា កាលពី​ប្អូន​មិន​ទាន់​បាន​ចូល​ប្រឡូក​ក្នុង​សិល្បៈ​ជីវិត​របស់​ប្អូន​ពិតជា​លំបាក​ជា​ខ្លាំង ដោយ​រក​ព្រឹក​ខ្វះ​ល្ងាច និង​គ្មាន​លុយកាក់​ សម្រាប់​ការ​ចាយវាយ​គ្រប់គ្រាន់​នោះ​ឡើយ​។

ស៊ូ​យ៉ា ដ៏​កម្សត់​រូប​នេះ​បាន​ពោល​បន្ត​ថា គ្រាមួយ​នោះ ឪពុក​ម្តាយ​ប្អូន​ពិតជា​ពិបាក​ជា​ខ្លាំង ដោយ​ក្រោយ​ម្តាយ​ឆ្លងទន្លេ​រួច​ កំណើត​ប្អូន​ពៅ​របស់​ប្អូន ដោយ​ពុំ​មាន​លុយកាក់​សម្រាប់​ចាយវាយ​នោះ​ឡើយ សូ​ម្បី​តែ​ទឹកដោះគោ និង​របស់រប​ប្រើប្រាស់​ផ្សេង​ៗ គឺ​គ្មាន​សម្រាប់​ការ​ប្រើប្រាស់​ឡើយ​។ សម្រាប់​ប្អូន​ផ្ទាល់ ក៏​ពុំ​អាច​ជួយ​ជា​អ្វី​អោយ​បាន​ច្រើន​នោះ​ដែរ ដោយ​មូលហេតុ​ប្អូន​នៅ​ក្មេងខ្ចី ពុំ​ទាន់​មាន​សមត្ថភាព​គ្រប់គ្រាន់​ក្នុង​ការ​រក​លុយ ហើយ​ក៏​ពុំ​មាន​បងប្អូន​មហាជន​ស្គាល់​ ។

លុះ​ក្រោយមក ប្អូន​ក៏​ទទួល​បានការ​ហាត់រៀន​ពី​ឪពុក​ទាក់ទង​នឹង​កំប្លែង ដោយ​ប្រិ​យ​មិត្តខ្លះ ​ពិតជា​បាន​ស្គាល់​ហើយ នោះ​គឺ​នាយ​ប្រហិត ដែល​ជា​ឪពុក​របស់​ស៊ូ​យ៉ា ដែល​តែង​បណ្តុះបណ្តាល​កូន​អោយ​ដើរ​តាម​គន្លង​របស់​ខ្លួន​រហូត​ទទួល​បាន​ភាព​ជោគជ័យ និង​ការ​គាំទ្រ​មក​ដល់​សព្វ​ថ្ងៃនេះ​ ។

បើ​ទាក់ទង​ជាមួយ​រូបរាង​វិញ​ ប្អូន​ក៏​ពុំ​មានការ​លាក់លៀម​អ្វី​នោះ​ទេ ដោយ​ប្អូន​បាន​ប្រាប់​ថា ដៃ ជើង និង​ភ្នែក​របស់​ប្អូន​ គឺ​មាន​បញ្ហា​តាំងពី​កំណើត​មក​ម្ល៉េះ​។ បើ​ទោះបីជា​ភ្នែក ដៃ ជើងមាន​បញ្ហា​ក៏​ដោយ ក៏​ប្អូន​ពុំដែល​អាក់អន់​ក្នុង​ចិត្ត ពោល​មាន​តែ​ការ​តាំងចិត្ត លើកទឹកចិត្ត​ខ្លួនឯង​បន្ថែម ដូច​ជា​សព្វ​ថ្ងៃនេះ​ប្អូន​ទទួល​បាន​ល្បីល្បាញ​ដូច​សព្វ​ថ្ងៃនេះ គឺ​ដោយសារ​តែ​ភ្នែក ដៃ ជើង​របស់​ប្អូន​ហើយ​ដែល​ជា​ភាព​ទាក់ទាញ​មួយ​សម្រាប់​បងប្អូន​មហាជន ។ លើស​ពី​នេះ ប្អូន​ក៏​អរគុណ​ពុក​ម៉ែ​បងប្អូន​ជា​ខ្លាំង​ដែល​តែង​លើកទឹកចិត្ត​ដល់​ប្អូន និង​ក្រុម​គ្រួសារ​។

គួរ​រម្លឹក​ដែល​ថា ស៊ូ​យ៉ា​ដែល​មានឈ្មោះ​ពិត​ថា សុខ រិ​ទ្ធី​យ៉ា​ រូប​នេះ ទទួល​បាន​ភាព​ល្បី​ល្បាយ​ដំបូង​តាម​រយៈ​ការ​ចាប់ផ្តើម​លេង Tik Tok ជាមួយ​ឪពុក​ដែល​នាយ​ប្រហិត ។ លុះ​ក្រោយមក​ ក៏​តារា​កំប្លែង​ពូ​ណុ​យ​ឃើញ​តាម​បណ្តាញ​សង្គម​ដូច្នេះ ក៏​មានចិត្ត​អាណិត​ស្រឡាញ់​ក៏​ហៅ​ថត​ជាមួយ​រហូត​មក​ដល់​សព្វ​ថ្ងៃនេះ​។ ជា
​ចុង​​ក្រោយ ស៊ូ​យ៉ា ពិតជា​អរគុណ​សម្រាប់​ការ​គាំទ្រ​នា​ពេល​កន្លង​មក ប្រសិនបើ​គ្មាន​ការ​គាំទ្រ​ពី​ពុក​ម៉ែ​បងប្អូន​នោះ​ទេ ប្អូន​ក៏​ពុំ​ទទួល​បាន​ភាព​ល្បីល្បាញ​ដូច​ថ្ងៃ​នេះនោះ​ដែរ​។

លើស​ពី​នេះ ប្អូន​ក៏​មាន​សារ​ផ្តាំផ្ញើ​បងប្អូន​មួយ​ចំនួន​ដែល​មាន​រូបរាង​កាយ​ដូច​ប្អូន ពុំ​ត្រូវ​អស់សង្ឃឹម​នោះ​ឡើយ ត្រូវ​លើកទឹកចិត្ត​អោយ​ខ្លួនឯង​អោយ​ច្រើន​ៗ ទើប​នាំ​អោយ​ជីវិត​របស់​យើង​កាន់តែ​ល្អ​ប្រសើរ​ឡើង​៕ ដោយ​ ៖
(​លី​ហួ គី​ម​ឆាយ​)

អត្ថបទសរសេរ ដោយ