ខេត្តកណ្ដាល៖ កម្លាំងសមត្តកិច្ចនគរបាលជំនាញព្រហ្មទណ្ឌ នៃស្នងការដ្ឋានខេត្តកណ្តាល នៅថ្ងៃទី២២ ខែកុម្ភៈ ឆ្នាំ២០២៣ បានសហការជាមួយនគរបាលរាជធានីភ្នំពេញ និងខេត្ដសៀមរាប បើកកិច្ចប្រតិបត្ដិការស្រាវជ្រាវ និងបង្រាបមុខសញ្ញាប្រើកាំបិតបុ័ងតោ…
ខេត្តកណ្ដាល៖ កម្លាំងសមត្តកិច្ចនគរបាលជំនាញព្រហ្មទណ្ឌ នៃស្នងការដ្ឋានខេត្តកណ្តាល នៅថ្ងៃទី២២ ខែកុម្ភៈ ឆ្នាំ២០២៣ បានសហការជាមួយនគរបាលរាជធានីភ្នំពេញ និងខេត្ដសៀមរាប បើកកិច្ចប្រតិបត្ដិការស្រាវជ្រាវ និងបង្រាបមុខសញ្ញាប្រើកាំបិតបុ័ងតោ កា.ប់ប្លន់ម៉ូតូមួយករណី ដោយធ្វើការឃាត់ខ្លួន ជនសង្ស័យចំនួន ៥ នាក់ ក្នុងចំណោមបក្ខពួក ៧នាក់។
ជនសង្ស័យ ដែលត្រូវបានឃាត់ខ្លួន រួមមាន៖ ១.ឈ្មោះ ឆៃ អៀងឡេង ហៅឆ្លាំង ភេទប្រុស អាយុ២៣ ឆ្នាំ មុខ របរមិនពិតប្រាកដ មានទីលំនៅភូមិក្តីចាស់ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។ ២.ឈ្មោះ ហុក សំណាង ហៅ បឺត ភេទប្រុស អាយុ ១៨ឆ្នាំ មុខរបរ មិនពិតប្រាកដ មានទីលំនៅភូមិក្តីចាស់ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។ ៣.ឈ្មោះ អឿន ម៉ុងហាក់ ភេទប្រុស អាយុ ១៥ឆ្នាំ មុខរបរមិនពិតប្រាកដ មានទីលំនៅភូមិចំបក់មាស សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។ ៤.ឈ្មោះ សើ ឈុនឡេង ភេទប្រុស អាយុ១៩ឆ្នាំ មុខរបរមិនពិតប្រាកដ មានទីលំនៅភូមិចំបក់មាស សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។ ៥.ឈ្មោះ ដុំ សុខវិសាល ភេទប្រុស អាយុ១៩ ឆ្នាំ មុខរបរជាងជួសជុលម៉ូតូ មានទីលំនៅភូមិចំបក់មាស សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ។
សូមជម្រាបថា កាលពីវេលាម៉ោង ៨ និង២០នាទី យប់ថ្ងៃទី១២ ខែកុម្ភៈ ឆ្នាំ២០២៣ នៅលើចិញ្ចើមផ្លូវជាតិលេខ៦ ក្នុងភូមិព្រែកតាបែន ឃុំព្រែកអញ្ចាញ ស្រុកមុខកំពូល ខេត្តកណ្ដាល មានករណីចោរ ១ក្រុម ប្រើកាំបិត និងដំថ្ម ធ្វើសកម្មភាពកា.ប់ប្លន់យកម៉ូតូពីជនរងគ្រោះ ឈ្មោះ ម៉េង លីសុធា ភេទប្រុស អាយុ ២៥ឆ្នាំ មុខរបរកម្មករ ស្នាក់នៅក្នុងដេប៉ូលក់អីវ៉ាន់បោះដុំ ក្នុងភូមិព្រែកតាបែន ឃុំព្រែកអញ្ចាញ ស្រុកមុខកំពូល ខេត្តកណ្ដាល បណ្តាលឲ្យរងរបួសដើមដៃ និងខ្នងខាងឆ្វេង និងបាត់បង់ម៉ូតូ ១គ្រឿង ម៉ាកហុងដា C125 ពណ៌ខ្មៅ ស៊េរីឆ្នាំ២០១៨ ពាក់ស្លាកលេខ កណ្ដាល 1Y-9535។
ក្រោយកើតមានអំពើប្លន់នោះ កម្លាំងជំនាញនគរបាលយុត្តិធម៌ស្រុកមុខកំពូល បានសហការជាមួយកម្លាំងអធិការដ្ឋាននគរបាលខណ្ឌជ្រោយចង្វារ រាជធានីភ្នំពេញ និងកម្លាំងអធិការដ្ឋាននគរបាលក្រុង.ខេត្តសៀមរាប ឃាត់ខ្លួនជនសង្ស័យ បានចំនួន ៥នាក់ និងដកហូតវត្ថុតាង រួមមាន៖ ១.ម៉ូតូម៉ាក SUZUKI NEX ពណ៌ស-ទឹកក្រូច១គ្រឿង ពាក់ផ្លាកលេខ ភ្នំពេញ 1CX-4850 ជាមធ្យោបាយជិះធ្វើសកម្មភាព។ ២.ម៉ូតូម៉ាក Honda Dream C125 ពណ៌ខ្មៅ ១គ្រឿង ស៊េរីឆ្នាំ២០២១ ឡើងតែម ឆ្នាំ២០២២ ពាក់ផ្លាកលេខ ភ្នំពេញ 1IT-5779 ជាមធ្យោបាយជិះធ្វើសកម្មភាព។ ៣.ម៉ូតូម៉ាក Honda C90 គប់ជ្រុង ពណ៌ទឹកប៊ិក ១គ្រឿង ពាក់ផ្លាកលេខ កណ្ដាល 1A-6735 ជាមធ្យោបាយជិះធ្វើសកម្មភាព។ ៤.ទូរសព្ទម៉ាក VIVO ពណ៌ទឹកប្រាក់ ១គ្រឿង។ ៥.ទូរសព្ទម៉ាក OPPO ពណ៌ខ្មៅ ០១គ្រឿង។ ៦.កាំបិតផ្គាក់១ ដងវែង ធ្វើអំពីឬស្សី ២។ ៧.កាំបិតប៉័ងតោ១។
ជនសង្ស័យ និងវត្ថុតាង ត្រូវសមត្ថកិច្ច កសាងសំណុំរឿង បញ្ជូនទៅសាលាដំបូងខេត្តកណ្តាល តាមនីតិវិធី៕ ឃឹម ប៊ុនណាក់
ចែករំលែកព័តមាននេះ