កិច្ចប្រជុំបូកសរុបត្រួតពិនិត្យ និងពង្រឹងការងារអត្តសញ្ញាណកម្ម
ខេត្តសៀមរាប ៖ នាព្រឹកថ្ងៃទី២៣ ខែសីហា ឆ្នាំ២០១៧នេះ នៅស្នងការដ្ឋាននគរបាលសៀមរាប មានរៀបចំ បើកកិច្ចប្រជុំបូកសរុបត្រួតពិនិត្យ
ខេត្តសៀមរាប ៖ នាព្រឹកថ្ងៃទី២៣ ខែសីហា ឆ្នាំ២០១៧នេះ នៅស្នងការដ្ឋាននគរបាលសៀមរាប មានរៀបចំ បើកកិច្ចប្រជុំបូកសរុបត្រួតពិនិត្យ
ខេត្តសៀមរាប ៖ នាព្រឹកថ្ងៃទី២៣ ខែសីហា ឆ្នាំ២០១៧នេះ នៅស្នងការដ្ឋាននគរបាលសៀមរាប មានរៀបចំ បើកកិច្ចប្រជុំបូកសរុបត្រួតពិនិត្យ និងពង្រឹងការងារអត្តសញ្ញាណកម្ម ក្រោមអធិបតីភាពលោកវរសេនីយ៍ឯក ទិត្យ ណារ៉ុង ស្នងការនៃស្នងការនគរបាលខេត្តសៀមរាប ដោយមានអញ្ជើញចូលពី លោកស្នងការរង លោក លោកស្រីនាយនាយរងលោកអធិការអធិការរង និងនាយបុស្តិ៍នគរបាលរដ្ឋបាលក្រុងស្រុកទាំង១០០អញ្ជើញចូលរួផងដែរ។
បន្ទាប់ពីលោកវរៈសេនីយ៍ទោ នៅ អេងវណ្ណី នាយការិយាល័យអត្តសញ្ញាណប័ណ្ណសញ្ជាតិខ្មែរ បានអានរបាយការណ៍បូកសរុបការងារអត្តញ្ញាណកម្ម ដែលកងកម្លាំងបានអនុវត្តកន្លងមកជូនអង្គប្រជុំរួចមក លោកវរៈសេនីយ៍ឯក កែវ រក្សា ស្នងការរងទទួលការងារអត្តសញ្ញាណកម្ម បានមានមតិពាក់ព័ន្ធការងារអត្តសញ្ញាណកម្ម និងអានប្រកាសស្តីពីការកែសម្រួលប្រការ២ និងប្រការ៦ នៃប្រកាសលេខ១០២៤៥ ប្រកចុះថ្ងៃទី១៥ ខែធ្នូ ឆ្នាំ២០១៥ ស្តីពីនីតិវិធី និងបែបបទនៃការចេញលិខិតបញ្ជក់ទីលំនៅក្នុងឃុំ សង្កាត់ដោយអាជ្ញាធរឃុំសង្កាត់ជូនប្រជាពលរដ្ឋសម្រាប់គោលដៅនៃការចុះឈ្មោះបោះឆ្នោតរួចមក អង្គពិធីបានធ្វើការពិភាក្សាផ្លាស់ប្តូរយោបល់រកបញ្ហាប្រឈម និងបទពិសោធន៍ល្អៗសម្រាប់ជាទិសដៅយកទៅអនុវត្តបន្តឲ្យមានប្រសិទ្ធភាព។
អញ្ជើញមានមតិបូកសរុបលោកវរសេនីយ៍ឯក ទិត្យ ណារ៉ុង ស្នងការនគរបាលខេត្តបានប្រសាសន៍ថា លោកសូមសម្ដែងការកោតសរសើរចំពោះកម្លាំងនគរបាលទាំងអស់ដែលកន្លងមកបានខិតខំបំពេញនូវតួនាទី និងភារកិច្ចរបស់ខ្លួនបានយ៉ាងល្អប្រសើរ។ ទន្ទឹមនេះយើងក៏នៅមានចំណុះខ្វះខាតខ្លះដែលយើងទាំងអស់គ្នា ត្រូវបង្កើនការយកចិត្តទុកដាក់បន្ថែមទៀតទាំងការិយាល័យជំនាញទាំងអធិការ និងប៉ុស្តិ៍នគរបាលរដ្ឋបាល ត្រូវបង្កើនការគ្រប់គ្រងស្ថិតិការស្នាក់ការនៅបញ្ជីគ្រួសារធ្វើផ្លាស់ទីលំនៅរបស់ប្រជាពលរដ្ឋត្រូវជំរុញធ្វើបញ្ជី ក១ដល់ក១៥ និងត្រូវប្រជុំផ្សព្វផ្សាយឲ្យប្រជាពលបានយល់ និងចូលរួម ជាពិសេសត្រូវធ្វើបញ្ជី ក-២ក-៤ក-៥ ឲ្យបានគ្រប់ៗគ្រួសារ។
ក្នុងនោះប៉ុស្តិ៍នគរបាលត្រូវចុះទៅតាមខ្នងផ្ទះប្រជាពលរដ្ឋជាប់ជាប្រចាំ ដើម្បីសំណេះសំណាលសួរសុខទុក្ខ និងបម្រើសេវាសាធារណៈជូនពួកគាត់ឲ្យបានល្អត្រូវបន្តពង្រឹងកិច្ចការងារប៉ុស្តិ៍នគរបាលរដ្ឋបាលនិងបង្កើនការងារប្រជាការពារភូមិឃុំឲ្យមានសន្តិសុខសុវតិ្ថភាពល្អ។ លោកបានបន្ថែមទៀតថា ក្នុងនាមជាកងកម្លាំងនគរបាលជាតិត្រូវប្រកាន់ភ្ជាប់នូវវិន័យក្នុងការអនុវត្តនូវតួនាទី និងភារកិច្ចរបស់ខ្លួន ពិសេសត្រូវមានសាមគ្គីភាពឯកភាពផ្ទៃក្នុង និងមានការទំនាក់ទំនងកិច្ចសហប្រតិបត្តិការល្អទើបយើងអាចឈានទៅសម្រេចជោគជ័យ៕
ចែករំលែកព័តមាននេះ