កសិករជាប់ព្រំដែនប្រមូលផលស្រូវបានតិច តម្លៃថោក និងវៀតណាមបិទច្រក
ខេត្តកំពត ៖ កសិករនៅឃុំព្រៃទន្លេ ជាប់ព្រំដែនប្រទេសវៀតណាម ក្នុងស្រុកបន្ទាយមាស ពេលនេះបានប្រមូលផលស្រូវជាបណ្តើរៗហើយ។ ទោះបីជាបែបណា
ខេត្តកំពត ៖ កសិករនៅឃុំព្រៃទន្លេ ជាប់ព្រំដែនប្រទេសវៀតណាម ក្នុងស្រុកបន្ទាយមាស ពេលនេះបានប្រមូលផលស្រូវជាបណ្តើរៗហើយ។ ទោះបីជាបែបណា
ខេត្តកំពត ៖ កសិករនៅឃុំព្រៃទន្លេ ជាប់ព្រំដែនប្រទេសវៀតណាម ក្នុងស្រុកបន្ទាយមាស ពេលនេះបានប្រមូលផលស្រូវជាបណ្តើរៗហើយ។ ទោះបីជាបែបណា ការប្រមូលផលស្រូវឆ្នាំនេះបានបាត់បង់ទិន្នផលច្រើន ។
ស្ត្រីកសិករឈ្មោះ សំ សារ៉ន អាយុ៥៦ឆ្នាំ នៅភូមិព្រៃទន្លេ ឃុំព្រៃទន្លេ បានប្រាប់ឱ្យដឹងថា កសិករនៅភូមិព្រៃទន្លេ បានធ្វើស្រូវប្រភេទអីុអ៊ែរ និងខាតបង់ស្ទើរតែគ្រប់គ្រួសារដោយសារតែសត្វកណ្តុរបំផ្លាញ ។ គាត់បន្តទៀតថា បើគិតតាំងពីថ្លៃជី និងថ្លៃពលកម្មផង ពិតជាខាតបង់ច្រើន ។ ជាមួយគ្នានេះ តម្លៃស្រូវបែរជាឈ្មួញវៀតណាមឱ្យតម្លៃថោក ដែលក្នុងស្រូវ១គីឡូក្រាមតម្លៃ៧៥០ ឬ៨០០រៀលតាមប្រភេទស្រូវ រីឯច្រករបៀងដែលធ្លាប់តែនាំស្រូវទៅវៀតណាមតាមព្រែកអន្សា ក៏ត្រូវបានអាជ្ញាធរវៀតណាមបិទទ្វារទៀត ។
ជុំវិញករណីនេះ លោក ស្វាយ ហៀម ប្រធានឃុំព្រៃទន្លេ បានទទូចម្តងហើយម្តងទៀតឱ្យអាជ្ញាធរវៀតណាមបើកច្រករបៀងព្រែកអន្សានេះឡើងវិញ ព្រោះកសិករធ្វើស្រូវបានហើយអត់មានទីផ្សារក្រៅពីលក់ឱ្យឈ្មួញវៀតណាម ប៉ុន្តែពេលនេះ ខាងវៀតណាមបែរជាបិទច្រកថែមទៀត ធ្វើប្រជាកសិករវ័ណ្ឌកមែន ទែនហើយ ។
ថ្មីៗនេះផងដែរ នៅក្នុងជំនួបជាមួយ លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម នាព្រឹកថ្ងៃទី១៨ សីហា ប្រតិភូធរុជនជប៉ុននៃខេត្តអូសាកា ដឹកនាំដោយលោក កាហ្សូយូគិ នូអិុ (Kazuyuki Nui) អនុប្រធានទី១១២ នៃសភាដើមខេត្តអូសាកា និងជាសមាជិកគណៈកម្មការអចិន្ត្រៃយ៍ ទទួលបន្ទុកបរិស្ថាន, កសិកម្ម, រុក្ខាប្រមាញ់ និងនេសាទ បានបង្ហាញពីចេតនានាំយកបច្ចេកវិទ្យាទំនើប និងការបណ្តាក់ទុនមកកាន់កម្ពុជា ដើម្បីជួយអភិវឌ្ឍន៍វិស័យកសិកម្ម សំដៅនាំចេញទៅកាន់ទីផ្សារក្នុងតំបន់ និងពិភពលោក។
លោក កាហ្សូយូគិ នូអិុ បានជម្រាបលោករដ្ឋមន្ត្រីថា កម្ពុជាមានភាពអំណោយផលលើវិស័យកសិកម្ម ប៉ុន្តែត្រូវការធ្វើទំនើបកម្មផ្នែកបច្ចេកវិទ្យា ដើម្បីអភិវឌ្ឍន៍ចង្វាក់តម្លៃលើផលិតផលដែលមានស្រាប់ សំដៅធ្វើពិពិធកម្មនាំចេញនៃវិស័យនេះ ។ លោកបន្តថា អូសាកា គឺជាខេត្តមួយរបស់ជប៉ុន ដែលមានភាពលេចធ្លោខាងផ្នែកបច្ចេកវិទ្យា និងដំណាំកសិ-ឧស្សាហកម្ម ហើយវិនិយោគិននៅក្នុងខេត្តនេះកំពុងចាប់អារម្មណ៍ខ្លាំងចំពោះវិស័យកសិកម្មនៅកម្ពុជា ។
ជាការឆ្លើយតប លោក ប៉ាន សូរស័ក្តិ បានសម្តែងការស្វាគមន៍ចំពោះគម្រោងវិនិយោគរបស់ប្រតិភូជប៉ុនខេត្តអូសាកា ហើយលោកបានស្នើឲ្យមានការវិនិយោគលើការអភិវឌ្ឍចង្វាក់តម្លៃ សម្រាប់ដំណាំមានសក្តានុពលនាំចេញ ដូចជា ស្រូវ, ពោត, ដំឡូងមី និងផលិតផលផ្សេងៗដូចបានកំណត់នៅក្នុងយុទ្ធសាស្ត្រសមាហរណកម្មកម្ពុជា (CTIS) ។
យោងតាមរបាយការណ៍ក្រសួងកសិកម្ម រុក្ខាប្រមាញ់ និងនេសាទ បង្ហាញថា ក្នុងរយៈពេល៧ខែដើមឆ្នាំ២០១៧ អង្ករកម្ពុជាបាននាំចេញទៅកាន់ទិសដៅចំនួន៥៦ប្រទេសនៅលើពិភពលោក ក្នុងនោះប្រទេសចិនឈរលំដាប់ទី១ នាំចូលអង្ករប្រមាណ៩៧.៧៥២តោន, បារាំងទី២ មាន៤២.៣៦៧តោន, ប៉ូឡូញទី៣ មាន២៨.៣៨៦តោន, អង់គ្លេសទី៤ មាន២២.១៨៦តោន, ហូឡង់ទី៥ មាន១៧.៥១១តោន, បែលហ្ស៊ិកទី៦ មាន១២.៨៨០តោន, ឆែកទី៧ មាន១០.៣៤៦តោន, ម៉ាឡេស៊ីទី៨ មាន៩.៧៤៣តោន, កាបុងទី៩ មាន៨.៩៥៧តោន និងអីុតាលីទី១០ មាន៨.៣១២តោន ។
របាយការណ៍ដដែលបន្តថា បរិមាណអង្ករដែលនាំចេញទៅកាន់ប្រទេសទិសដៅសហភាពអឺរ៉ុបមាន២៥ប្រទេស ក្នុងបរិមាណសរុប១៧១.១១៩តោន ៕
ចែករំលែកព័តមាននេះ