អតីតកញ្ញាឯកភពផែនដីកម្ពុជា ឆ្នាំ២០២១ Miss Univers Cambodia.2021 ងិន ម៉ារ៉ា នឹងចូលរោងការជាផ្លូវការនៅដើមខែមេសា ឆ្នាំ២០២៣ ខាងមុខនេះហើយ ជាមួយអនាគតស្វាមី ដែលជា
រាជធានីភ្នំពេញ ៖ អតីតកញ្ញាឯកភពផែនដីកម្ពុជា ឆ្នាំ២០២១ Miss Univers Cambodia.2021 ងិន ម៉ារ៉ា នឹងចូលរោងការជាផ្លូវការនៅដើមខែមេសា ឆ្នាំ២០២៣ ខាងមុខនេះហើយ ជាមួយអនាគតស្វាមី ដែលជាអាណិកជនខ្មែររស់នៅអាមេរិក។ ដំណឹងពីពេលវេលានៃការចូលរោងការរបស់ស្រីស្អាត ងិន ម៉ារ៉ាឌី នាពេលនេះ ត្រូវបានប្រកាសអោយដឹងជាសាធារណៈតាមរយៈផេកហ្វេសប៊ុកផ្លូវការរបស់វង់តន្ត្រីលោក អេឡិច ច័ន្ទត្រា ខណៈពេលដែលពិធីមង្គលការរបស់នាង គឺបានជួលក្រុមតន្ត្រីរបស់លោក។
តាមការប្រកាសពីផេកហ្វេសប៊ុកខាងលើ មង្គលការរបស់ស្រីស្អាត ងិន ម៉ារ៉ាឌី នឹងប្រារព្ធធ្វើឡើងនៅថ្ងៃទី២ ខែមេសា ឆ្នាំ២០២៣ ខាងមុខនេះ បន្ទាប់ពីនាងបានភ្ជាប់ពាក្យកាលពីអំឡុងខែតុលា ឆ្នាំ២០២២កន្លងទៅ។ ដំណឹងពីការចូលរោងការរបស់ស្រីស្អាត ងិន ម៉ារ៉ាឌី នាពេលនេះ បានធ្វើទស្សនិកជន ជាពិសេសបណ្តាអ្នលគាំទ្របានសម្តែងការអបអរ និងជូនពរដល់រូបនាង នៅក្នុងជីវិតគូនាពេលនេះ។
ជាការកត់សម្គាល់ កន្លងមក ស្រីស្អាត ងិន ម៉ារ៉ាឌី ធ្លាប់លើកឡើងថា ក្រោយពីពួកនាងបានសម្រេចភ្ជាប់ទំនាក់ទំនងគ្នា រហូតឈានដល់ពិធីភ្ជាប់ពាក្យហើយនោះ ពួកនាងនឹងដឹកដៃគ្នាចូលរោងការនាឆ្នាំក្រោយ។ នាងបញ្ជាក់ថា មូលហេតុដោយសារតែការយល់ចិត្តគ្នា គឺមានច្រើនឡើងៗ ម្យ៉ាងចាស់ទុំទាំងសងខាងក៏ស្គាល់រាប់អានគ្នា ទើបនាងមិនអាចពន្យារពេលទៀតបានឡើយ។
នាងថា សម្រាប់ពិធីមង្គលការនោះ នាងបានត្រៀមរួចរាល់ដោយនឹងអញ្ជើញមិត្តភក្តិស្គាល់គ្នា និងអ្នកសិល្បៈ។ ក្នុងនោះក៏អញ្ជើញបណ្តាខាងសារព័ត៌មានចូលរួមផ្តិតរូបភាព ដោយសេរី ដើម្បីចែកចាយដល់បណ្តាហ្វេនៗ ដែលគាំទ្ររហូតមក។
ចំណែកអនាគតស្វាមីរបស់ស្រីស្អាត ងិន ម៉ារ៉ាឌី នាពេលនេះមានឈ្មោះ ទិត្យ វ៉ាន់ណូរ៉ា ជាអាណិកជនខ្មែររស់នៅអាមេរិក ខណៈពេលដែលលោកក៏ធ្លាប់ចេញចូលមកលេងស្រុកខ្មែរជាញឹកញាប់ផងដែរ។ យ៉ាងណា គេនៅមិនទាន់ដឹងទេថា តើក្រោយចូលរោងការហើយនោះ ស្រីស្អាត ងិន ម៉ារ៉ាឌី អាចនឹងបន្តអាជីពសិល្បៈទៀតឬយ៉ាងណា? ក្នុងពេលដែលគេរំពឹងថា នាងអាចនឹងចេញទៅរស់នៅជាមួយស្វាមី និងសាងជីវភាពគ្រួសារនៅលើទឹកដីអាមេរិក៕
ចែករំលែកព័តមាននេះ