រាជធានីភ្នំពេញ ៖ ស្ថានភាពជំងឺរបស់តារាកំប្លែកនាយក្តឹប បានឈានដល់ដំណាក់កាលចុងក្រោយហើយ ពោលគឺរង់ចាំតែពេលវេលាប៉ុណ្ណោះ បន្ទាប់ពីលោកបានទទួលរងនូវជំងឺជាច្រើនប្រភេទ និងធ្លាក់ខ្លួនឈឺធ្ងន់នៅប៉ុន្មានឆ្នាំចុងក្រោយនេះ ។ ដំណឹងពីស្ថានភាពជំងឺរបស់តារាកំប្លែងរូបនេះ ត្រូវបានកូនស្រីរបស់លោកផ្សព្វផ្សាយនៅលើបណ្តាញសង្គមហ្វេសប៊ុក…
រាជធានីភ្នំពេញ ៖ ស្ថានភាពជំងឺរបស់តារាកំប្លែកនាយក្តឹប បានឈានដល់ដំណាក់កាលចុងក្រោយហើយ ពោលគឺរង់ចាំតែពេលវេលាប៉ុណ្ណោះ បន្ទាប់ពីលោកបានទទួលរងនូវជំងឺជាច្រើនប្រភេទ និងធ្លាក់ខ្លួនឈឺធ្ងន់នៅប៉ុន្មានឆ្នាំចុងក្រោយនេះ ។
ដំណឹងពីស្ថានភាពជំងឺរបស់តារាកំប្លែងរូបនេះ ត្រូវបានកូនស្រីរបស់លោកផ្សព្វផ្សាយនៅលើបណ្តាញសង្គមហ្វេសប៊ុក ដើម្បីផ្តល់ដំណឹងដល់មហាជន ជាពិសេសអ្នកសិល្បះដូចគ្នា។ ជាមួយនឹងរូបភាពនាយ ក្តឹប ក្នុងស្ថានភាពដង្ហើមចុងក្រោយ កូនស្រីតារាកំប្លែងរូបនេះបានភ្ជាប់ជាមួយនឹងសំណេរថា ពេលនេះឪពុករបស់នាងខ្ងុំគឺលោកឪពុក ឃុន ចាន់ក្តឹប តារាកំប្លែងជើងចាស់កំពុងតែឈឺធ្ងន់រង់ចាំតែថ្ងៃនិងពេលវេលាទេ។
សំណេរខាងលើនេះ បានធ្វើអោយមហាជនបានសម្តែងការក្តុកក្តួល និងការអាណិតអាសូរដល់តារាកំប្លែងនាយ ក្តឹប ដែលគេមិននឹកស្មានថា ស្ថានភាពរបស់លោកឈានដល់ដំណាក់កាលនេះឡើយ។ យ៉ាងណាតាមការបញ្ជាក់ពីកូនស្រី នាយ ក្តឹប អំឡុងពេលនេះក្រុមគ្រួសារមិនអាចជួយ និងធ្វើអ្វីបានក្រៅពីការសូត្រធម៌សម្រាប់រូបលោកប៉ុណ្ណោះ។
ជាការកត់សម្គាល់តារាកំប្លែង នាយ ក្តឹប បានពើបប្រទះនូវជំងឺជាច្រើនមុខដូចជា ទឹកក្នុងសួត បេះដូង លើសជាតិស្ក និងស្ពតសសៃឈាម រហូតធ្វើអោយលោកស្លាប់មួយចំហៀងខ្លួន។ ប៉ុន្មានឆ្នាំចុងក្រោយនេះដោយសារស្ថានភាពកាន់តែដុនដាបនាយ ក្តឹប បានត្រឹមសម្រាកព្យាបាលជំងឺតែនៅលើកន្ទេល ដោយមិនអាចធ្វើអ្វីបានឡើយ។ កន្លងមក អំឡុងសម្រាកព្យាបាលជំងឺគេសង្កេតឃើញមានសប្បុរសជន និងសមាគមសិល្បះបានចូលរួមជួយឧបត្ថម្ភរូបលោកជាបន្តបន្ទាប់ផងដែរ។
យ៉ាងណាដោយសារស្ថានភាពជំងឺត្រូវការថវិកាច្រើនសម្រាប់ព្យាបាលនោះកន្លងមកក្រុមគ្រួសារនាយ ក្តឹប ក៏បានប្រកាសលក់ផ្ទះ ដើម្បីយកលុយសងគេដែលបានខ្ចីមើលជំងឺ។ នាយ ក្តឹប ត្រូវបានចាត់ទុកជាតារាកំប្លែងជើងចាស់មួយរូបផងដែរ ដោយលោកតែងតែផ្តល់សំណើចសើចក្អាកក្អាយសម្រាប់ទស្សនិកជនទស្សនា។
តារាកំប្លែងរូបនេះក៏ជាសមាជិកនៅក្នុងក្រុម នាយ ក្រឹម ដែលតែងតែបង្ហាញវត្តមានសម្តែងនៅលើឆាកតន្ត្រីស្រុកស្រែង និងសំណើចចុងសប្តាហ៍នៅស្ថានីយ៍ទូរទស្សន៍បាយ័ន ៕
ចែករំលែកព័តមាននេះ