កាលពីពេលថ្មីៗកន្លងទៅប៉ុន្មានថ្ងៃមកនេះ មានអ្នកនិយមលេងនៅក្នុងបណ្ដាញទំនាក់ទំនងសង្គមI nternet ជាច្រើននៅក្នុងប្រទេសថៃ បាននាំគ្នាសម្រុកចែករំលែក.តៗគ្នាយ៉ាងភ្លុកទឹកភ្លុកដី ក្រោយពួកគេបានប្រទះឃើញលេចចេញនៅរូបភាពមួយសន្លឹករបស់តារាសម្ដែងស្រីដ៏ល្បីឈ្មោះ គឺអ្នកនាង
ប្រទេសថៃ ៖ កាលពីពេលថ្មីៗកន្លងទៅប៉ុន្មានថ្ងៃមកនេះ មានអ្នកនិយមលេងនៅក្នុងបណ្ដាញទំនាក់ទំនងសង្គមI nternet ជាច្រើននៅក្នុងប្រទេសថៃ បាននាំគ្នាសម្រុកចែករំលែក.តៗគ្នាយ៉ាងភ្លុកទឹកភ្លុកដី ក្រោយពួកគេបានប្រទះឃើញលេចចេញនៅរូបភាពមួយសន្លឹករបស់តារាសម្ដែងស្រីដ៏ល្បីឈ្មោះ គឺអ្នកនាង Chom poo Araya និងស្វាមីរបស់នាង ដែលមានរូបរាងស្រស់សង្ហានោះ គឺលោក Nott Rangsisingpipat បាននាំគ្នាទៅញ៉ាំអាហារនៅហាងមួយកន្លែង បង្ហាញនៅរូបភាពផ្អែមល្ហែមរបស់ពួកគេទាំងពីរនាក់ ដោយមើលទៅហាក់ដូចជាគ្មានរឿងអ្វីកើតឡើងអញ្ជឹង។
បន្ទាប់ពីប៉ុន្មានសប្ដាហ៍មកនេះ មានរឿងចម្រូងចម្រាសកើតឡើងយ៉ាងខ្លាំងរវាងស្វាមីរបស់តារាស្រីរូបនេះ ក្រោយមានព័ត៌មានបានចុះផ្សព្វផ្សាយមិនឈប់ ដោយបាននិយាយថា ស្វាមីរបស់អ្នកនាង Chom poo គឺលោក Nott បានលួចទាក់ទងជាមួយនឹងនារីវ័យក្មេងសិស្សសាលាម្នាក់ ខណៈពេលដែលកំពូលតារាស្រីអ្នកនាង Araya កំពុងតែនៅប្រទេសបារាំង។ ហើយនារីរូបនោះ ត្រូវបានគេស្គាល់មានឈ្មោះថា «Tan» ប៉ុន្តែក្រោយមក នារីវ័យក្មេងរូបនោះក៏បានចេញមុខមកបកស្រាយផងដែរ មិនមែនដូចអ្វីដែលគ្រប់គ្នាគិតនោះឡើយ។
តែអ្វីដែលអ្នកទាំងអស់គ្នានឹកស្មានមិនដល់ជាងនេះទៅទៀតនោះ នេះបើយោងទៅតាមរយៈសារព័ត៌មានរបស់ថៃ ដែលមានឈ្មោះថា «ThairathTV» បានចុះផ្សព្វផ្សាយរាយការណ៍ប្រាប់អោយដឹងថា កាលពីមុខមក អ្នកជំនួញហៃសូស្វាមីរបស់តារាស្រី Chom poo Araya លោក Nott Visrut Rangsisingpipat ធ្លាប់បានចេញមុខមកទម្លាយឥតលាក់លៀមម្ដងរួចមកហើយអោយអ្នករាល់គ្នាបានដឹងយ៉ាងច្បាស់ៗខ្ទេចគ្មានសល់ចំពោះមុខមហាជនបែបនេះថា «ប្រសិនបើមានរឿងអ្វីកើតឡើងចំពោះលោកនៅថ្ងៃណាមួយនោះ លោកនឹងប្រគល់ទ្រព្យសម្បត្តិទាំងអស់ដែលលោកមានទាំងប៉ុន្មាន លោកនឹងឲ្យទៅភរិយារបស់លោក នោះគឺតារាសម្ដែងស្រីអ្នកនាង Chompoo Araya តែម្ដង»។
ដោយថ្មីៗនេះផងដែរ ស្វាមីរបស់តារាស្រីអ្នកនាង Chom poo Araya ក៏បានចេញមុខមកបកស្រាយនៅក្នុងកម្មវិធីមួយដ៏ល្បីរបស់ថៃ អំពីមុខជំនួញពាន់លាន ដែលលោកកំពុងតែកាន់កាប់ និងធ្វើនៅពេលនេះ ទាំងការផលិត និងចែកចាយខ្សែអគ្គិសនីរោងចក្រយ៉ាងពេញលេញ នេះជាអាជីវកម្មដែលមានបំណងផ្តួចផ្តើម និងគ្រប់គ្រងដោយខ្លួនឯង ប្រហែលជាង៦ឆ្នាំមុន។
លោកក៏បាននិយាយបន្ថែមប្រាប់អោយដឹងទៀតថា «បើសិនជាថ្ងៃមួយ មានរឿងអ្វីកើតឡើង ក្នុងផ្នែកនៃឆន្ទៈនេះ ភរិយានឹងអាចចិញ្ចឹមមើលថែកូនទាំង៣នាក់បានយ៉ាងងាយស្រួល ដោយមិនឲ្យពួកគេមានអារម្មណ៍ថា ហត់នឿយ និងមានការលំបាកអ្វីនោះឡើយ ពីព្រោះថាចាប់តាំងតែពីខ្ញុំបានរៀបការសាងគ្រួសារជាមួយនឹងភរិយារបស់ខ្ញុំ រហូតមានកូនជាចំណងដៃ៣នាក់រួចមក នាងមិនដែលធ្វើអោយខ្ញុំមានអារម្មណ៍ថាធុញទ្រាន់ចំពោះនាងនោះឡើយ នាងតែងតែល្អចំពោះខ្ញុំមករហូត»។
មិនតែប៉ុណ្ណោះ រឹតតែធ្វើអោយអ្នកគាំទ្រមិនតិចនាក់នោះទេ មានការត្រេកអរ សប្បាយរីករាយមិនស្ទើរទៅទៀតនោះ ស្វាមីរបស់កំពូលតារាសម្ដែងស្រីអ្នកនាង Chom poo Araya លោក Nott លោកថែមទាំងបាននិយាយលើកសរសើរទៅភរិយារបស់លោកចំៗយ៉ាងដូច្នេះថា «តាំងពីរួមរស់នៅជាមួយគ្នាបានរយៈពេល៧ឆ្នាំមក រហូតមានកូនមកដល់ពេលបច្ចុប្បន្ននេះ ភរិយារបស់ខ្ញុំ Chompoo នាងគឺជាភរិយាដ៏ល្អគំរូម្នាក់ និងជាម្តាយដ៏ល្អសម្រាប់កូនៗខ្លាំងណាស់»។
សូមជំរាបផងដែរថា តារាសម្ដែងស្រីដែលមានរូបសម្រស់ស្រស់ស្អាត សាច់ចាំមិនខ្ចីចាស់អ្នកនាង Chom Poo Araya និងគូស្នេហ៍ហៃសូលោក Nott Rangsisingpipat មួយគូនេះ អ្នកទាំងពីរបានរៀបអាពាហ៍ពិពាហ៍ក្លាយជាស្វាមីភរិយា និងសាងគ្រួសាររួមគ្នាមកជាង៧ឆ្នាំមកហើយ រហូតមកដល់ពេលបច្ចុប្បន្ននេះ ពួកគេមានកូន៣នាក់ ក្នុងនោះប្រុស២នាក់ និងស្រីម្នាក់ផងដែរ ដែលជាចំណងដៃនៃសុភមង្គល។
ហើយជាចុងក្រោយ ចំពោះរឿងរ៉ាវដែលបានកើតឡើង នៅពាក្យចចាមអារ៉ាមយ៉ាងកក្រើកមិនធម្មតានៅពេលបច្ចុប្បន្ននេះ ដែលបាននិយាយអំពីព័ត៌មានពាសពេញបណ្ដាសារព័ត៌មានចុះផ្សាយនិយាយអំពីផ្ទះដ៏ប្រណីតមួយដែលស្វាមី Chompoo ទិញលួចលាក់ចិញ្ចឹមស្រីក្មេងនោះ គឺមិនពិតដូចអ្វីដែលគ្រប់គ្នាបានលើកឡើងនោះឡើយ សុទ្ធតែជាពាក្យមិនមែនជាការពិតទាំងអស់។
ព្រោះបើតាមគេតែងតែសង្កេតមើលជារឿយៗមក ក្នុងរយៈពេល៧ឆ្នាំកន្លងមកនេះ គ្រប់យ៉ាងបានបញ្ជាក់យ៉ាងច្បាស់ៗថា លោក Nott គឺពិតជាស្រលាញ់ភរិយាខ្លាំងណាស់ ស្រលាញ់រហូតគ្មានថ្ងៃប្រែនោះទេ ជាពិសេសមើលទៅតាមទង្វើដែលបានបង្ហាញអោយឃើញជាក់ស្ដែងតែម្ដង បានដឹងថា លោកថ្នាក់ថ្នមមើលថែយកចិត្តទុកដាក់ចំពោះភរិយាដល់កម្រិតណា៕
ចែករំលែកព័តមាននេះ