អនិច្ចា! តេប្រាប់ម្តាយថា មាន ឥសី មកហៅឲ្យទៅនៅជាមួយ ស្រាប់តែឃើញនៅលើដើមព្រីងផ្អើល
- បន្ទាយមានជ័យ
កាលពីរសៀលថ្ងៃទី៥ ខែកុម្ភៈ ឆ្នាំ២០២៣នេះ មានករណីបុរសម្នាក់បានបញ្ចប់ជីវិតខ្លួនឯងនៅលើដើមព្រីង នៅត្រង់ចំណុចជិត
ខេត្តបន្ទាយមានជ័យ ៖ បើតាមសេចក្តីរាយការណ៍បានឲ្យដឹងថា កាលពីរសៀលថ្ងៃទី៥ ខែកុម្ភៈ ឆ្នាំ២០២៣នេះ មានករណីបុរសម្នាក់បានបញ្ចប់ជីវិតខ្លួនឯងនៅលើដើមព្រីង នៅត្រង់ចំណុចជិតលូតាមែន ស្ថិតក្នុងភូមិអូរស្ងួត ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ។
សេចក្តីរាយការណ៍បន្តថា សា.កស.ពជនរងគ្រោះខាងលើមានឈ្មោះ មឿន សំណាង ភេទប្រុស អាយុ៣២ឆ្នាំ ហើយជនរងគ្រោះទើបតែមកស្នាក់នៅធ្វើការក្នុងរោងម៉ាស៊ីនរបស់ឈ្មោះ ហាប់ វិបុល ។
បើតាមការបំភ្លឺរបស់ឈ្មោះ គីម ស៊ីណាត ភេទប្រុស អាយុ៣៥ឆ្នាំ ជាអ្នកធ្វើការជាមួយគ្នា បានប្រាប់ឲ្យដឹងថា ប្រហែលជាកន្លះខែមុន ខ្លួនបានឮជនរងគ្រោះនិយាយទូរស័ព្ទជាមួយម្ដាយរបស់គាត់ថា «គាត់បានឃើញ ឥសី មកហៅគាត់ឲ្យទៅនៅជាមួយ»។ បន្ទាប់មកទៀត ជនរងគ្រោះចេះតែនិយាយថា «គាត់ចង់ទៅបួស» ប៉ុន្តែបើតាមសមត្ថកិច្ចបានអះអាងថា «ជនរងគ្រោះអាចមានបញ្ហាសរសៃប្រសាទ»។
ក្រោយពេលពិនិត្យសា.កស.ពជនរងគ្រោះរួចហើយ ត្រូវបានសមត្ថកិច្ចប្រគល់ឱ្យទៅក្រុមគ្រួសារ ដើម្បីយកទៅធ្វើបុណ្យតាមប្រពៃណី៕
ចែករំលែកព័តមាននេះ