អគ្គមេបញ្ជាការរងកងទ័ពអូស្ត្រាលីនឹងមកបំពេញទស្សនកិច្ច២ថ្ងៃ
រាជធានីភ្នំពេញ ៖ លោកស្រី អេនជេឡា ខនឌឺរ៉េន ឯកអគ្គរាជទូតអូស្ត្រាលីប្រចាំនៅប្រទេសកម្ពុជា បានថ្លែងថា អគ្គមេបញ្ជាការរងកងទ័ពអូស្ត្រាលីលោក Ray Grigge
រាជធានីភ្នំពេញ ៖ លោកស្រី អេនជេឡា ខនឌឺរ៉េន ឯកអគ្គរាជទូតអូស្ត្រាលីប្រចាំនៅប្រទេសកម្ពុជា បានថ្លែងថា អគ្គមេបញ្ជាការរងកងទ័ពអូស្ត្រាលីលោក Ray Grigge
រាជធានីភ្នំពេញ ៖ លោកស្រី អេនជេឡា ខនឌឺរ៉េន ឯកអគ្គរាជទូតអូស្ត្រាលីប្រចាំនៅប្រទេសកម្ពុជា បានថ្លែងថា អគ្គមេបញ្ជាការរងកងទ័ពអូស្ត្រាលីលោក Ray Grigge នឹងមកបំពេញទស្សនកិច្ចផ្លូវការនៅព្រះរាជាណាចក្រកម្ពុជាចាប់ពីថ្ងៃទី២៥ ដល់ទី២៦ ខែកក្កដា ឆ្នាំ២០១៧នេះ។ នេះបើយោងតាមសេចក្តីជូនដំណឹងរបស់ស្ថានទូតអូស្ត្រាលី បានចេញផ្សាយនៅថ្ងៃទី២៤ ខែកក្កដា ឆ្នាំ២០១៧ ដែលកោះសន្តិភាពបានទទួល។ ស្ថានទូតអូស្ត្រាលីបានលើកឡើងថា លោកស្រីឯកអគ្គរាជទូតអូស្ត្រាលីបានថ្លែងថា”អូស្ត្រាលីមានប្រវត្តិទំនាក់ទំនងយូរអង្វែង និងរឹងមាំជាមួយប្រទេសកម្ពុជា។ យើងកំពុងសហការជាមួយប្រទេសកម្ពុជាក៏ដូចប្រទេសដទៃទៀតដើម្បីធានានូវសុខសន្តិភាព និងភាពរីកចម្រើននៅក្នុងតំបន់។ កម្មវិធីកិច្ចសហប្រតិបត្តិការផ្នែកកងទ័ពរបស់អូស្ត្រាលីជាការប្តេជ្ញាចិត្តរបស់យើង”។
ស្ថានទូតអូស្ត្រាលីបានលើកឡើងទៀតថា ដំណើរទស្សនកិច្ចរបស់លោក Ray Giggs នឹងអនុញ្ញាតឲ្យគាត់ពិនិត្យដោយផ្ទាល់នូវការរួមចំណែកដោយវិជ្ជមាននូវភាពជាដៃគូរបស់កងទ័ពអូស្ត្រាលីជាមួយកម្ពុជា។ នេះជាឱកាសដ៏សំខាន់ក្នុងការក្នុងការជម្រុញឲ្យកិច្ចសហប្រតិបត្តិកងទ័ពរបស់ប្រទេសទាំងពីរកាន់តែប្រសើរឡើង។ ស្ថានទូតអូស្ត្រាលីបានបញ្ជាក់ថា ធាតុមួយដ៏សំខាន់នៃកិច្ចសហប្រតិបត្តិការកងទ័ពប្រទេសទាំងពីរគឺការផ្តល់ការបណ្តុះបណ្តាលភាពសារអង់គ្លេសដល់មន្ត្រីវ័យក្មេងរបស់កងយោធពលខេមភូមិន្ទ។ លោកអគ្គមេបញ្ជាការរង Ray Giggs នឹងអញ្ជើញទៅកាន់មហាវិទ្យាល័យវិទ្យាសាស្ត្រសង្គម និងភាសានៃសាកលវិទ្យាល័យការពារជាតិ ដែលជាទីកន្លែងបណ្តុះបណ្តាលទាំងនេះ។
ក្នុងដំណើរទស្សនកិច្ចនេះស្ថានទូតអូស្ត្រាលីបានលើកឡើងថា លោកRay Giggs នឹងមានការជួបប្រជុំជាមួយលោកនាយឧត្តមសេនីយ៍ នាង ផាត រដ្ឋលេខាធិការក្រសួងការពារជាតិ លោកនាយឧត្តមនាវីឯក អ៊ុង សំខាន់ អគ្គមេបញ្ជាការរងនៃកងយោធពលខេមភូមិន្ទ និងលោកឧត្តមសេនីយ៍ឯក ហ៊ុន ម៉ាណែត នៅទីបញ្ជាការដ្ឋានកម្លាំងពិសេសប្រឆាំងភេរវកម្មឆ្លងដែនផងដែរ។ ស្ថានទូតអូស្ត្រាលីបានអះអាងថា កម្មវិធីកិច្ចសហប្រតិបត្តិការកងទ័ពអូស្ត្រាលីនៅកម្ពុជាក៏ជួយដោះស្រាយផងដែរនូវបញ្ហាប្រឈមនៅក្នុងតំបនផងដែរ។ ”អូស្ត្រាលីមានការប្តេជ្ញាខ្ពស់ក្នុងការប្រឆាំងភេរវកម្ម ហើយលំហាត់ភេរវកម្មរួមគ្នារបស់យើងជាផ្នែកមួយនៃការប្តេជ្ញាចិត្តនេះ”។
ស្ថានទូតបានលើកឡើងថា ការជួយរបស់អូស្ត្រាលីដល់គណៈកម្មការការពារជាតិលំហសមុទ្រ និងមូលដ្ឋានទ័ពជើងទឹករាមជួយធានាថាកម្ពុជាប្រកបដោយឧបករណ៍ និងសមត្ថភាពជំនាញសមស្របដើម្បីចូលដល់កិច្ចខិតខំប្រឹងប្រែងរក្សាសន្តិសុខលំហសមុទ្រក្នុងតំបន់។ ស្ថានទូតអូស្ត្រាលីបានបញ្ជាក់ទៀតថា ដំណើរទស្សនកិច្ចរបស់លោកឧត្តមនាវីឯក Ray Griggsមកកាន់ប្រទេសកម្ពុជាជាផ្នែកមួយនៃដំណើរទស្សនកិច្ចរបស់លោកមកកាន់តំបន់រួមមាន ប្រទេសថៃ វៀតណាម ម៉ាឡេស៊ី និងប្រ៊ុយណេ ដែលលោកនឹងពិភាក្សានូវកិច្ចសហប្រតិបត្តិការដ៏រឹងមាំរបស់អូស្ត្រាលីជាមួយកងកម្លាំងក្នុងតំបន់៕
ចែករំលែកព័តមាននេះ