វង់ល្ខោនភី សុគន្ធី មានការពេញនិយមដោយសារកត្តាអ្វីខ្លះ?
រាជធានីភ្នំពេញ ៖ រយៈពេលជិត៣០ឆ្នាំមកហើយដែលវង់ល្ខោនបាសាក់ភីសុគន្ធី នៅតែមានប្រជាប្រិយភាពពីមហាជនគ្រប់មូលដ្ឋាន។ វង់ល្ខោនមួយនេះតែងតែបម្រើអារម្មណ៍ទស្សនិកជនក្នុង
រាជធានីភ្នំពេញ ៖ រយៈពេលជិត៣០ឆ្នាំមកហើយដែលវង់ល្ខោនបាសាក់ភីសុគន្ធី នៅតែមានប្រជាប្រិយភាពពីមហាជនគ្រប់មូលដ្ឋាន។ វង់ល្ខោនមួយនេះតែងតែបម្រើអារម្មណ៍ទស្សនិកជនក្នុង
រាជធានីភ្នំពេញ ៖ រយៈពេលជិត៣០ឆ្នាំមកហើយដែលវង់ល្ខោនបាសាក់ភីសុគន្ធី នៅតែមានប្រជាប្រិយភាពពីមហាជនគ្រប់មូលដ្ឋាន។ វង់ល្ខោនមួយនេះតែងតែបម្រើអារម្មណ៍ទស្សនិកជនក្នុងពិធីបុណ្យទាន ផ្សេងៗ និងធ្វើឱ្យមានភាពអធិកអធមសម្រាប់ពិធីបុណ្យនោះ។ រៀងរាល់រដូវនៃពិធីបុណ្យទាន គឺរដូវប្រាំងវង់ល្ខោនភីសុគន្ធី មានកម្មវិធីសម្តែងស្ទើរគ្មានលស់មួយថ្ងៃ ។
អ្នកស្រីសួង ធី ថៅកែ«ល្ខោនភីសុគន្ធី» នៅលើទឹកដីសំរោងយោងខេត្តតាកែវ កាលពីពេល ថ្មីៗកន្លងមករៀបរាប់ឲ្យដឹងថាវង់ល្ខោនដែលដឹកនាំដោយអ្នកស្រី និងស្វាមីមិនមែនអាចដំណើរការបានស្រួលដូចមហាជនមើលឃើញទេ។ វាមានការគិត និងរៀបចំយ៉ាងល្អិនល្អន់បំផុតចំពោះពាក្យថា«ល្ខោនបាសាក់»ដែល មនុស្សទាំងហ្វូងទស្សនាបែបនេះ ។
គិតត្រឹម៧ខែនៃឆ្នាំ២០១៧នេះ ក្រុមល្ខោនភីសុគន្ធី ទទួលការសម្តែងរាប់រយរោង ដោយមិនទាន់គិតប៉ុន្មានខែទៅមុខទៀតរហូតដល់ដាច់ឆ្នាំនេះផង ។ វង់ល្ខោនភីសុគន្ធី សម្តែង១យប់ ចាប់ពី២ពាន់ដុល្លារឡើងទៅគិតតាមជិតឆ្ងាយ ។ មានខេត្តបីដែលមិនទទួលសម្តែងព្រោះឆ្ងាយពេកគឺខេត្តស្ទឹងត្រែង មណ្ឌលគិរី និងរតនគិរី ព្រោះចំណាយពេលធ្វើដំណើរច្រើនថ្ងៃពេក ។
វង់ល្ខោន «ភីសុគន្ធី» នៅតែមានការពេញនិយមពីមហាជនទូទាំងប្រទេសនេះ អ្នកស្រីភីសុគន្ធី ថ្លែងថា «គឺដោយសារតែយើងចេះសរសេររឿង មើលទៅអ្នកទស្សនាគាត់យល់ជក់ចិត្ត ហើយសាច់រឿងមិនអូសបន្លាយ លេងមួយយប់ចប់សាច់រឿង ដោយសម្តែងពីម៉ោង៧យប់ដល់២ ឬ៣រំលងអធ្រាត្រឲ្យចប់ដោយបរិបូរណ៍ ។
កិច្ចការកាន់កាប់ក្រុមល្ខោននេះមិនស្រួលឡើយដូចជាត្រូវការពិភាក្សាគ្នានិយាយជាក្រុមឲ្យបានល្អមុននឹងសម្តែង ។
ជាទម្លាប់ខ្ញុំក្នុងនាមជាមេកើយ ចូលចិត្តអប់រំសមាជិកឲ្យស្គាល់តម្លៃសិល្បៈ មិនត្រូវធ្វើឫកពាមិនល្អជាមួយអ្នកដទៃ ។
មុនសម្តែងខ្ញុំឲ្យតួនៅតែក្នុងរោង មិនឲ្យដើរទៅណាផ្តេសផ្តាស ពិសេស នារីៗបើចង់ទិញអីញ៉ាំយើងមានគេជួយទិញមិនឲ្យដើរឆ្វេចឆ្វាចត្រសងគ្នាកុំឲ្យគេឃើញថា ស្រីៗសិល្បៈដើរចោលភ្នែកអ្នកដទៃ ។
ជាទម្លាប់ខ្ញុំគឺចែកលាភពេលសម្តែង មិនចូលចិត្តទុកស្អែកនោះទេ ចប់បើកលុយ ដើម្បីឲ្យតួសម្តែង មួយៗមានទឹកចិត្ត ។ ធម្មតាគេធ្វើការគឺដើម្បីប្រាក់ អ្នកណាក៏ដូចអ្នកណា ។ បន្ថែមពីលើនេះទៀតខ្ញុំមានទម្លាប់រួមសុខទុក្ខជាមួយកូនចៅ បើសម្តែងដល់យប់ជ្រៅមិនទៅផ្ទះ គឺសុខចិត្តដេកនៅរោងល្ខោនទាំងអស់គ្នា មិនមេដេកអូតែល ផ្ទះសំណាក់ កូនចៅដេកនៅរោងល្ខោននោះទេ នេះជាទម្លាប់ ។ ម្យ៉ាងទៀតបើកូនចៅញ៉ាំអីបាយកកបាយក្តាំងក៏ញ៉ាំជាមួយដែរ នេះជាចំណុចដែលខ្ញុំយកមកអនុវត្ត ។
វិស័យល្ខោនបាសាក់តម្រូវឲ្យចេះអត់ធ្មត់ ហើយអាជីពនេះខ្ញុំស្រឡាញ់ណាស់តាំងពីកកើតដំបូងមក គឺមិនចង់បោះបង់ចោលទេ និងកាន់តែព្រួយចិត្តទៅពេលចាស់អស់កម្លាំងខ្លាច ក្មេងៗកូនចៅធ្វើមិនបានល្អ រក្សាមិនដូចចិត្តយើង ។ ម្ល៉េាះហើយទើបខ្ញុំតែងតែគិតថាប្រសិនបើចាស់ទៅសម្តែងមិនបានខ្ញុំនឹងសង់រោងធំមួយទុកដាក់សម្ភារល្ខោនឲ្យបានល្អ ធ្វើជាការរំលឹកដឹងគុណដែលវិជ្ជានេះហើយធ្វើឲ្យខ្ញុំមានការចូលចិត្តពីមជ្ឈដ្ឋាននានា មានឈ្មោះបោះសំឡេង» ។
បច្ចុប្បន្នវង់ល្ខោនរបស់អ្នកស្រីភីសុគន្ធី ក្រៅពីសមាជិកចាស់ បានយកអ្នកជំនាន់ថ្មីបណ្តុះបណ្តាលបង្ហាត់បង្រៀនសិល្បៈល្ខោនបាសាក់ ដើម្បីឲ្យវង់ល្ខោននេះនៅតែបន្តជីវិតបម្រើអារម្មណ៍ទស្សនិកជន និងរួមចំណែកអភិរក្សសិល្បៈបុរាណល្ខោនបាសាក់ ៕
ចែករំលែកព័តមាននេះ