រាជធានីភ្នំពេញ ៖ ខណៈដែលកម្ពុជាកំពុងតែស្ថិតក្នុងដំណាក់កាលនៃការផ្តើមពិភាក្សាទៅលើប្រាក់ឈ្នួលអប្បបរមាសម្រាប់ឆ្នាំ២០១៨ ផ្នែកវាយនភ័ណ្ឌកាត់ដេរ និងផលិតស្បែកជើង មហាជនទូទៅនៅមិនទាន់ដឹងច្បាស់ថា
រាជធានីភ្នំពេញ ៖ ខណៈដែលកម្ពុជាកំពុងតែស្ថិតក្នុងដំណាក់កាលនៃការផ្តើមពិភាក្សាទៅលើប្រាក់ឈ្នួលអប្បបរមាសម្រាប់ឆ្នាំ២០១៨ ផ្នែកវាយនភ័ណ្ឌកាត់ដេរ និងផលិតស្បែកជើង មហាជនទូទៅនៅមិនទាន់ដឹងច្បាស់ថា តើមានម៉ាកផលិតផលល្បីៗអ្វីខ្លះដែលបាននិងកំពុងផលិតតាមរោងចក្រនៅកម្ពុជា សម្រាប់ការនាំចេញទៅទីផ្សារអឺរ៉ុប និងអាមេរិកនោះទេ ។
បើតាមការឲ្យដឹងពីបណ្តាថ្នាក់ដឹកនាំសហជីពនានាបានបង្ហាញថា ម៉ាកផលិតផលខោខូវប៊យ សម្លៀកបំពាក់់ និងស្បែកជើងកីឡាល្បីៗលើពិភពលោក ដូចជា H&Mរបស់ប្រទេសស៊ុយអែត, GAP, Levi Strauss & Co, Adidas Target, Puma, Magnum, Asics, Cater’s, M&S, Wal-Mart, Tchibo, Polo, Next co, Next Plc, American Eagle, Bond, Primark US, Kappa, Mizuno, Bestseller, Nike, Mothercare, Inditex, Zara, GUរបស់ជប៉ុន, UniqloTesco, Marks and Spencer, Banana Republic, C&A, Old Navy, Calvin Klein, Clarks, New Look, Inditex, N Brown Group និងម៉ាកល្បីៗជាច្រើនទៀត បាននិងកំពុងផលិតតាមរោងចក្រនានានៅកម្ពុជា ។
ប្រមាណជាង៨០%នៃផ្នែកវាយនភ័ណ្ឌកាត់ដេរ និងផលិតស្បែកជើងនៅកម្ពុជា គឺជាការវិនិយោគដោយវិនិយោគិនបរទេស ដូចជាចិន, តៃវ៉ាន់, សិង្ហបុរី និងវិនិយោគិនម៉ាឡេស៊ី ជាដើម សម្រាប់ការនាំចេញទៅកាន់ទៅទីផ្សារអឺរ៉ុប និងអាមេរិក ។ បច្ចុប្បន្ន កម្ពុជាមានរោងចក្រកាត់ដេរចំនួនប្រមាណ១.២០០ដែលកំពុងប្រតិបត្តិការ ក្នុងនោះ បើតាមអង្គការពលកម្មអន្តរជាតិ ហៅកាត់ថា អាយឡូ (ILO) គឺមានរោងចក្រកាត់ដេរសម្លៀកបំពាក់ និងស្បែកជើងចំនួន៥៨៤បានចុះកិច្ចព្រមព្រៀងសហការលើកម្មវិធីរោងចក្រល្អប្រសើររបស់អង្គការនេះ ។
ប្រធានសហភាពចលនាកម្មករកម្ពុជា លោក ប៉ាវ ស៊ីណា បានឲ្យដឹងថា ក្រុមអ្នកបញ្ជាទិញដែលជាម្ចាស់ម៉ាកសញ្ញាល្បីៗទាំងនោះតែងតែបង្ហាញការគាំទ្រលើការចរចាប្រាក់ឈ្នួលអប្បបរមារបស់កម្មកររោងចក្រកាតដេរ ប៉ុន្ដែភាគីខាងនិយោជកដែលជាថៅកែរោងចក្រ បែរជាមានការត្អូញត្អែរថា បើទោះបីជាអ្នកបញ្ជាទិញទាំងនោះបង្ហាញការគាំទ្រក៏ដោយ តែពួកគេមិនបានដំឡើងតម្លៃបន្ថែមលើមុខទំនិញដែលបាន កុម្មង់នោះទេ ជាហេតុធ្វើឲ្យនិយោជកពិបាកក្នុងការដំឡើងប្រាក់ឈ្នួលអប្បបរមា ហើយនិយោជកទាំងនោះ តែងតែលើកឡើងថា ក្រុមអ្នកបញ្ជាទិញដែលជាម្ចាស់ម៉ាកសញ្ញាល្បីៗ មិនបង្កើនតម្លៃបន្ថែម ហើយថែមទាំងកាត់បន្ថយការ កុម្មង់ទៀត ។
លោក ប៉ាវ ស៊ីណា បន្ថែមថា ៖« ក្រុមសហ ជីពធ្លាប់បានស្នើទៅអ្នកបញ្ជាទិញម្ចាស់ម៉ាកផលិតផលឲ្យជួយយកចិត្តទុកដាក់ក្នុងការជួយដល់កម្មករតាមរយៈការបង្កើនតម្លៃបន្ថែម » ។
លោក សោម អូន ប្រធានក្រុមប្រឹក្សាសហជីពជាតិកម្ពុជា ដែលមានទំនោគាំទ្ររាជរដ្ឋាភិបាល បានឲ្យដឹងថា ផលិតផលរបស់កម្ពុជាដែលនាំចាំចេញទៅទីផ្សារអន្តរជាតិ មានសម្លៀកបំពាក់ដែលមានរោងចក្រជាង៦០% រោងចក្រផលិតស្បែកជើងមានជាង៧០% និងរោងចក្រផលិតកង់ថ្លៃៗ ។
លោកបញ្ជាក់ថា ៖« យើងឃើញតែប៉ុន្មានមុខនេះដូចជា សម្លៀកបំពាក់ ផលិតស្បែកជើង ផលិតកង់ទេ ដែលមានអាទិភាព ប៉ុន្តែក្រៅពីនេះ ក៏យើងមានដែរ តែមិនច្រើននោះទេ » ។
លោកបញ្ជាក់ថា ម៉ាកផលិតផលសម្លៀកបំពាក់ដែលល្បីៗសម្រាប់នាំទៅទីផ្សារអន្តរជាតិមានដូចជា លីវ៉ាយ,ណៃគី,វ៉ល់ម៉ាត់,អាឌីដាស់ និងពូម៉ាជាដើម។ លោកថា ម៉ាកAdidas និង Puma ភាគច្រើនផលិតជាអាវ និងខោប្រភេទកីឡា និងសម្រាប់លក់នៅក្រៅប្រទេសតែប៉ុណ្ណោះ ។
លោក សោម អូន បានបន្ថែមថា ៖«ផលិតផលម៉ាកល្បីៗ ត្រូវការកម្លាំងកម្មករច្រើន ដែលពេលខ្លះក្នុងរោងចក្រមួយមានរហូតដល់៥ពាន់ឬ៧ពាន់នាក់ សម្រាប់ខ្សែសង្វាក់ផលិតកម្ម ។ ដូច្នេះវិស័យនេះ បានផ្តល់ការងារច្រើនដល់ប្រជាជនកម្ពុជា »។
ទាក់ទិននឹងការនាំចេញផលិតផលល្បីៗពីប្រទេសកម្ពុជាទៅទីផ្សារអន្តរជាតិ លោក អាត់ ធន់ ប្រធានសម្ព័ន្ធសហជីពប្រជាធិបតេយ្យកម្ពុជា ហៅកាត់ថា ស៊ីខាវឌូ បានឲ្យដឹងថា នៅ កម្ពុជាបានផលិតម៉ាកល្បីៗច្រើនប្រភេទមែន។ ទោះបីយ៉ាណា រហូតមកដល់វេលានេះ ទាំងរូបលោក និងមេដឹកនាំសហជីពពីរផ្សេងទៀត មិនទាន់បានជួបពិភាក្សាលើកករណីដំឡើងប្រាក់ឈ្នួលកម្មករ និយោជិតឆ្នាំ២០១៨នៅឡើយ ៕
ចែករំលែកព័តមាននេះ