រាជធានីភ្នំពេញ ៖ សេចក្តីរាយការណ៍ឱ្យដឹងថា ករណីផ្ទុះអាវុធជិត១០គ្រាប់ ស្ថិតត្រង់ចំណុចកែងផ្លូវលេខ៥៥ និង២៤២ ទល់មុខទីស្នាក់ការសហភាពសហព័ន្ធអ្នកសាព័ត៌មានកម្ពុជា(សសសក) ក្នុងសង្កាត់ចតុមុខ ខណ្ឌដូនពេញកាលពីយប់នោះ ត្រូវបាននាយឧត្តមសេនីយ៍ ជួន សុវណ្ណ អគ្គរងនៃអគ្គស្នងការនគរបាលជាតិ និងជាស្នងការនគរបាលរាជធានីភ្នំពេញបានឱ្យកោះសន្តិភាពដឹងនាព្រឹកថ្ងៃទី០៨ កក្កដា នេះថា សមត្ថកិច្ចជំនាញបានកំណត់ស្គាល់អត្តសញ្ញាណខ្មាន់កាំភ្លើង ដែលបាញ់យ៉ាងអនាធិបតេយ្យនោះហើយ ដោយកំពុងតាមប្រមាញ់រក ។
គួរបញ្ជាក់ថា កាលពីវេលាម៉ោង១០ និង១៥នាទីយប់ថ្ងៃទី០៧ កក្កដា មានបុរសម្នាក់បើករថយន្តមួយគ្រឿងម៉ាក Lexus RX330 បានដកកាំភ្លើងបាញ់ជិត១០គ្រាប់ នៅក្បែរទីស្នាក់ការសហភាពសហព័ន្ធអ្នកសារព័ត៌មានកម្ពុជា (សសសក) បង្កការភ្ញាក់ផ្អើលទាំងកណ្តាលយប់ដល់ប្រជាពលរដ្ឋ ស្ថិតក្នុងសង្កាត់ចតុមុខ ខណ្ឌដូនពេញ។ សមត្ថកិច្ចមូលដ្ឋានឱ្យដឹងថា ករណីនេះមិនទាន់ដឹងមានរឿងអ្វីនោះទេ ដោយបុរសនោះបានបើករថយន្តមកដល់ចំណុចផ្លូវលេខ៥៥ កែងនិងផ្លូវ២៤២ ទីស្នាក់ការសហភាពសហព័ន្ធអ្នកសាព័ត៌មានកម្ពុជា(សសសក) ក៏បានដកកាំភ្លើងបាញ់តែម្តង ។
បើតាមអាវុធហត្ថខណ្ឌដូនពញ ដែលបានជិះម៉ូតូដេញពីក្រោយរថយន្តដែលផ្ទុះអាវុធខាងលើថា រថយន្តបង្កម៉ាកLexus RX330 ពណ៌ឈាមជ្រូក ពាក់ស្លាកលេខ ក្រុងព្រះសីហនុ 2A-5981 ។
ចែករំលែកព័តមាននេះ