មកពីចូលរួមមង្គលការបងប្អូន ត្រូវរថយន្តដឹកប្រេងកៀរដួលបោកក្បាលស្លា.ប់
រាជធានីភ្នំពេញ ៖ នារីវ័យក្មេងម្នាក់ត្រូវបានរថយន្តដឹកប្រេងរបស់ក្រុមហ៊ុនLHR បើកកៀរ បណ្តាលឲ្យបោកក្បាលស្លា.ប់នៅនឹងកន្លែង និងម្នាក់ទៀតរងរបួសស្រាល
រាជធានីភ្នំពេញ ៖ នារីវ័យក្មេងម្នាក់ត្រូវបានរថយន្តដឹកប្រេងរបស់ក្រុមហ៊ុនLHR បើកកៀរ បណ្តាលឲ្យបោកក្បាលស្លា.ប់នៅនឹងកន្លែង និងម្នាក់ទៀតរងរបួសស្រាល
រាជធានីភ្នំពេញ ៖ នារីវ័យក្មេងម្នាក់ត្រូវបានរថយន្តដឹកប្រេងរបស់ក្រុមហ៊ុនLHR បើកកៀរ បណ្តាលឲ្យបោកក្បាលស្លាប់នៅនឹងកន្លែង និងម្នាក់ទៀតរងរបួសស្រាល ខណៈដែលជិះម៉ូតូមួយគ្រឿងមកពីចូលរួមមង្គលការបងប្អូន។ គ្រោះថ្នាក់ចរាចរណ៍នេះបានកើតឡើង កាលពីវេលាម៉ោង ១និង១៥នាទីរសៀលថ្ងៃទី២៩ ខែមិថុនា ឆ្នាំ២០១៧នេះ នៅចំណុចខាងលិចគល់ស្ពានព្រែកព្នៅ ក្នុងសង្កាត់ព្រែកព្នៅ ខណ្ឌព្រែកព្នៅ។
នារីរងគ្រោះឈ្មោះ សន សុគន្ធារី អាយុ១៨ឆ្នាំ មានទីលំនៅ ផ្ទះលេ១៩៩ផ្លូវសេ ក្នុងបុរីពិភពថ្មី ផ្សារឈូកមាស ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ។ ចំណែកអ្នករងរបួសជាអ្នកបើកម៉ូតូ ឈ្មោះ ផង់ ស្រីរត្ន័ ភេទស្រី អាយុ១៨ឆ្នាំ ស្នាក់នៅភូមិជាមួយគ្នា។
តាមសាក្សីបានឲ្យដឹងថា នៅមុនពេលកើតហេតុ នារីរងគ្រោះបានជិះម៉ូតូម៉ាក Zoomer-X ពណ៌សលាយខ្មៅ ពាក់ស្លាកលេខ ភ្នំពេញ1FK-4641 មួយគ្រឿងរួមដំណើរជាមួយអ្នកភូមិមកពីចូលរួមមង្គលការបងប្អូន នៅខណ្ឌព្រែកព្នៅ។ នៅពេលធ្វើដំណើរត្រឡប់មកផ្ទះវិញ ដោយធ្វើដំណើរមកដល់កន្លែងកើតហេតុ អមខាងជើងស្ពានព្រែកព្នៅ ស្រាប់តែមានរថយន្តដឹកស៊ីទែនប្រេង ខាងបើកស្របគ្នា មកកៀរ បណ្តាលឲ្យដួល ហើយធ្វើឲ្យស្ត្រីរងគ្រោះដែលជិះក្រោយបោកក្បាលស្លាប់នៅកន្លែង ។ ចំណែក ស្ត្រីដែលអ្នកបើកបររបួសស្រាល។
តាមប្រភពព័ត៌មានឲ្យដឹងទៀតថា បន្ទាប់ពីបង្កគ្រោះថ្នាក់ រថយន្តនោះបានព្យាយាមបើករត់ពីកន្លែងកើតហេតុរហូតដល់ផ្លូវលំក្នុងភូមិត្រពាំងអញ្ចាញចាស់ ក្នុងសង្កាត់ត្រពាំងក្រសាំង ខណ្ឌពោធិ៍សែនជ័យ អ្នកបើករថយន្តបានចុះរត់គេចខ្លួនបាត់។ រថយន្តត្រូវបាននគរបាលបញ្ជូនទៅកាន់ការិយាល័យចរាចរណ៍ផ្លូវគោក ដើម្បីដោះស្រាយ។ ចំណែកសពត្រូវក្រុមគ្រួសារនាំទៅធ្វើបុណ្យតាមប្រពៃណី៕
ចែករំលែកព័តមាននេះ