រាជធានីភ្នំពេញ ៖ កាលពីយប់ថ្ងៃទី២៦ មិថុនា ឆ្នាំ២០១៧ តារាកំប្លែងភេទទីបី លោកម៉ាដូណា បានធ្វើពិធីខួបកំណើត ដោយមានការចូលរួមពីតារា ល្បីៗច្រើនកុះករ ។
តាមការគ្រោងទុកតារាកំប្លែងភេទទីបីម៉ាដូណាបានរៀបចំពិធីខួបកំណើតធំ និងលើកចុងក្រោយក្នុងឆាកជីវិត ។ នាឱកាសនោះម៉ាដូណាលេងខ្លួនយ៉ាងប្រណីត គឺគ្រងឈុតពិសេសដែលនាងឱ្យឈ្មោះថា«រាជិនីសម្រស់មុខសេះ»។ ចំពោះភ្ញៀវដែលអញ្ជើញចូលរួម តម្រូវឱ្យមានពណ៌សម្លៀកបំពាក់ដូចគ្នា ។
ម៉ាដូណានិយាយថា «ខ្ញុំប្រហែលជាលែងធ្វើខួបកំណើតទៀតហើយ តែអាចនឹងរៀបចំធ្វើពិធីជប់លៀងបែបនេះនៅពេលខ្ញុំមានមុខរបរអ្វីមួយអាចជាការបើកផ្ទះសំណាក់ ហាងលក់ខោអាវ ឬរបរអីផ្សេង ។ កម្មវិធីពេលនេះគ្រាន់តែមកជួបជុំគ្នាជាមួយអ្នកសិល្បៈឱ្យបានសប្បាយបន្ថែមនឹងវិថីសិល្បៈដើរទៅមុខយ៉ាងរលូនទើបចេះតែរកអ្វីដែល ប្លែកៗក្នុងថ្ងៃខួបកំណើតតែម្តង ។
ខ្ញុំសូមអរគុណដល់មិត្តសិល្បករទាំងអស់ដែលបានចូលចិត្ត និងស្រឡាញ់រាប់អានរូបខ្ញុំហើយ ចូលរួមកម្មវិធីឱ្យកាន់តែកក្រើកឡើងជាបន្តសូមឱ្យមានសំណាងល្អទាំងអស់គ្នា »។
ចំពោះរឿងយកគូស្រករ ម៉ាដូណានិយាយថា «ខ្ញុំមិនទាន់ដឹងបែបណាឡើយព្រោះខ្ញុំនៅមិនទាន់ចែកដាច់រឿងយកប្រពន្ធ ឬយកបុរសដូចគ្នា» ៕
ចែករំលែកព័តមាននេះ