កូរ៉េខាងជើងបានបា.ញ់មីស៊ីលបាលីស្ទីករយៈចម្ងាយខ្លីចំនួន ៣គ្រាប់ នៅថ្ងៃសៅរ៍ ទី៣១ ធ្នូនេះ។ នេះបើយោងតាមអគ្គសេនាធិការរបស់កូរ៉េខាងត្បូង។
នៅក្នុងអត្ថបទមួយទៅកាន់អ្នកសារព័ត៌មាន នាយសេនាធិការចម្រុះបាននិយាយថា មីស៊ីលទាំងនោះត្រូវបានបា.ញ់ចេញពីតំបន់ Chunghwa នៃខេត្ត North Hwanghae នៅម៉ោងប្រហែល ៨ព្រឹកថ្ងៃសៅរ៍។
ក្រសួងការពារជាតិជប៉ុននិយាយថា មីស៊ីលបាលីស្ទីក ៣គ្រាប់ដែលមួយគ្រាប់ៗមានកម្ពស់អតិបរមាប្រហែល ១០០គីឡូម៉ែត្រ និងហោះចំងាយប្រហែល ៣៥០គីឡូម៉ែត្រ បានធ្លាក់ចូលក្នុងសមុទ្រភាគខាងកើតឧបទ្វីបកូរ៉េ នៅក្រៅតំបន់សេដ្ឋកិច្ចផ្តាច់មុខជប៉ុន។
យោងតាមទិន្នន័យរបស់ CNN នេះជាថ្ងៃទី ៣៧ហើយក្នុងឆ្នាំ ២០២២នេះ ដែលរបបផ្តាច់ការកូរ៉េខាងជើងបានបា.ញ់មីស៊ីល។
កាលពីសប្តាហ៍មុន របបព្យុងយ៉ាងបានបា.ញ់មីស៊ីលបាលីស្ទីករយៈចំងាយខ្លីផងដែរ។
នៅឆ្នាំ ២០២០ កូរ៉េខាងជើងបានធ្វើតេស្តមីស៊ីលចំនួន ៤ដង។ នៅឆ្នាំ ២០២១ ចំនួននោះបានកើនឡើងទ្វេរដង ចំណែកនៅឆ្នាំ ២០២២នេះ របបដ៏ឯកោរនេះបានបា.ញ់មីស៊ីលច្រើនដងជាងពេលណាៗទាំងអស់៕ (យោងតាមប្រភព៖ CNN)
ចែករំលែកព័តមាននេះ