រាជធានីភ្នំពេញ ៖ សេចក្តីរាយការណ៍ឱ្យដឹងថា ដោយសារតែឮពាក្យចចាមអារ៉ាមពីក្រុមកម្មករដែលកំពុងធ្វើផ្លូវនោះ ក៏ត្រូវប្រជាពលរដ្ឋប្រមាណជាង៣០នាក់ តំណាងឱ្យរាប់រយគ្រួសារ ស្ថិតនៅភូមិចំការឪឡឹក សង្កាត់កាកាប ខណ្ឌពោធិ៍សែនជ័យ បានលើកគ្នាទៅសួរនាំដល់មន្ត្រីដែលមានសមត្ថកិច្ចក្នុងសង្កាត់និងខណ្ឌ កាលពីវេលាម៉ោង០៤ និង៣០នាទីរសៀលថ្ងៃទី២៧ មិថុនា នេះ ពាក់ព័ន្ធករណីដែលគេកំពុងធ្វើជាផ្លូវរថភ្លើង នៅក្នុងតំបន់ដែលពួកគាត់កំពុងរស់នៅនោះ ។
សេចក្តីរាយការណ៍បន្តថា មូលហេតុដែលធ្វើឱ្យគាត់ប្រតិកម្ម និងភ័យបារម្ភបែបនេះ គឺដោយសារតែទីតាំងគេធ្វើនោះ គឺតូចចង្អៀតខ្លាំងណាស់ ដោយសព្វថ្ងៃពួកគាត់ពិបាករស់នៅនិងធ្វើដំណើរទៅហើយ ចុះរឿងអីមកធ្វើជាផ្លូវរថភ្លើងទៅវិញ? ។ លុះពេលពួកគាត់ទៅសួរខាងអាជ្ញាធរទាំងអស់ ស្រាប់តែគ្មានអ្នកណាម្នាក់បានដឹងរឿងនេះទេ ។ ដោយឡែក ក្រុមកម្មករដែលកំពុងធ្វើផ្លូវនោះ ដឹងត្រឹមថា គេធ្វើដើម្បីឆ្ពោះទៅព្រលានយន្តហោះ ។
ក្រោយប្រជាពលរដ្ឋទាំងអស់ទៅសួរនាំគ្រប់ជាន់ថ្នាក់ហើយ នៅតែអត់មានអ្នកដឹងរឿងនោះ ពួកគាត់បានរំសាយទៅផ្ទះវិញរៀងៗខ្លួនទៅ ។
ចែករំលែកព័តមាននេះ