ខេត្តសៀមរាប ៖ ប្រភពពីសមត្ថកិច្ចស្រុកពួក បានឱ្យកោះសន្តិភាពដឹងបន្ត នៅព្រឹកថ្ងៃទី២៤ មិថុនា នេះថា ករណីម្តាយវ័យក្មេងដែលបំបៅដោះកូនអាយុ២០ថ្ងៃថប់ដង្ហើមស្លាប់នោះ គឺបណ្តាលមកពីនាងមានវបត្តិផ្លូវចិត្ត ដោយសារតែប្តីមិនបាននៅជិតខ្លួនទេ ពេលមានកូនស្រីនេះ ។ ជាពិសេស គឺប្តីនោះមិនបានផ្តល់ប្រាក់ដែលរកបានពីធ្វើការសំណង់ មកឱ្យនាង១រៀលឡើយ ទើបនាងសម្លាប់កូនតែម្តង ។ ឱនាងអើយនាង! បំបៅដោះកូនទើបអាយុ២០ថ្ងៃ រហូតស្លាប់
គួរបញ្ជាក់ថា ស្ត្រីសង្ស័យស្ត្រីជាម្តាយខាងលើ មានឈ្មោះសែម រ៉ាន អាយុ១៨ឆ្នាំ មានប្តីឈ្មោះផន រ័ត្ន ជាកម្មករសំណង់ ។ ទាំង២នាក់មានកូន២ ដែលកូនទី១-ឈ្មោះផន បញ្ញា ភេទប្រុស អាយុជាង១ខួប និងកូនស្រីទី២ (កូនដែលស្លាប់) ឈ្មោះផន ស្រីនាង អាយុទើប២០ថ្ងៃ ។
សមត្ថកិច្ចស្រុកពួកបន្តថា ទាំង២នាក់ប្តី-ប្រពន្ធនេះជាអត់ខាន់ស្លានោះទេ ដោយយកគ្នាត្រឹមសែនព្រេនប៉ុណ្ណោះ តាំងពីនារីជាម្តាយនេះមានអាយុ១៥ឆ្នាំមកម្ល៉េះ ។ ការរស់នៅជាមួយគ្នា មកដល់សព្វថ្ងៃ គឺមិនចុះសម្រុងនោះឡើយ រហូតដល់នាងមានកូនស្រីទី២នេះ ប្តីមិនបានទទួលខុសត្រូវនិងមិនដែលនៅជិតខ្លួន ដោយប្តីរកលុយបាន គិតតែពីដើរទិញស្រាផឹករហូត ទើបធ្វើឱ្យនាងមានវិបត្តិរហូតដល់គិតខ្លី សម្លាប់កូនស្រីខ្លួនឯងតែម្តង ។ បច្ចុប្បន្ន ស្ត្រីជាម្តាយ ត្រូវបានបញ្ជូនទៅឃុំខ្លួននៅពន្ធនាគារ ដោយជាប់ចោទពីបទឃាតកម្មគិតទុកជាមុន ។
ចែករំលែកព័តមាននេះ